Génesis 45:18 - Li Santil hu

¹⁸ Cꞌamomak chak le̱ yucuaꞌ ut te̱cꞌam ajcuiꞌ chak chixjunil le̱ jun cablal li cuan aran. Tinqꞌue ajcuiꞌ e̱re chixjunil li cꞌaꞌak re ru li cha̱bil li cuan arin saꞌ li tenamit Egipto. Ut ta̱cua̱nk ajcuiꞌ chi tzꞌakal le̱ cha̱bil tzacae̱mk arin.

Q'eqchi Bible

¹⁸ k'amomaq chaq leeyuwa' ut leejunkab'al. Chalqex wik'in ut laa'in tink'e eere chixjunil li q'axal chaab'il wank arin Ejiipt ut taawanq ajwi' leechaab'il tzekemq sa' lintenamit.

Génesis 45:18 ပူးပေါင်းရင်းမြစ်များ

Génesis 47:6

Chixjunil li tenamit Egipto cuan rubel a̱takl. Canabeb chi cua̱nc saꞌ li naꞌajej Gosén xban nak li chꞌochꞌ aꞌan cha̱bil. Ut cui cuanqueb saꞌ e̱ya̱nk li nequeꞌxba̱nu chi us li cꞌanjel, ta̱kꞌaxtesiheb inqueto̱mk reheb re nak eb aꞌan teꞌilok re, chan laj faraón.

Génesis 27:28

Aꞌ taxak li Ka̱cuaꞌ Dios tixqꞌue chak li hab saꞌ xbe̱n la̱ cuacui̱mk. Tixqꞌue ajcuiꞌ a̱cue li cha̱bil chꞌochꞌ re nak sa talajeꞌqꞌuik la̱ cuacui̱mk joꞌ ajcuiꞌ la̱ quiꞌil kꞌe̱n.

Salmos 147:14

Aꞌan ta̱qꞌuehok e̱re chi cua̱nc saꞌ tuktu̱quil usilal saꞌ le̱ tenamit. Ut aꞌan ajcuiꞌ ta̱qꞌuehok e̱re chi nabal li cꞌaꞌru e̱re.

Números 18:29

Nak te̱qꞌue li junju̱nk saꞌ xlaje̱tkil chicuu la̱in li Ka̱cuaꞌ, te̱sicꞌ ru li kꞌaxal cha̱bil xban nak santo li kꞌaxtesinbil chicuu.

Números 18:12

La̱in tinqꞌue e̱re chixjunil li xbe̱n ru li acui̱mk, ut li cha̱bil aceite ut li cha̱bil vino li nequeꞌxqꞌue eb laj Israel chokꞌ xmayejeb.

Isaías 28:4

Ta̱sachekꞌ ru lix lokꞌal li tenamit Samaria li cuan saꞌ li ru takꞌa cuan cuiꞌ li cha̱bil chꞌochꞌ. Ta̱sachekꞌ ru joꞌ nak nachakic li utzꞌuꞌuj. Chanchan nak nasacheꞌ li xbe̱n ru li cheꞌ higo nak nasiqꞌueꞌ nak ma̱jiꞌ nacuulac xkꞌehil li sicꞌoc.

Isaías 28:1

Raylal ta̱cha̱lk saꞌ e̱be̱n la̱ex li ralal xcꞌajol laj Efraín. Xenimobresi e̱rib riqꞌuin li nimla tenamit Samaria li cuan saꞌ li ru takꞌa li cuan cuiꞌ li cha̱bil chꞌochꞌ. Ut cꞌajoꞌ le̱ kꞌetkꞌetil. Yo̱ chi sachc lix lokꞌal li tenamit Samaria xban nak junes cala̱c chic nequeꞌxba̱nu. Chanchan li utzꞌuꞌuj li yo̱ chi chakic.

Salmos 81:16

Abanan li Dios tixqꞌue raj reheb lix tenamit chixjunil li cꞌaꞌru teꞌxtzaca. Tixqꞌue raj li cha̱bil trigo reheb ut tixqꞌue raj reheb li xyaꞌal cab li nacuan saꞌ qꞌuicheꞌ.

Deuteronomio 32:14

Quixqꞌue le̱ cuacax re ta̱cua̱nk le̱ leche ut le̱ queso. Quixqꞌue le̱ cha̱bil carner ut chiba̱t li cuanqueb Basán re nak ta̱cua̱nk le̱ tib. Ut quixqꞌue ajcuiꞌ li cha̱bil trigo. Ut querucꞌ li xyaꞌal li uvas li chanchan quicꞌ xban xcakal.

Génesis 45:17

Laj faraón quixye re laj José: —Ye reheb la̱ cuas xqꞌuehakeb li ri̱k chirixeb lix bu̱r ut teꞌxic saꞌ junpa̱t saꞌ li tenamit Canaán.

Génesis 46:34

la̱ex texchakꞌok ut te̱ye re, “Chalen chak saꞌ kacaꞌchꞌinal, la̱o aj ilol queto̱mk. Aꞌan ajcuiꞌ li cꞌanjel li queꞌxba̱nu chak eb li kaxeꞌto̱nil yucuaꞌ.” Joꞌcaꞌin te̱ye re laj faraón re nak aꞌan tixye e̱re nak texcana̱k saꞌ li naꞌajej Gosén. Kꞌaxal us raj texcana̱k arin Gosén xban nak eb laj Egipto xicꞌ nequeꞌrileb li nequeꞌqꞌuiresin queto̱mk, chan laj José reheb li ras.