Génesis 44:29 - Li Santil hu

²⁹ Cui te̱cꞌam che̱rix laj Benjamín, ma̱re cꞌaꞌru tixcꞌul saꞌ be. La̱ex cuan e̱re cui nincam xban xrahil saꞌ inchꞌo̱l,” chan ke li kayucuaꞌ.

Q'eqchi Bible

²⁹ Ut wi anaqwan teemaq' ajwi' a'in chiwu ut tixk'ul junaq rahilal, eemaak laa'ex naq tinkub'eeq sa' xna'ajeb' li kamenaq chi ra sa' inch'ool sa' lintiixilal».

Génesis 44:29 ပူးပေါင်းရင်းမြစ်များ

Génesis 42:38

Ut laj Jacob quixye re: —Ma̱ jaruj ta̱ru̱k ta̱xic li cualal che̱rix. Cꞌoxla, camenak li cualal jun ut caꞌaj chic laj Benjamín nacuan cuiqꞌuin. Ma̱re cꞌaꞌru tixcꞌul saꞌ be nak yo̱kex chi xic. Cui ma̱ anihak chic laj Benjamín cuiqꞌuin, la̱in naru nincam xban xrahil saꞌ inchꞌo̱l xban nak la̱in ti̱xin chic. La̱ex cuan e̱ma̱c cui nincam xban xrahil inchꞌo̱l, chan laj Jacob.

Génesis 43:14

Li Ka̱cuaꞌ Dios taxak ta̱tenkꞌa̱nk e̱re nak texcuulak riqꞌuin li cui̱nk aꞌan. Chisahokꞌ taxak saꞌ xchꞌo̱l nak texril ut tixba̱nu usilal e̱re. Ta̱rachꞌab taxak laj Simeón ut chicha̱lk taxak laj Benjamín nak texsukꞌi̱k chak la̱ex. Cui nequeꞌsach chicuu chi xcabichaleb li cualal, ¿cꞌaꞌ ta chic ru ta̱ru̱k tinba̱nu la̱in? chan laj Jacob.

Deuteronomio 31:17

Saꞌ li cutan aꞌan la̱in tinjoskꞌokꞌ saꞌ xbe̱neb ut tintzꞌekta̱naheb. Tincanabeb xjuneseb ut teꞌsachekꞌ ruheb. Nabal li raylal ut li chꞌaꞌajquilal ta̱cha̱lk saꞌ xbe̱neb. Ut eb aꞌan teꞌxye: —Yo̱co chixcꞌulbal li raylal aꞌin xban nak li Ka̱cuaꞌ li kaDios xoxcanab kajunes, chaꞌkeb.

Génesis 44:31

Ut la̱o cuan ke cui nacam li kayucuaꞌ xban xrahil saꞌ xchꞌo̱l.

Génesis 42:36

Ut laj Jacob quixye reheb: —Anakcuan cꞌajoꞌ yo̱quex chak chixba̱nunquil cue. Ma̱ ani chic li cualal laj José. Ut anakcuan incꞌaꞌ chic xsukꞌi chak laj Simeón. Ut toj te̱raj cuiꞌchic xmakꞌbal laj Benjamín chicuu. ¿Cꞌaꞌut nak chixjunil natꞌaneꞌ saꞌ inbe̱n? chan laj Jacob reheb.

Génesis 37:35

Ut chixjunileb li ralal xcꞌajol queꞌoc chixcꞌojobanquil xchꞌo̱l lix yucuaꞌeb. Abanan laj Jacob incꞌaꞌ quixcꞌojob xchꞌo̱l ut quixye: —La̱in incꞌaꞌ ta̱cꞌojla̱k inchꞌo̱l chalen nak tinca̱mk ut tintau li cualal li ac camenak, chan. Ut li yucuaꞌbej junelic naya̱bac chirix laj José.

Génesis 42:4

Abanan laj Jacob incꞌaꞌ quixtakla laj Benjamín chirixeb li ras xban nak cꞌajoꞌ lix cꞌaꞌux chirix. Cuan saꞌ xchꞌo̱l nak ma̱re cꞌaꞌru tixcꞌul saꞌ be nak yo̱keb chi xic.