Génesis 45:1 - Li Santil hu

¹ Laj José incꞌaꞌ chic quixcuy xya̱b. Xban nak oc raj re chi ya̱bac chiruheb laj Egipto, joꞌcan nak quixye reheb: —Elenkex cuan junpa̱tak chirix cab, chan reheb. Ut ma̱ ani chic quicana riqꞌuin laj José. Caꞌaj chic eb li ras queꞌcana riqꞌuin. Ut laj José quixchꞌolob xya̱lal chiruheb nak aꞌan li i̱tzꞌinbej li quicꞌayi̱c junxil.

Q'eqchi Bible

¹ Laj José ink'a' chik kixkuy li xyaab' chiruheb' li xaqxookeb' chi xk'atq, ut kixye: “Isihomaq chixjunileb' chiwu!”, chan. Maajun chik kikanaak rik'in naq kixk'e rib' chi xnaweb' li ras.

Génesis 45:1 ပူးပေါင်းရင်းမြစ်များ

San Mateo 18:15

Cui junak la̱ cuech aj pa̱banelil ta̱ma̱cobk cha̱cuu, ayu riqꞌuin ut nak cua̱nkex e̱junes, ta̱chꞌolob chiru lix ma̱c. Ut cui ta̱rabi li xnaꞌleb li ta̱qꞌue, la̱at xatenkꞌa la̱ cuech aj pa̱banelil re nak tixcꞌam rib saꞌ usilal a̱cuiqꞌuin.

1 Corintios 13:5

Li ani narahoc incꞌaꞌ nahoboc. Incꞌaꞌ naxsicꞌ xcha̱bilal xjunes rib. Li ani narahoc incꞌaꞌ najoskꞌoꞌ ut incꞌaꞌ naxqꞌue saꞌ xchꞌo̱l li cꞌaꞌru naxcꞌul.

Hechos 10:41

Incꞌaꞌ quixcꞌutbesi rib chiruheb chixjunileb. Caꞌaj cuiꞌ chiruheb li quisiqꞌueꞌ ruheb junxil xban li Dios. La̱o cocuaꞌac ut co-ucꞌac riqꞌuin nak ac xcuacli cuiꞌchic chi yoꞌyo saꞌ xya̱nkeb li camenak.

Jeremías 20:9

Abanan nak ninye nak incꞌaꞌ chic tatincꞌoxla, at inDios, ut incꞌaꞌ chic tina̱tinak saꞌ a̱cꞌabaꞌ, junelic cuan saꞌ cua̱m la̱ cua̱tin. Chanchan jun li xam nacꞌatoc chak toj saꞌ inbakel. Nacuaj raj incꞌaꞌ tinye, abanan incꞌaꞌ nincuy.

Isaías 42:14

Li Ka̱cuaꞌ quixye: —La̱in ma̱cꞌaꞌ xinye. Najt xincuy cuib ut ma̱cꞌaꞌ xinba̱nu. Abanan anakcuan tinjap cue joꞌ nak naxjap re jun li ixk li oc re chi qꞌuira̱c. Jun xxiquic nak tinsacheb ru li xicꞌ nequeꞌiloc cue.

2 Samuel 1:20

Me̱ye resil aran Gat, chi moco te̱ye resil saꞌ eb li be aran Ascalón, re nak incꞌaꞌ teꞌsahokꞌ saꞌ xchꞌo̱leb lix rabineb laj filisteo. Me̱ye resil re nak incꞌaꞌ teꞌpiscꞌok xban xsahileb xchꞌo̱l li ixk li incꞌaꞌ nequeꞌxpa̱b li Dios.

Hechos 7:13

Nak queꞌco̱eb cuiꞌchic xcaꞌ sut li ralal aran Egipto, laj José quixye reheb nak aꞌan laj José li ri̱tzꞌineb. Ut saꞌ ajcuiꞌ li cutan aꞌan laj faraón quixnau nak laj José, aꞌan xcomoneb li ralal xcꞌajoleb laj judío.

Génesis 44:34

¿Chan ta cuiꞌ ru nak tinxic riqꞌuin lin yucuaꞌ cui ma̱ anihak chic laj Benjamín chicuix? Incꞌaꞌ tincuy rilbal inyucuaꞌ nak cꞌajoꞌak xrahil saꞌ xchꞌo̱l, chan laj Judá re laj José.

2 Samuel 13:9

Quixcꞌam li xartin ut quixqꞌue li caxlan cua re. Abanan laj Amnón incꞌaꞌ quixcuaꞌ. Quixye re: —Ta̱ye reheb chixjunileb nak teꞌe̱lk arin, chan. Ut chixjunileb queꞌel aran.

Génesis 42:24

Ut laj José quixcanabeb junpa̱t ut co̱ chi ya̱bac xjunes xban xsahil saꞌ xchꞌo̱l. Quisukꞌi ut quia̱tinac riqꞌuineb. Laj José quixchap laj Simeón ut quixbacꞌ li rukꞌ chiruheb li ras.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.