Génesis 44:20 - Li Santil hu

²⁰ Ut la̱o xkaye a̱cue, “Cuan li kayucuaꞌ. Ti̱x chic. Ut cuan ajcuiꞌ li ki̱tzꞌin toj sa̱j. Saꞌ xti̱xilal li kayucuaꞌ quiyoꞌla li ki̱tzꞌin aꞌan. Caꞌaj chic a jun aꞌin cuan reheb li cuib chi ralal li junaj xnaꞌeb. Li ras li ki̱tzꞌin aꞌin ac camenak. Ut li kayucuaꞌ cꞌajoꞌ nak naxra laj Benjamín.”

Q'eqchi Bible

²⁰ Ut laa'o xqaye: «Hehe', wank qayuwa', tiix aj chik, ut wank ajwi' jun ralal toj saaj li kiyo'laak sa' xtiixilal. Jun chik ralal, asb'ej chiru a'an, kikamk; ka'aj chik a'an xkanaak sa' xyanqeb' li ralal li xna', ut q'axal raaro xb'aan li xyuwa'».

Génesis 44:20 ပူးပေါင်းရင်းမြစ်များ

Génesis 37:3

Laj Israel cꞌajoꞌ naxra laj José chiruheb li jun chꞌol chic li ralal xban nak aꞌan li ralal li quicuan nak ac ti̱x chic. Laj Israel quixsi jun li rakꞌ laj José xcomon li cha̱bil ut chꞌinaꞌus xyi̱banquil. Najt rok ut nim rukꞌ.

Génesis 42:38

Ut laj Jacob quixye re: —Ma̱ jaruj ta̱ru̱k ta̱xic li cualal che̱rix. Cꞌoxla, camenak li cualal jun ut caꞌaj chic laj Benjamín nacuan cuiqꞌuin. Ma̱re cꞌaꞌru tixcꞌul saꞌ be nak yo̱kex chi xic. Cui ma̱ anihak chic laj Benjamín cuiqꞌuin, la̱in naru nincam xban xrahil saꞌ inchꞌo̱l xban nak la̱in ti̱xin chic. La̱ex cuan e̱ma̱c cui nincam xban xrahil inchꞌo̱l, chan laj Jacob.

San Lucas 7:12

Nak yo̱ chi cuulac cuan cuiꞌ li oqueba̱l re li tenamit quiril nak nabaleb li cristian yo̱queb chi xic chixmukbal jun li camenak. Li camenak aꞌan xyum jun li xma̱lcaꞌan. Jun ajcuiꞌ chiru nak quicuan.

Génesis 49:8

La̱at, Judá, eb la̱ cuas ut eb la̱ cui̱tzꞌin tateꞌxqꞌue saꞌ xnakꞌ ruheb. Ta̱cua̱nk ajcuiꞌ a̱cuanquilal saꞌ xbe̱neb li xicꞌ nequeꞌiloc a̱cue. Eb la̱ cuas ut eb la̱ cui̱tzꞌin teꞌxqꞌue a̱cuanquil.

Génesis 46:21

Aꞌaneb aꞌin lix cꞌabaꞌeb li ralal laj Benjamín: laj Bela, laj Bequer, laj Asbel, laj Gera, laj Naamán, laj Ehi, laj Ros, laj Mupim, laj Hupim ut laj Ard.

Génesis 42:36

Ut laj Jacob quixye reheb: —Anakcuan cꞌajoꞌ yo̱quex chak chixba̱nunquil cue. Ma̱ ani chic li cualal laj José. Ut anakcuan incꞌaꞌ chic xsukꞌi chak laj Simeón. Ut toj te̱raj cuiꞌchic xmakꞌbal laj Benjamín chicuu. ¿Cꞌaꞌut nak chixjunil natꞌaneꞌ saꞌ inbe̱n? chan laj Jacob reheb.

Génesis 42:13

Eb aꞌan queꞌxye re: —La̱o cablajuho chikajunil. Ralalo jun chi cui̱nk aj Canaán. Li i̱tzꞌinbej xcana chak riqꞌuin li kayucuaꞌ. Ut li jun chic ma̱ ani chic saꞌ kaya̱nk, chanqueb re laj José.

Génesis 37:19

Queꞌxye chi ribileb rib: —Cueꞌ chak li namatqꞌuec.

Génesis 35:18

Ut nak ac ca̱mc re, lix Raquel quixye: —Aj Benoni te̱qꞌue chokꞌ xcꞌabaꞌ li cꞌulaꞌal aꞌin, chan ut quicam. Abanan li yucuaꞌbej quixqꞌue aj Benjamín chokꞌ xcꞌabaꞌ.