Génesis 43:5 - Li Santil hu

⁵ Cui incꞌaꞌ nacatakla aꞌan, incꞌaꞌ toxic xban nak li cui̱nk quixye ke, “Incꞌaꞌ chic te̱ril cuu cui incꞌaꞌ nequecꞌam chak le̱ ri̱tzꞌin che̱rix,” chan ke, chan laj Judá.

Q'eqchi Bible

⁵ ab'an wi ink'a' taataqla, ink'a' tooxik, xb'aan naq xyehom li winq a'an: «Meek'ut eerib' chiwu wi ink'a' eerochb'eenaq leeriitz'in»”.

Génesis 43:5 ပူးပေါင်းရင်းမြစ်များ

Éxodo 20:12

Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Génesis 44:26

Ut la̱o xkaye re, “Incꞌaꞌ naru toxic cui incꞌaꞌ naxic li ki̱tzꞌin chikix. Incꞌaꞌ toxcꞌul li cui̱nk cui incꞌaꞌ nakacꞌam li ki̱tzꞌin chikix,” chanco re.

Génesis 42:38

Ut laj Jacob quixye re: —Ma̱ jaruj ta̱ru̱k ta̱xic li cualal che̱rix. Cꞌoxla, camenak li cualal jun ut caꞌaj chic laj Benjamín nacuan cuiqꞌuin. Ma̱re cꞌaꞌru tixcꞌul saꞌ be nak yo̱kex chi xic. Cui ma̱ anihak chic laj Benjamín cuiqꞌuin, la̱in naru nincam xban xrahil saꞌ inchꞌo̱l xban nak la̱in ti̱xin chic. La̱ex cuan e̱ma̱c cui nincam xban xrahil inchꞌo̱l, chan laj Jacob.

Génesis 42:20

Ut texsukꞌi̱k cuiꞌchic chak ut te̱cꞌam chak arin le̱ ri̱tzꞌin. Chi joꞌcan tinnau nak ya̱l li cꞌaꞌru xeye cue ut la̱ex texcolekꞌ che̱junilex. Cui incꞌaꞌ ya̱l, la̱ex texca̱mk, chan. Ut queꞌoc chixcꞌoxlanquil chanru teꞌxba̱nu.

Génesis 43:3

Abanan laj Judá quichakꞌoc ut quixye re lix yucuaꞌ: —Li cui̱nk li nataklan saꞌ li tenamit Egipto, saꞌ joskꞌil quixye ke, “Te̱cꞌam chak le̱ ri̱tzꞌin che̱rix. Cui incꞌaꞌ nequecꞌam chak aꞌan, ma̱ jaruj tincꞌut bayak cuib che̱ru”, chan ke.

Génesis 43:4

Cui la̱at ta̱takla laj Benjamín chikix, la̱o toxic cuiꞌchic chixlokꞌbal li katzacae̱mk.

Génesis 43:6

Ut laj Israel quixye reheb: —¿Cꞌaꞌut nak xeba̱nu cue chi joꞌcaꞌin? ¿Cꞌaꞌut nak xeye re nak cuan jun chic le̱ ri̱tzꞌin? Incꞌaꞌ raj xeye chak re chi joꞌcan, chan.

Génesis 44:23

Abanan la̱at xaye ke, “Cui incꞌaꞌ nequecꞌam chak le̱ ri̱tzꞌin, incꞌaꞌ chic te̱ril cuu,” chancat ke.

Génesis 42:15

Chi joꞌcaꞌin ta̱tzꞌilma̱nk a̱tin che̱rix ma relic chi ya̱l li cꞌaꞌru yo̱quex chixyebal. Tinye e̱re saꞌ xcꞌabaꞌ laj faraón nak la̱ex incꞌaꞌ naru tex-e̱lk arin toj ta̱cha̱lk le̱ ri̱tzꞌin.

Génesis 44:25

Ut li kayucuaꞌ xye ke, “Ayukex cuiꞌchic chixlokꞌbal caꞌchꞌinak katzacae̱mk,” chan.