Génesis 43:14 - Li Santil hu

¹⁴ Li Ka̱cuaꞌ Dios taxak ta̱tenkꞌa̱nk e̱re nak texcuulak riqꞌuin li cui̱nk aꞌan. Chisahokꞌ taxak saꞌ xchꞌo̱l nak texril ut tixba̱nu usilal e̱re. Ta̱rachꞌab taxak laj Simeón ut chicha̱lk taxak laj Benjamín nak texsukꞌi̱k chak la̱ex. Cui nequeꞌsach chicuu chi xcabichaleb li cualal, ¿cꞌaꞌ ta chic ru ta̱ru̱k tinba̱nu la̱in? chan laj Jacob.

Q'eqchi Bible

¹⁴ A' taxaq li Nimajwal Yos chitenq'anq eere re naq usilal teetaw chiru li winq a'an: chirach'ab' taxaq leeriitz'in jun chik jo' ajwi' laj Benjamín. Ut laa'in k'a' ta ru tinye? Wi te'sachq chiwu eb' li walal, maak'a' xja'lenkil”, chan laj Jakob.

Génesis 43:14 ပူးပေါင်းရင်းမြစ်များ

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Hechos 21:14

La̱o incꞌaꞌ coru chixjalbal ru lix cꞌaꞌux laj Pablo. Joꞌcan nak ma̱cꞌaꞌ chic kaye re. Chi-uxk ta joꞌ naraj li Ka̱cuaꞌ, chanco.

Nehemías 1:11

Joꞌcan nak nintzꞌa̱ma cha̱cuu, at Ka̱cuaꞌ, chasume taxak lin tij. Chacuabi taxak li cꞌaꞌru nequeꞌxtzꞌa̱ma laj cꞌanjel cha̱cuu. La̱o takaj xqꞌuebal a̱lokꞌal. China̱tenkꞌa re nak us ta̱e̱lk chicuu li cꞌaꞌru tintzꞌa̱ma chiru li rey. Chiruxta̱na taxak cuu li rey, chanquin nak quintijoc. Saꞌ eb li cutan aꞌan, la̱in aj qꞌuehol rucꞌa li rey nak quincuan.

Proverbios 16:7

Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.

Salmos 119:41

At nimajcual Dios, chacuuxta̱na taxak cuu ut china̱col taxak joꞌ cayechiꞌi cue.

Salmos 100:5

Li Ka̱cuaꞌ kꞌaxal cha̱bil. Junelic nocoxra ut lix ti̱quilal xchꞌo̱l ma̱cꞌaꞌ rosoꞌjic. Cua̱nk ban chi junelic.

Génesis 22:14

Ut laj Abraham quixqꞌue chokꞌ xcꞌabaꞌ li naꞌajej aꞌan, “Li Ka̱cuaꞌ Dios naxqꞌue chak li cꞌaꞌru napaltoc ke.” Ut chalen anakcuan nayeman, “Saꞌ lix tzu̱l li Ka̱cuaꞌ Dios naqꞌueheꞌ li cꞌaꞌru na-ajman ru”.

2 Juan 1:3

Aꞌ taxak li rusilal, li ruxta̱n ut li tuktu̱quilal li naxqꞌue li Dios Acuabej ut li Jesucristo li Alalbej chicua̱nk e̱riqꞌuin saꞌ xya̱lal ut riqꞌuin rahoc.

Tito 1:4

Yo̱quin chi tzꞌi̱bac a̱cuiqꞌuin, at Tito. La̱at chanchanat tzꞌakal cualal saꞌ xcꞌabaꞌ li kapa̱ba̱l. Chicua̱nk taxak a̱cuiqꞌuin li usilal ut li tuktu̱quilal li naxqꞌue li Dios li kaYucuaꞌ ut li naxqꞌue li Jesucristo laj Colol ke.

1 Timoteo 1:16

Usta la̱in kꞌaxalin aj ma̱c nak quincuan, abanan li Jesucristo quiruxta̱na cuu re nak tixcꞌutbesi nak kꞌaxal nim lix cuyum re xcuybal xsachbal li ma̱c. Quixcꞌut chiruheb lix nimal lix cuyum nak quixcuy inma̱c la̱in. Aꞌan quiraj nak la̱in tincꞌamok be chiruheb li ani teꞌpa̱ba̱nk re li Jesucristo ut teꞌxcꞌul li junelic yuꞌam.

1 Timoteo 1:2

At Timoteo, yo̱quin chi tzꞌi̱bac a̱cuiqꞌuin. Chanchanat li tzꞌakal cualal nak cuancat xban nak chicuu xapa̱b li Cristo. Chicua̱nk taxak a̱cuiqꞌuin li usilal, li uxta̱n ut li tuktu̱quilal li naxqꞌue li Dios li kaYucuaꞌ ut li naxqꞌue li Ka̱cuaꞌ Jesucristo.

Hechos 7:10

Ut aꞌan quitenkꞌan re chixcuybal li raylal li quixcꞌul. Quirosobtesi ut quixqꞌue xnaꞌleb. Ut laj faraón li acuabej aran Egipto quixqꞌue retal nak laj José cuan xnaꞌleb ut quixxakab chi takla̱nc saꞌ xbe̱n li tenamit ut saꞌ xbe̱neb ajcuiꞌ li cuanqueb saꞌ li rochoch.

San Lucas 1:50

Li Ka̱cuaꞌ junelic na-uxta̱nan u. Naruxta̱na ruheb li nequeꞌxucuan ru.

Isaías 49:13

At choxa, jap a̱cue xban xsahil a̱chꞌo̱l. At ruchichꞌochꞌ, chisahokꞌ a̱chꞌo̱l. Ut la̱ex tzu̱l chisahokꞌ saꞌ e̱chꞌo̱l xban nak li Ka̱cuaꞌ tixcꞌojob cuiꞌchic xchꞌo̱leb lix tenamit ut ta̱ril cuiꞌchic xtokꞌoba̱l ruheb nak yo̱queb chi cꞌuluc raylal.

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Proverbios 1:1

Aꞌan aꞌin li a̱tin li quixye laj Salomón, li ralal laj David li quicuan chokꞌ rey saꞌ li tenamit Israel.

Esdras 7:27

Laj Esdras quitijoc ut quixye chi joꞌcaꞌin: —Lokꞌoninbilak taxak li Ka̱cuaꞌ lix Dioseb li kaxeꞌto̱nil yucuaꞌ, xban nak aꞌan xcꞌutuc chiru li rey nak tixqꞌue xlokꞌal li templo, li cuan Jerusalén, li nakalokꞌoni cuiꞌ li Ka̱cuaꞌ li kaDios.

Génesis 42:36

Ut laj Jacob quixye reheb: —Anakcuan cꞌajoꞌ yo̱quex chak chixba̱nunquil cue. Ma̱ ani chic li cualal laj José. Ut anakcuan incꞌaꞌ chic xsukꞌi chak laj Simeón. Ut toj te̱raj cuiꞌchic xmakꞌbal laj Benjamín chicuu. ¿Cꞌaꞌut nak chixjunil natꞌaneꞌ saꞌ inbe̱n? chan laj Jacob reheb.

Génesis 42:24

Ut laj José quixcanabeb junpa̱t ut co̱ chi ya̱bac xjunes xban xsahil saꞌ xchꞌo̱l. Quisukꞌi ut quia̱tinac riqꞌuineb. Laj José quixchap laj Simeón ut quixbacꞌ li rukꞌ chiruheb li ras.

Génesis 39:21

Ut li Dios junelic cuan riqꞌuin. Quixtokꞌoba ru laj José ut quixtenkꞌa. Laj ilol tzꞌalam quixqꞌue retal nak laj José, aꞌan cha̱bil.

Génesis 35:11

Li Dios quixye re: —La̱in li Ka̱cuaꞌ Dios li kꞌaxal nim incuanquil. Chexqꞌui̱k ut cheꞌta̱mk la̱ cualal a̱cꞌajol. Riqꞌuineb la̱ cualal a̱cꞌajol teꞌcua̱nk li ni̱nki tenamit. Ut saꞌ xya̱nkeb ajcuiꞌ aꞌan teꞌcua̱nk ajcuiꞌ li rey.

Génesis 28:3

Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

Salmos 85:7

At nimajcual Dios, chacꞌut taxak chiku nak junelic nocoa̱ra ut choa̱col taxak.

San Juan 19:22

Ut laj Pilato quixye reheb: —Li cꞌaꞌru xintzꞌi̱ba, xintzꞌi̱ba. Incꞌaꞌ chic ta̱jalma̱nk, chan.

Génesis 43:13

Cꞌamomak le̱ ri̱tzꞌin ut texxic riqꞌuin li cui̱nk li nataklan aran Egipto.

Salmos 106:46

Li Dios quixjal lix cꞌaꞌuxeb li tenamit li queꞌnumta saꞌ xbe̱neb laj Israel re nak incꞌaꞌ chic teꞌxba̱nu raylal reheb.

Génesis 44:12

Ut li mo̱s quixtiquib xsicꞌbal xbe̱n cua saꞌ xcoxtal li asbej. Toj saꞌ rosoꞌjic quixsicꞌ saꞌ xcoxtal li i̱tzꞌinbej. Ut aran quixtau li secꞌ saꞌ xcoxtal laj Benjamín.