Génesis 42:1 - Li Santil hu

¹ Nak laj Jacob quirabi resil nak cuan li trigo aran Egipto, quixye reheb li ralal: —La̱ex ma̱cꞌaꞌ yo̱quex chixba̱nunquil. ¿Cꞌaꞌut nak yal yo̱quex chixcaꞌyanquil e̱rib chi ribil e̱rib?

Q'eqchi Bible

¹ Naq laj Jakob kirab'i resil naq wank li triiw aran Ejiipt, kixye reheb' li ralal: “K'a'ut naq yal nekeka'ya eerib' cherib'il eerib' arin?

Génesis 42:1 ပူးပေါင်းရင်းမြစ်များ

Hechos 7:12

Nak quirabi laj Jacob nak aran Egipto cuan nabal li trigo, quixtaklaheb li ralal aran chixcꞌambaleb xtrigo.

Josué 7:10

Ut li Ka̱cuaꞌ Dios quixye re laj Josué: —¡Cuaclin! ¿Cꞌaꞌut nak nacacut a̱cuib saꞌ chꞌochꞌ?

Gálatas 2:7

Ma̱cꞌaꞌ queꞌxye li ni̱nkeb xcuanquil. Queꞌxqꞌue ban retal nak tenebanbil saꞌ inbe̱n xban li Dios xyebal resil li evangelio reheb li ma̱cuaꞌeb aj judío joꞌ nak quiteneba̱c saꞌ xbe̱n laj Pedro xban li Dios xyebal resil li evangelio reheb laj judío.

Oseas 5:13

Eb li ralal xcꞌajol laj Efraín teꞌxqꞌue retal nak kꞌaxal ra cuanqueb cuiꞌ. Eb li ralal xcꞌajol laj Judá teꞌxqꞌue retal nak cuanqueb saꞌ chꞌaꞌajquilal. Joꞌcan nak teꞌxic riqꞌuin li rey Jareb aran Asiria chixtzꞌa̱manquil xtenkꞌanquileb. Abanan aꞌan incꞌaꞌ ta̱ru̱k tixtenkꞌaheb.

Jeremías 8:14

Eb lix tenamit li Dios queꞌxye: —¿Cꞌaꞌut nak tocana̱k arin? Takachꞌutub kib ut toxic saꞌ eb li tenamit li cauresinbil chi us re takacol cuiꞌ kib. Aran toca̱mk xban nak li Ka̱cuaꞌ li kaDios quixye nak to-osokꞌ. Chanchan nak xqꞌue li haꞌ li banbil xsaꞌ chikucꞌ re toca̱mk xban nak xoma̱cob chiru.

Esdras 10:4

Xaklin, at Esdras, xban nak saꞌ a̱be̱n tenebanbil xba̱nunquil aꞌin ut la̱o tatkatenkꞌa. Cacuubresi a̱chꞌo̱l ut ba̱nu li tento xba̱nunquil, chanqueb.

1 Reyes 19:3

Laj Elías quixqꞌue retal li chꞌaꞌajquilal cuan cuiꞌ. Qui-oc xcꞌaꞌux ut qui-el saꞌ li naꞌajej aꞌan re xcolbal rib. Co̱ toj Beerseba li cuan xcue̱nt Judá ut aran quixcanab lix mo̱s.

Éxodo 20:18

Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.

Éxodo 5:19

Tojoꞌnak laj ilol trabaj xcomoneb laj Israel queꞌxnau nak cꞌajoꞌ cuiꞌchic li raylal saꞌ xbe̱neb ut queꞌrahoꞌ xchꞌo̱l nak queꞌrabi nak ma̱ jokꞌe ta̱cꞌosma̱nk li cꞌanjel chokꞌ reheb.

Génesis 42:2

La̱in xcuabi resil nak aran Egipto cuan li trigo. Ayukex la̱ex ut te̱lokꞌ chak caꞌchꞌinak ke re nak incꞌaꞌ toca̱mk xban katzꞌocajic, chan laj Jacob.

Génesis 41:57

Jalan jala̱nk xtenamiteb li queꞌcꞌulun Egipto chixlokꞌbal lix trigo riqꞌuin laj José xban nak yo̱ chi numta̱c li cueꞌej yalak bar.

Génesis 41:54

Ut quiticla li cuukub chihab chi cueꞌej joꞌ quixye laj José junxilaj. Ut quicuan li cueꞌej saꞌ chixjunileb li tenamit li cuanqueb chi xjun sutam li tenamit Egipto. Caꞌaj cuiꞌ aran Egipto cꞌu̱lanbil li tzacae̱mk.