Génesis 43:11 - Li Santil hu

¹¹ Ut laj Israel, li yucuaꞌbej, quixye reheb: —¿Cꞌaꞌru xjalenquil? Cui tento nak ta̱xic, xicak. Nak la̱ex texxic, te̱cꞌam caꞌchꞌinak li sahil echej li kꞌaxal cha̱bil na-el saꞌ li chꞌochꞌ arin ut te̱si aꞌin re li cui̱nk li nataklan aran. Aꞌaneb aꞌin li ma̱tan li te̱si re. Te̱cꞌam caꞌchꞌinak li bálsamo, caꞌchꞌinak li xyaꞌal cab, li sununquil ban, aromas ut mirra. Ut te̱cꞌam ajcuiꞌ li nueces ut li almendras.

Q'eqchi Bible

¹¹ Toja' naq laj Israel, li xyuwa'eb', kixye reheb': “Wi maak'a' xja'lenkil, b'aanuhomaq. K'amomaq sa' leechakach li q'axal chaab'il na'elk sa' li qatenamit ut k'amomaq xsimaatan li winq a'an: b'ayaq xq'ol sununkil che', b'ayaq xya'al kab', miir ut sununkil b'an ut b'ayaq ki'il q'een.

Génesis 43:11 ပူးပေါင်းရင်းမြစ်များ

Génesis 37:25

Chirix chic aꞌan, queꞌchunla ut queꞌoc chi cuaꞌac. Nak yo̱queb chi cuaꞌac queꞌril nak yo̱queb chi cha̱lc jun chꞌu̱t eb li cui̱nk aj ismaelita. Yo̱queb chak chi cha̱lc Galaad. Ut chirixeb lix camello yo̱queb chak chixcꞌambal oxib pa̱y ru li sununquil ban re teꞌxcꞌayi aran Egipto. Aꞌin lix cꞌabaꞌeb li oxib pa̱y ru chi sununquil ban: aromas, bálsamo ut mirra.

Jeremías 8:22

¿Ma ma̱cꞌaꞌ li ban aran Galaad? ¿Ma ma̱cꞌaꞌ junak aj banonel naru toxqꞌuirtesi? ¿Cꞌaꞌut nak incꞌaꞌ xo-usa? chan laj Jeremías.

Ezequiel 27:17

Eb laj Judá ut eb laj Israel queꞌyacoc e̱riqꞌuin. Queꞌxjal li cꞌaꞌru e̱re riqꞌuin li trigo li nachal saꞌ eb li tenamit Minit ut Panag. Queꞌxjal ajcuiꞌ riqꞌuin li xyaꞌal cab, li aceite olivo ut li sununquil ban.

Proverbios 18:16

Riqꞌuin junak li ma̱tan li ta̱si, naru naqꞌueheꞌ a̱cue li cꞌaꞌru ta̱tzꞌa̱ma. Ut naru nacat-oc chi a̱tinac riqꞌuineb li cuanqueb saꞌ xcuanquil.

1 Samuel 9:7

Laj Saúl quixye re: —Us. Yoꞌo riqꞌuin. Aban, ¿cꞌaꞌru takasi re li profeta? Ma̱cꞌaꞌ chic cuan ke. Ma̱cꞌaꞌ chic kacua saꞌ li kabo̱ls, chan.

Hechos 21:14

La̱o incꞌaꞌ coru chixjalbal ru lix cꞌaꞌux laj Pablo. Joꞌcan nak ma̱cꞌaꞌ chic kaye re. Chi-uxk ta joꞌ naraj li Ka̱cuaꞌ, chanco.

Ezequiel 27:15

Eb laj Dedán ut eb li cuanqueb chire li palau queꞌyacoc e̱riqꞌuin. Queꞌxjal li cꞌaꞌru e̱re riqꞌuin li marfil ut li cheꞌ ébano.

Cantares 8:14

Se̱ba a̱cuib, at cui̱nk li nacatinra. Quim cuiqꞌuin. A̱linan joꞌ nak nequeꞌa̱linac li quej li nequeꞌchal chak saꞌ eb li tzu̱l saꞌ li naꞌajej cꞌajoꞌ xsununcal.

Cantares 4:14

Ut na-el ajcuiꞌ li azafrán ut li sununquil claux ut li canela. Na-el nabal pa̱y ru li cheꞌ li naxqꞌue li incienso ut li mirra ut li áloes. Chixjunil li sununquil ban na-el saꞌ li naꞌajej aꞌan.

Cantares 4:10

At cuixakil, cꞌajoꞌ nak nasahoꞌ saꞌ inchꞌo̱l nak niquina̱kꞌalu. At xsum li cua̱m, la̱ rahom kꞌaxal lokꞌ chicuu chiru li cha̱bil vino. Li sununquil ban li nacacuocsi kꞌaxal sunu̱nc chiruheb li cha̱bil sununquil ban.

Proverbios 21:14

Li ani nasihin chi mukmu, aꞌan narisi xjoskꞌil li yo̱ xjoskꞌil.

Proverbios 19:6

Nabaleb nequeꞌraj nak teꞌuxk usilal reheb xbaneb li cuanqueb xcuanquil xban nak nasihin. Nabaleb nequeꞌxcꞌam rib saꞌ amiguil riqꞌuin li ani nasihin.

Proverbios 17:18

Li ani ma̱cꞌaꞌ xnaꞌleb saꞌ junpa̱t naxcꞌu̱luban saꞌ xbe̱n xtojbal xcꞌas li rami̱g chi incꞌaꞌ naxcꞌoxla chi us.

Salmos 76:11

Yechiꞌihomak re li Ka̱cuaꞌ le̱ Dios li cꞌaꞌru te̱raj te̱yechiꞌi re. Ut qꞌuehomak re li cꞌaꞌru te̱yechiꞌi re. Ut chixjunilex li cuanquex chi jun sutam cꞌamomak chak le̱ mayej chiru li Ka̱cuaꞌ li tento xxucuanquil ru.

Salmos 72:10

Eb li jalan chic rey teꞌxqꞌue xma̱tan lix reyeb laj Israel. Teꞌxcꞌam chak xma̱taneb lix reyeb laj Tarsis ut li tenamit li cuanqueb chire li palau. Ut joꞌcan ajcuiꞌ teꞌxba̱nu eb lix reyeb laj Sabá ut eb laj Seba.

Salmos 68:29

Toj saꞌ la̱ templo li ta̱cua̱nk Jerusalén teꞌxic li rey chixqꞌuebal lix mayej cha̱cuu.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

2 Reyes 20:12

Saꞌ eb li cutan aꞌan laj Merodac-baladán lix reyeb laj Babilonia quirabi resil nak quiyajer laj Ezequías. Joꞌcan nak quixtakla xhu ut quixtakla ajcuiꞌ lix ma̱tan. (Laj Merodac-baladán, aꞌan li ralal laj Baladán.)

2 Reyes 16:8

Ut li rey Acaz quixchap li oro ut li plata li cuan saꞌ li templo, joꞌ ajcuiꞌ li terto xtzꞌak li cuan saꞌ rochoch li rey ut quixsi re lix reyeb laj Asiria.

2 Reyes 8:8

Li rey quixye re laj Hazael: —Ayu riqꞌuin lix profeta li Dios ut ta̱cꞌam junak xma̱tan. Ta̱ye re nak ta̱tijok ut tixpatzꞌ re lix Dios ma ta̱numekꞌ li yajel li cuanquin cuiꞌ, chan.

1 Reyes 15:19

Laj Asa quixtakla xyebal re laj Ben-adad: —Kaba̱nuhak junak li contrato chi kibil kib joꞌ queꞌxba̱nu lin yucuaꞌ riqꞌuin la̱ yucuaꞌ. Xintakla li oro ut li plata chokꞌ a̱cue. Nintzꞌa̱ma cha̱cuu nak incꞌaꞌ chic ta̱qꞌue xcuanquil li contrato li xaba̱nu riqꞌuin laj Baasa, lix reyeb laj Israel, re nak incꞌaꞌ chic toxchꞌiꞌchꞌiꞌi, chan laj Asa.

1 Reyes 10:25

Rajlal chihab nabaleb li nequeꞌxic chirilbal laj Salomón nequeꞌxcꞌam xma̱tan. Nequeꞌxsi re li cꞌaꞌak re ru yi̱banbil riqꞌuin oro ut plata, li tꞌicr, li sununquil ban, li chꞌi̱chꞌ re pletic, joꞌ eb ajcuiꞌ li cacua̱y ut eb li mu̱l.

1 Reyes 10:15

Ut ma̱cꞌaꞌ saꞌ ajl li naxcꞌul riqꞌuineb laj yaconel ut eb laj cꞌay, joꞌ eb ajcuiꞌ li naxcꞌul riqꞌuineb chixjunileb li rey re Arabia joꞌ eb ajcuiꞌ li nequeꞌtaklan saꞌ li junju̱nk chi tenamit.

1 Reyes 4:21

Laj Salomón cuan xcuanquil saꞌ chixjunil li naꞌajej li naticla cuan cuiꞌ li nimaꞌ Éufrates ut nacuulac toj cuanqueb cuiꞌ laj filisteo ut nacuulac toj saꞌ li nuba̱l re li tenamit Egipto. Eb aꞌan cuanqueb rubel xcuanquil li rey Salomón ut nequeꞌxtoj chiru li rey li joꞌ qꞌuial tento xtojbal joꞌ najtil yoꞌyo.

1 Samuel 25:27

Li cꞌaꞌak re ru aꞌin li xincꞌam chak, at ka̱cuaꞌ David, chijeqꞌui̱k reheb la̱ soldados li cuanqueb a̱cuochben.

Deuteronomio 33:14

Tixqꞌueheb li ru li racui̱mkeb li kꞌaxal cha̱bil li nakꞌanoꞌ chiru li sakꞌe ut li nequeꞌqꞌui rajlal po.

Génesis 43:14

Li Ka̱cuaꞌ Dios taxak ta̱tenkꞌa̱nk e̱re nak texcuulak riqꞌuin li cui̱nk aꞌan. Chisahokꞌ taxak saꞌ xchꞌo̱l nak texril ut tixba̱nu usilal e̱re. Ta̱rachꞌab taxak laj Simeón ut chicha̱lk taxak laj Benjamín nak texsukꞌi̱k chak la̱ex. Cui nequeꞌsach chicuu chi xcabichaleb li cualal, ¿cꞌaꞌ ta chic ru ta̱ru̱k tinba̱nu la̱in? chan laj Jacob.

Génesis 33:10

Laj Jacob quichakꞌoc ut quixye re: —Ba̱nu usilal, cui ac xina̱cꞌul saꞌ usilal, tento nak ta̱cꞌul li ma̱tan li xinqꞌue a̱cue. Cꞌajoꞌ xsahil inchꞌo̱l nak xcuil a̱cuu. Chanchan xcuil ru li Dios nak xatcuil. La̱at xina̱cꞌul saꞌ xya̱lal.

Levítico 20:24

La̱in quinyechiꞌi e̱re li cha̱bil naꞌajej aꞌin li na-el cuiꞌ chi us li acui̱mk. La̱ex tex-e̱chani̱nk re li naꞌajej xban nak la̱in tinqꞌue e̱re re texcua̱nk. La̱in li Ka̱cuaꞌ le̱ Dios. La̱in quinsicꞌoc e̱ru saꞌ xya̱nkeb chixjunileb li xni̱nkal ru tenamit.

Génesis 43:10

Cꞌoxla, cui ta incꞌaꞌ yo̱co chi ba̱yc arin, ac raj xosukꞌi chak caꞌ sutak chixlokꞌbal li katzacae̱mk, chan laj Judá.

Génesis 43:15

Eb li ralal laj Jacob queꞌxcꞌam li ma̱tan. Ut queꞌxcꞌam ajcuiꞌ li tumin re nak teꞌxtoj li trigo li ac queꞌxcꞌam chak junxil joꞌ ajcuiꞌ li toj teꞌxlokꞌ chak anakcuan. Ut queꞌxcꞌam laj Benjamín chirixeb nak queꞌco̱eb Egipto ut queꞌcuulac riqꞌuin laj José.

Génesis 43:25

Ut eb li ralal laj Jacob quilajeꞌxyi̱beb chi chꞌinaꞌus li ma̱tan li teꞌxsi re laj José xban nak ac queꞌrabi resil nak teꞌcuaꞌak riqꞌuin cuaꞌleb.

Génesis 43:26

Nak laj José quicuulac saꞌ rochoch, eb aꞌan queꞌxcuikꞌib rib chiru ut queꞌxqꞌue re lix ma̱tan li queꞌxcꞌam.

Ezequiel 27:22

Eb laj Sabá ut eb laj Raama queꞌyacoc ajcuiꞌ e̱riqꞌuin. Queꞌxjal li cꞌaꞌru e̱re riqꞌuin li sununquil ban, li cha̱bil pec terto xtzꞌak, ut li oro.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.