Génesis 43:27 - Li Santil hu

²⁷ Ut laj José quixye reheb: —¿Chan xeril?— Ut quixye ajcuiꞌ reheb: —Xeye nak ti̱x chi us le̱ yucuaꞌ. ¿Chanru aꞌan? ¿Ma toj yoꞌyo? ¿Ma cau? chan.

Q'eqchi Bible

²⁷ A'an kixk'e xsahileb' xch'ool ut kixpatz' reheb': “Ma toj yo'yo leetiixil yuwa' li xeseeraq'i we?”.

Génesis 43:27 ပူးပေါင်းရင်းမြစ်များ

Génesis 42:13

Eb aꞌan queꞌxye re: —La̱o cablajuho chikajunil. Ralalo jun chi cui̱nk aj Canaán. Li i̱tzꞌinbej xcana chak riqꞌuin li kayucuaꞌ. Ut li jun chic ma̱ ani chic saꞌ kaya̱nk, chanqueb re laj José.

1 Crónicas 18:10

Joꞌcan nak quixtakla laj Adoram li ralal re nak tixqꞌue xsahil xchꞌo̱l laj David ut tixye re nak sa saꞌ xchꞌo̱l laj Toi nak laj David quinumta saꞌ xbe̱neb laj Hadad-ezer. Laj Toi quixtakla xma̱tan laj David yi̱banbil riqꞌuin bronce, oro, ut plata. Laj Toi ac quipletic riqꞌuin laj Hadad-ezer. Joꞌcan nak quisahoꞌ saꞌ xchꞌo̱l nak laj David quinumta saꞌ xbe̱n.

1 Samuel 25:5

Quixbok riqꞌuin laje̱b li sa̱j cui̱nk ut quixye reheb: —Texxic riqꞌuin laj Nabal aran Carmel. Te̱qꞌue xsahil xchꞌo̱l saꞌ incꞌabaꞌ la̱in.

1 Samuel 17:22

Laj David quixcanab li ri̱k riqꞌuin laj ilol re li cꞌaꞌak re ru reheb li soldados. Co̱ saꞌ a̱nil bar chꞌutchꞌu̱queb cuiꞌ li soldados re ta̱ril chanruheb li ras.

Jueces 18:15

Joꞌcan nak queꞌoc saꞌ li rochoch laj Micaía chi a̱tinac riqꞌuin li sa̱j cui̱nk aj levita. Ut queꞌxpatzꞌ re chanru cuan.

Éxodo 18:7

Laj Moisés co̱ chixcꞌulbaleb. Quixcuikꞌib rib chiru lix yucuaꞌ li rixakil. Quixkꞌalu. Quirutzꞌ ru. Queꞌxpatzꞌ chi ribileb rib chanru cuanqueb ut queꞌoc saꞌ lix muheba̱l.

Génesis 42:11

La̱o kas kib. Junaj kayucuaꞌ. Saꞌ xya̱lal nococuan. La̱o ma̱cuaꞌo aj qꞌuehol etal, chanqueb re.

Génesis 41:16

Ut laj José quixye re: —La̱in injunes incꞌaꞌ naru tinye cꞌaꞌru xya̱lal la̱ matcꞌ. Caꞌaj cuiꞌ li Ka̱cuaꞌ Dios nanaꞌoc re lix ya̱lal. Aꞌan ta̱tenkꞌa̱nk cue xtaubal ru xya̱lal la̱ matcꞌ, at faraón, re nak ta̱cꞌojla̱k a̱chꞌo̱l, chan laj José.

Génesis 37:14

Ut laj Israel quixye re: —Ayu. Toxa̱cuileb chak chanru cuanqueb la̱ cuas joꞌ eb ajcuiꞌ li queto̱mk. Chirix aꞌan tatsukꞌi̱k chak chixyebal cue chanru cuanqueb, chan laj Israel. Laj José qui-el saꞌ li ru takꞌa re Hebrón ut co̱ toj saꞌ li naꞌajej Siquem.

Génesis 43:7

Ut eb aꞌan queꞌchakꞌoc ut queꞌxye re: —Li cui̱nk aꞌan quixpatzꞌ ke chanru nak cuanco. Quipatzꞌoc chikix joꞌ ajcuiꞌ chirixeb li kechꞌalal. Quixpatzꞌ ke ma toj yoꞌyo li kayucuaꞌ ut ma cuan chic junak ki̱tzꞌin. ¿Cꞌaꞌ ta cuiꞌ chic ru takaye re nak xpatzꞌ ke chi joꞌcan? Xban aꞌan nak xkaye lix ya̱lal re. ¿Chan ta biꞌ ru nak takanau nak tixye ke nak takacꞌam li ki̱tzꞌin riqꞌuin? chanqueb.

Génesis 45:3

Laj José quixye reheb li ras: —La̱in laj José. ¿Ma toj yoꞌyo lin yucuaꞌ? chan reheb. Ut eb li ras incꞌaꞌ queꞌru chi chakꞌoc. Queꞌsach xnaꞌleb riqꞌuin li cꞌaꞌru quixye laj José.

2 Reyes 4:26

Ayu. Cꞌul chak ut ta̱patzꞌ re ma sa saꞌ xchꞌo̱l aꞌan ut ma sa saꞌ xchꞌo̱l lix be̱lom joꞌ ajcuiꞌ li chꞌina al, chan laj Eliseo. Li ixk quixye re laj Giezi nak saheb saꞌ xchꞌo̱l.