Génesis 44:8 - Li Santil hu

⁸ ¿Ma incꞌaꞌ ta biꞌ xaqꞌue retal nak xkakꞌaxtesi li tumin li xkatau saꞌ eb li kacoxtal Canaán? Aꞌan retalil nak la̱o ma̱ jaruj to-oc chirelkꞌanquil xbiomal la̱ patrón. Usta plata, usta oro, la̱o incꞌaꞌ naru to-oc xchꞌeꞌbal li cꞌaꞌru re.

Q'eqchi Bible

⁸ K'e reetal, xqak'am chaq chiqix toj Kanahán li tumin li xqataw sa' li qasaak. Chan put ru naq tqelq'a raj plaat malaj oor sa' rochoch laj eechal qe?

Génesis 44:8 ပူးပေါင်းရင်းမြစ်များ

Romanos 13:9

Joꞌcaꞌin naxye saꞌ li chakꞌrab: Matmuxuc caxa̱r; ma̱camsi a̱cuas a̱cui̱tzꞌin; mat-elkꞌac, matyoꞌoban a̱tin chirix la̱ cuas a̱cui̱tzꞌin; ma̱rahi ru li jalan aj e. Ut cui ta̱ra la̱ cuas a̱cui̱tzꞌin joꞌ nak nacara a̱cuib la̱at, riqꞌuin aꞌan yo̱cat chixba̱nunquil chixjunil li naxye li chakꞌrab.

San Mateo 19:18

Ut li cui̱nk quixye: —¿Cꞌaꞌru li chakꞌrab li nacaye?— Ut li Jesús quixye re: —Ma̱camsi a̱cuas a̱cui̱tzꞌin. Matmuxuc caxa̱r. Mat-elkꞌac. Matkꞌaban.

Deuteronomio 5:19

Mex-elkꞌac.

Éxodo 20:15

Mex-elkꞌac.

Génesis 44:7

Eb aꞌan queꞌchakꞌoc ut queꞌxye re: —At Ka̱cuaꞌ, ¿cꞌaꞌut nak yo̱cat chixyebal ke chi joꞌcan? La̱o moco cꞌaynako ta chixba̱nunquil li naꞌleb aꞌan.

Génesis 43:12

Te̱cꞌam xtzꞌak li trigo li xecꞌam chak xbe̱n cua. Ut te̱cꞌam ajcuiꞌ lix tzꞌak li te̱lokꞌ chak. Te̱kꞌajsi li tumin li quichal saꞌ le̱ coxtal. Ma̱re yal xeꞌsach nak yo̱queb chixbutꞌbal li trigo.

Génesis 42:35

Ut nak coxeꞌxte li junju̱nk chi coxtal quilajeꞌxtau li jun jo̱b chi tumin saꞌ eb lix coxtal. Ut nak queꞌril li tumin, cꞌajoꞌ nak queꞌxucuac, joꞌ ajcuiꞌ li yucuaꞌbej.

Génesis 42:27

Eb aꞌan queꞌoc chi hila̱nc saꞌ jun li muheba̱l bar teꞌxnumsi cuiꞌ li kꞌojyi̱n. Ut jun reheb qui-oc chixqꞌuebal xcua lix bu̱r. Nak quixhit lix coxtal, quisach xchꞌo̱l chirilbal nak cuan peꞌ li tumin chi saꞌ lix coxtal.

Génesis 42:21

Ut queꞌxye chi ribileb rib: —Relic chi ya̱l nak xoma̱cob riqꞌuin li cꞌaꞌru kaba̱nu chak junxil re laj José, li ki̱tzꞌin. La̱o quikil nak quirahoꞌ saꞌ xchꞌo̱l riqꞌuin li kaba̱nu re. La̱o incꞌaꞌ quikil xtokꞌoba̱l ru nak quixtzꞌa̱ma chiku nak takatokꞌoba ru. Xban aꞌan nak xchal li raylal aꞌin saꞌ kabe̱n, chanqueb chi ribileb rib.

Génesis 43:18

Nak eb aꞌan queꞌrabi nak teꞌocsi̱k saꞌ rochoch laj José, cꞌajoꞌ nak queꞌxucuac. Queꞌxye chi ribileb rib: —Joꞌcan nak xocꞌameꞌ chak arin anakcuan xban nak xkatau li tumin saꞌ li kacoxtal. Anakcuan aꞌan tixye nak la̱o aj e̱lkꞌ. Riqꞌuin aꞌan ma̱re tixmakꞌ chiku li kabu̱r ut la̱o tocana̱k chokꞌ rahobtesinbil mo̱s, chanqueb.