Génesis 45:15 - Li Santil hu

¹⁵ Ut quilajrutzꞌeb ru li ras chixju̱nkaleb ut quiya̱bac xban xsahil saꞌ xchꞌo̱l. Ut eb aꞌan queꞌa̱tinac chi ribileb rib.

Q'eqchi Bible

¹⁵ Chirix chik a'an kixtz'ub' ru chixjunileb' li ras, yo chi yaab'ak sa' xb'eeneb'; toja' naq eb' li ras ke'ok chi seeraq'ik rik'in.

Génesis 45:15 ပူးပေါင်းရင်းမြစ်များ

San Lucas 15:20

Saꞌ junpa̱t quicuacli ut quisukꞌi saꞌ rochoch lix yucuaꞌ. Toj cuan ajcuiꞌ chak chi najt nak qui-ileꞌ xban lix yucuaꞌ. Ut li yucuaꞌbej quiril xtokꞌoba̱l ru. Co̱ saꞌ a̱nil chixcꞌulbal li ralal. Quixkꞌalu ut quirutzꞌ ru.

Hechos 20:37

Cꞌajoꞌ nak queꞌya̱bac chixjunileb. Queꞌxkꞌalu laj Pablo ut queꞌrutzꞌ ru.

Salmos 77:4

At Ka̱cuaꞌ, la̱at incꞌaꞌ quina̱tenkꞌa. Joꞌcan nak incꞌaꞌ quinru chi cua̱rc xban li raylal ut xban lin cꞌaꞌux. Quisach innaꞌleb. Incꞌaꞌ chic quinru chi a̱tinac.

2 Samuel 14:33

Joꞌcan nak laj Joab co̱ chi a̱tinac riqꞌuin li rey David ut quixye re li cꞌaꞌru quixye laj Absalón. Li rey quixtakla xbokbal laj Absalón. Co̱ laj Absalón riqꞌuin ut quixcuikꞌib rib saꞌ chꞌochꞌ. Li rey quixcꞌul ut quirutzꞌ ru.

1 Samuel 20:41

Nak ac xco̱ li al, laj David qui-el chak chirix li jun tu̱b chi pec. Quixcuikꞌib rib oxib sut saꞌ chꞌochꞌ. Queꞌrutzꞌ ru chi ribileb rib. Ut cꞌajoꞌ nak queꞌya̱bac. Laj David kꞌaxal cuiꞌchic quiya̱bac toj retal quicꞌojla xchꞌo̱l.

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

Li xHu LIX RUT 1:14

Ut eb li ralib queꞌoc cuiꞌchic chi ya̱bac chi cau. Ut lix Orfa quirutzꞌ ru lix Noemí ut quixchakꞌrabi ut quisukꞌi. Abanan lix Rut quicana rochben.

Li xHu LIX RUT 1:9

Ut aꞌ taxak li Dios chiqꞌuehok e̱re nak texsumla̱k cuiꞌchic ut chexcua̱nk taxak chi sa saꞌ e̱chꞌo̱l saꞌ le̱ rochoch, chan lix Noemí reheb. Ut quixchakꞌrabiheb ut quirutzꞌ ruheb. Ut eb li alibej queꞌoc chi ya̱bac.

Éxodo 4:27

Li Ka̱cuaꞌ Dios quixye re laj Aarón: —Tatxic saꞌ li chaki chꞌochꞌ. Ta̱cꞌul chak laj Moisés.— Ut laj Aarón co̱ chixcꞌulbal laj Moisés saꞌ li tzu̱l bar quia̱tina̱c cuiꞌ xban li Dios. Laj Aarón quirutzꞌ ru xban nak sa saꞌ xchꞌo̱l chi rilbal.

Génesis 45:2

Ut laj José quiya̱bac chi cau xban xsahil saꞌ xchꞌo̱l. Eb laj Egipto queꞌrabi nak yo̱ chi ya̱bac. Queꞌrabi ajcuiꞌ li cuanqueb saꞌ rochoch laj faraón.

Génesis 33:4

Laj Esaú quia̱linac chixcꞌulbal li ri̱tzꞌin. Quixkꞌalu chi xcux laj Jacob ut quirutzꞌ ru ut queꞌoc chi ya̱bac xcabichaleb xban xsahileb saꞌ xchꞌo̱l.

Génesis 29:13

Nak laj Labán quirabi resil nak laj Jacob cuan aran, quia̱linac saꞌ junpa̱t chixcꞌulbal. Nak quicuulac cuan cuiꞌ laj Jacob, quixkꞌalu ut quirutzꞌ ru. Ut saꞌ junpa̱t quixbok saꞌ rochoch. Laj Jacob najt quiserakꞌic riqꞌuin laj Labán.

Génesis 29:11

Laj Jacob quirutzꞌ ru lix Raquel ut quiya̱bac xban xsahil saꞌ xchꞌo̱l.

Génesis 42:24

Ut laj José quixcanabeb junpa̱t ut co̱ chi ya̱bac xjunes xban xsahil saꞌ xchꞌo̱l. Quisukꞌi ut quia̱tinac riqꞌuineb. Laj José quixchap laj Simeón ut quixbacꞌ li rukꞌ chiruheb li ras.

Génesis 45:14

Ut laj José quixkꞌalu xcux laj Benjamín ut queꞌya̱bac chi xcabichaleb.

Génesis 45:16

Ut quicuulac resil saꞌ rochoch laj faraón nak queꞌcuulac eb li ras laj José riqꞌuin. Ut laj faraón, joꞌ eb ajcuiꞌ laj cꞌanjel chiru, queꞌsahoꞌ saꞌ xchꞌo̱l chirabinquil aꞌin.

Génesis 46:29

Ut laj José quixyi̱b lix carre̱t ut qui-oc chi saꞌ. Tojoꞌnak co̱ Gosén chixcꞌulbal lix yucuaꞌ. Nak queꞌxcꞌul rib, laj José ticto quixkꞌalu xcux lix yucuaꞌ ut ma̱ caꞌchꞌin nak quiya̱bac nak queꞌxkꞌalu ribeb.