Génesis 45:16 - Li Santil hu

¹⁶ Ut quicuulac resil saꞌ rochoch laj faraón nak queꞌcuulac eb li ras laj José riqꞌuin. Ut laj faraón, joꞌ eb ajcuiꞌ laj cꞌanjel chiru, queꞌsahoꞌ saꞌ xchꞌo̱l chirabinquil aꞌin.

Q'eqchi Bible

¹⁶ Kiwulak resil sa' rochoch laj Parahón naq ke'wulak eb' li ras laj José rik'in. K'ajo' naq ke'saho'k sa' xch'ool laj Parahón ut eb' laj k'anjel chiru chi rab'inkil a'an.

Génesis 45:16 ပူးပေါင်းရင်းမြစ်များ

Hechos 7:13

Nak queꞌco̱eb cuiꞌchic xcaꞌ sut li ralal aran Egipto, laj José quixye reheb nak aꞌan laj José li ri̱tzꞌineb. Ut saꞌ ajcuiꞌ li cutan aꞌan laj faraón quixnau nak laj José, aꞌan xcomoneb li ralal xcꞌajoleb laj judío.

Hechos 6:5

Ut queꞌxcꞌul xchꞌo̱leb chixjunil li cuanqueb aran. Queꞌxsicꞌ ru laj Esteban li napa̱ban chi tzꞌakal ut nujenak chi Santil Musikꞌej. Ut queꞌxsicꞌ ajcuiꞌ ruheb laj Felipe, laj Prócoro, laj Nicanor, laj Timón, laj Parmenas, ut laj Nicolás aj Antioquía li qui-oc saꞌ xya̱nkeb laj judío.

Ester 5:14

Ut lix Zeres li rixakil joꞌqueb ajcuiꞌ li rami̱g queꞌxye re: —Takla xyi̱banquil junak li naꞌajej cuib xcaꞌcꞌa̱l (22) metro xteram ut ta̱yi̱b li cꞌa̱m re xyatzꞌbal laj Mardoqueo. Ut ekꞌela cuulaj ta̱tzꞌa̱ma chiru li rey nak tixtakla xyatzꞌbal laj Mardoqueo re nak naru tatxic saꞌ li ninkꞌe a̱cuochben li rey chi ma̱cꞌaꞌ a̱cꞌaꞌux, chanqueb. Ut quisahoꞌ xchꞌo̱l laj Amán riqꞌuin li naꞌleb aꞌan ut quixtakla xyi̱banquil li naꞌajej re xyatzꞌbal laj Mardoqueo.

Ester 2:4

Ut li tukꞌ ixk li kꞌaxal ta̱cuulak chiru li rey, aꞌan li ta̱qꞌuehekꞌ chokꞌ reina chokꞌ re̱kaj lix Vasti, chanqueb. Ut quixcꞌul xchꞌo̱l li rey li naꞌleb aꞌin. Ut quixba̱nu joꞌ quiyeheꞌ re.

Ester 1:21

Li cꞌaꞌru quixye laj Memucán quixcꞌul xchꞌo̱l li rey joꞌqueb ajcuiꞌ li ni̱nkeb xcuanquil li cuanqueb aran. Ut li rey Asuero quixba̱nu joꞌ quiyeheꞌ re xban laj Memucán.

2 Crónicas 30:4

Li rey quixcꞌul xchꞌo̱l joꞌ eb ajcuiꞌ chixjunileb li tenamit li chꞌutchꞌu̱queb aran xba̱nunquil li ninkꞌe.

2 Samuel 3:36

Chixjunileb li tenamit queꞌxqꞌue retal li quixba̱nu li rey David ut queꞌsahoꞌ saꞌ xchꞌo̱leb. Chixjunil li quixba̱nu li rey David quicuulac chiruheb.

Deuteronomio 1:33

Ut li Ka̱cuaꞌ yo̱ chi cꞌamoc be che̱ru riqꞌuin li xam chi kꞌojyi̱n ut li chok chi cutan. Quixcꞌut che̱ru bar te̱yi̱b cuiꞌ le̱ muheba̱l ut quixcꞌut che̱ru bar cuan li be te̱cꞌam nak texxic.

Génesis 41:33

Anakcuan us raj ta̱ba̱nu li naꞌleb aꞌin. Sicꞌ junak cui̱nk cha̱bil xnaꞌleb re nak aꞌan ta̱tenkꞌa̱nk a̱cue chixtaklanquil li tenamit Egipto.

Génesis 34:18

Ut laj Hamor joꞌ ajcuiꞌ laj Siquem queꞌxcꞌul xchꞌo̱l li cꞌaꞌru quiyeheꞌ reheb.

Génesis 20:15

Laj Abimelec quixye re laj Abraham: —Il li naꞌajej aꞌan. Chixjunil li chꞌochꞌ aꞌan cue la̱in. Ta̱sicꞌ li bar cuan ta̱cuulak cha̱cuu ut aran tatcua̱nk, chan.

Génesis 16:6

Quichakꞌoc laj Abram ut quixye re: —La̱at nacanau nak la̱ mo̱s cuan rubel a̱takl. La̱at yal a̱cue cꞌaꞌru ta̱ba̱nu riqꞌuin, chan laj Abram. Cꞌajoꞌ nak quijoskꞌoꞌ lix Sarai saꞌ xbe̱n lix mo̱s ut cꞌajoꞌ nak quixchꞌila. Tojoꞌnak lix Agar quie̱lelic.

Génesis 45:15

Ut quilajrutzꞌeb ru li ras chixju̱nkaleb ut quiya̱bac xban xsahil saꞌ xchꞌo̱l. Ut eb aꞌan queꞌa̱tinac chi ribileb rib.

Génesis 45:17

Laj faraón quixye re laj José: —Ye reheb la̱ cuas xqꞌuehakeb li ri̱k chirixeb lix bu̱r ut teꞌxic saꞌ junpa̱t saꞌ li tenamit Canaán.

Génesis 41:37

Laj faraón ut eb laj cꞌanjel chiru queꞌxcꞌul xchꞌo̱l li cꞌaꞌru queꞌyeheꞌ re xban laj José.