Génesis 41:8 - Li Santil hu

⁸ Nak quisake̱u cꞌajoꞌ lix cꞌaꞌux laj faraón. Quixtakla xbokbal chixjunileb laj kꞌe li cuanqueb Egipto, joꞌ ajcuiꞌ li cuanqueb xnaꞌleb. Ut laj faraón quilajxserakꞌi reheb li cꞌaꞌru quixmatqꞌue. Ma̱ jun quitaꞌoc ru lix ya̱lal lix matcꞌ laj faraón.

Q'eqchi Bible

⁸ Naq kisaqewk, k'ajo' xk'a'uxl laj Parahón. Kixtaqla xb'oqb'al chixjunileb' laj q'e ut laj k'ehol na'leb' li wankeb' Ejiipt: kixseeraq'i li xmatk' reheb', ab'an maajun kiruhank chi xtawb'al xyaalal.

Génesis 41:8 ပူးပေါင်းရင်းမြစ်များ

Daniel 4:7

Ut queꞌcꞌameꞌ chak cuiqꞌuin chixjunileb laj kꞌe, ut eb laj tu̱l, joꞌqueb ajcuiꞌ laj qꞌuehol naꞌleb ut eb li nequeꞌtzoloc chirix li chahim. Ut la̱in xinye reheb cꞌaꞌru lin matcꞌ. Abanan incꞌaꞌ queꞌru xyebal cue cꞌaꞌru naxye lin matcꞌ.

Éxodo 7:22

Joꞌ nak queꞌxcꞌutbesi lix naꞌlebeb laj Moisés ut laj Aarón, joꞌcan ajcuiꞌ queꞌxba̱nu laj kꞌe. Ut kꞌaxal cuiꞌchic quicacuuc xchꞌo̱l laj faraón. Joꞌ quixye li Ka̱cuaꞌ Dios, laj faraón chi ti̱c incꞌaꞌ qui-abin chiru.

San Mateo 2:1

Nak cua̱nk chokꞌ rey laj Herodes, li Jesús quiyoꞌla aran Belén xcue̱nt Judea. Cuanqueb aj kꞌe queꞌchal chak saꞌ releb sakꞌe ut queꞌcuulac Jerusalén.

Daniel 4:5

Saꞌ jun li kꞌojyi̱n quinmatqꞌuec. Nak qui-aj cuu, cꞌajoꞌ nak quinxucuac ut incꞌaꞌ chic quincuar xcꞌoxlanquil li quicꞌutbesi̱c chicuu saꞌ lin matcꞌ.

Daniel 1:20

Chixjunil li cꞌaꞌru queꞌpatzꞌeꞌ reheb xban li rey, li ca̱hib chi cui̱nk aꞌin kꞌaxal cha̱bil queꞌxsume. Kꞌaxal cuiꞌchic cha̱bil queꞌxsume chiruheb chixjunileb li cuanqueb rubel xcuanquil li rey joꞌ laj kꞌe ut eb li nequeꞌtzoloc chirix li chahim.

Isaías 29:14

Joꞌcan nak la̱in tinba̱nu jun li sachba chꞌo̱lej xiu xiu rilbal riqꞌuineb li tenamit aꞌin. Eb li cuanqueb xnaꞌleb ma̱cꞌaꞌak chic xnaꞌlebeb ut eb li se̱beb xchꞌo̱l incꞌaꞌ chic se̱bak xchꞌo̱leb, chan li Dios.

Éxodo 7:11

Ut laj faraón quixbokeb li cui̱nk li cuanqueb xnaꞌleb joꞌ eb ajcuiꞌ laj kꞌe li cuanqueb saꞌ li tenamit Egipto. Joꞌ quixba̱nu laj Aarón, joꞌcan ajcuiꞌ queꞌxba̱nu eb aꞌan.

Daniel 4:19

Tojoꞌnak laj Daniel, li nayeman Beltsasar re, quisach xchꞌo̱l ut caꞌchꞌin chic ma̱ jun o̱r mem quicana ut yo̱ chi cꞌoxlac. Li rey quixye re: —At Beltsasar, matcꞌoxlac chirix lin matcꞌ chi moco tatxucuak xban li naxye, chan. Laj Daniel quichakꞌoc ut quixye: —Ka̱cuaꞌ, li cꞌaꞌru naxye la̱ matcꞌ, us raj cui chirixeb ta li xicꞌ nequeꞌiloc a̱cue ut ma̱cuaꞌ raj cha̱cuix la̱at.

Isaías 8:19

Cui eb li tenamit teꞌxye e̱re nak te̱patzꞌ e̱naꞌleb riqꞌuineb laj kꞌe ut eb laj tu̱l li nequeꞌhasbac ut nequeꞌa̱tinac yal chi joꞌcan, la̱ex texchakꞌok ut te̱ye: —¿Ma incꞌaꞌ ta biꞌ ta̱ru̱k tixpatzꞌ xnaꞌleb junak tenamit riqꞌuin lix Dios? ¿Ma ta̱ru̱k ta biꞌ teꞌxpatzꞌ xnaꞌleb li yoꞌyo̱queb riqꞌuineb li camenak?—

Levítico 19:31

Me̱sicꞌ le̱ naꞌleb riqꞌuineb li nequeꞌa̱tinan musikꞌej chi moco te̱sicꞌ riqꞌuineb laj kꞌe. Cui te̱ba̱nu aꞌan, te̱mux e̱rib. La̱in li Ka̱cuaꞌ le̱ Dios xinyehoc re aꞌin.

Éxodo 8:7

Ut eb laj kꞌe queꞌxba̱nu ajcuiꞌ joꞌ quixba̱nu laj Moisés. Ut nabaleb li amoch queꞌel chak xbaneb.

Génesis 40:8

Eb aꞌan queꞌxye re: —La̱o xomatqꞌuec ut ma̱ ani naru xyebal ke cꞌaꞌru xya̱lal li kamatcꞌ.— Laj José quixye reheb: —Caꞌaj cuiꞌ li Ka̱cuaꞌ Dios nanaꞌoc re cꞌaꞌru xya̱lal lix matcꞌ li junju̱nk. Naru te̱ye cue le̱ matcꞌ, chan.

Génesis 40:6

Joꞌ cuulajak chic nak quisake̱u, laj José quicuulac riqꞌuineb li pre̱x. Quiril nak mas sakquirin nequeꞌiloc xban nak ra saꞌ xchꞌo̱leb.

1 Corintios 1:19

Joꞌcaꞌin tzꞌi̱banbil retalil saꞌ li Santil Hu: Tinsacheb xcuanquil li cuanqueb xnaꞌleb xjuneseb rib. Tintzꞌekta̱na xcꞌaꞌuxeb li nequeꞌrecꞌa rib nak cuanqueb xnaꞌleb. (Isa. 29:14)

Hechos 17:18

Cuanqueb cui̱nk aj epicúreo ut eb aj estoico xcꞌabaꞌeb li nequeꞌxcꞌoxla nak kꞌaxal cuan xnaꞌlebeb. Eb aꞌan queꞌoc chixcuechꞌinquil rix li cꞌaꞌru yo̱ chixyebal laj Pablo. Ut yo̱queb chixyebal: —¿Cꞌaꞌru yo̱ chixyebal li cui̱nk aꞌan li junes a̱tinac naxba̱nu?— Ut cuan cuiꞌchic yo̱queb chi yehoc re: —Joꞌ li xchal anchal xyebal resil jalanil dios arin saꞌ katenamit, chanqueb. Queꞌxye chi joꞌcan xban nak laj Pablo yo̱ chixchꞌolobanquil resil li colba-ib saꞌ xcꞌabaꞌ li Jesucristo joꞌ ajcuiꞌ chirix lix cuaclijiqueb cuiꞌchic li camenak chi yoꞌyo.

Hechos 7:22

Laj Moisés quixtzol rib joꞌ nequeꞌxtzol ribeb laj Egipto. Ut cuan xnaꞌleb chi a̱tinac ut chixba̱nunquil li cha̱bil naꞌleb.

Habacuc 3:16

Nak quicuil li cꞌaꞌru talajcꞌulma̱nk, cꞌajoꞌ nak quiyotꞌeꞌ inchꞌo̱l. Incꞌaꞌ chic quiru quina̱tinac. Nequeꞌsicsot li cuok xban inxiu ut ma̱cꞌaꞌ chic inmetzꞌe̱u quincana. Abanan tincuoybeni li cutan nak ta̱cꞌulma̱nk li raylal aꞌan. Ma̱cꞌaꞌ incꞌaꞌux xban nak ninnau nak li Ka̱cuaꞌ tixsach ruheb li xicꞌ nequeꞌiloc ke.

Daniel 8:27

Ut la̱in laj Daniel sachso inchꞌo̱l quincana ut quinyajer cuib oxib cutan. Ut nak ac usin chic, quin-oc cuiꞌchic chi cꞌanjelac chiru li rey. Abanan toj yo̱ ajcuiꞌ incꞌaꞌux chirix li quicꞌutbesi̱c chicuu xban nak incꞌaꞌ quintau ru lix ya̱lal.

Daniel 7:28

Caꞌaj cuiꞌ aꞌan li quicuil saꞌ lin matcꞌ. La̱in cꞌajoꞌ nak quisach inchꞌo̱l ut qui-oc incꞌaꞌux. Sakquirin quincuulac xban inxiu abanan quincꞌu̱la saꞌ inchꞌo̱l li quicuil saꞌ lin matcꞌ ut ma̱ ani aj e quinserakꞌi li cꞌaꞌru quicuil, chan laj Daniel.

Daniel 5:11

Rubel la̱ cuanquil cuan jun li cui̱nk qꞌuebil xnaꞌleb xbaneb lix dios santo. Nak toj cua̱nk la̱ yucuaꞌ chokꞌ rey quixqꞌue retal nak aꞌan cuan xnaꞌleb ut naxtau ru li incꞌaꞌ natauman ru. Lix naꞌleb aꞌan chanchan lix naꞌlebeb li dios. Ut la̱ yucuaꞌ quixqꞌue xcuanquil saꞌ xbe̱neb chixjunileb laj qꞌuehol naꞌleb ut eb laj kꞌe ut eb laj Caldea joꞌqueb ajcuiꞌ li nequeꞌtzoloc chirix li chahim.

Isaías 19:3

La̱in tinsach xnaꞌlebeb laj Egipto ut tinpoꞌ ru li cꞌaꞌru teꞌxcꞌu̱b ru. Eb aꞌan teꞌxpatzꞌ xnaꞌlebeb riqꞌuineb lix dioseb ut riqꞌuineb li camenak, joꞌ ajcuiꞌ riqꞌuineb laj kꞌe ut eb laj tu̱l.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Levítico 20:6

La̱in xicꞌ nacuileb li nequeꞌxsicꞌ xnaꞌleb riqꞌuineb li nequeꞌa̱tinan musikꞌej, joꞌqueb ajcuiꞌ li nequeꞌtzꞌekta̱nan cue ut nequeꞌxsicꞌ xnaꞌleb riqꞌuineb laj kꞌe. Tincuisiheb saꞌ xya̱nkeb laj Israel.

Éxodo 9:11

Eb laj kꞌe incꞌaꞌ chic queꞌru xcꞌutbal xcuanquileb chiru laj Moisés xban nak yajeb xban li xox joꞌ nak queꞌyajer chixjunileb laj Egipto.

Génesis 41:7

Ut li cuukub chi̱j chi trigo li chaki queꞌxcꞌux li cuukub li cha̱bil. Ut qui-aj ru laj faraón ut quixqꞌue retal nak matqꞌuec yo̱.

Génesis 41:15

Nak quicuulac riqꞌuin laj faraón, laj faraón quixye re: —La̱in xinmatqꞌuec. Ut arin ma̱ ani nataꞌoc ru xya̱lal lin matcꞌ. La̱in xcuabi resil nak la̱at nacaye xya̱lal li matcꞌ, chan laj faraón.

1 Samuel 6:2

Eb laj filisteo queꞌxbokeb laj tij li nequeꞌcꞌanjelac chiru laj Dagón ut queꞌxbokeb ajcuiꞌ laj kꞌe ut queꞌxye reheb: —¿Cꞌaꞌru takaba̱nu riqꞌuin lix Lokꞌlaj Ca̱x li Dios, li nequeꞌxlokꞌoni laj Israel? Yehomak ke chanru takaba̱nu nak takatakla cuiꞌchic saꞌ lix naꞌaj, chanqueb.

Daniel 4:6

Joꞌcan nak xintakla xbokbaleb chixjunileb laj qꞌuehol naꞌleb li cuanqueb Babilonia re nak teꞌxye cue cꞌaꞌru naxye lin matcꞌ.

Daniel 4:18

Aꞌan aꞌin lin matcꞌ, chan li rey Nabucodonosor. —La̱at at Beltsasar ta̱ye cue cꞌaꞌru naxye lin matcꞌ xban nak ma̱ jun reheb li cuanqueb xnaꞌleb saꞌ xya̱nkeb li cuanqueb rubel lin cuanquil xeꞌru xyebal cue cꞌaꞌru naxye. Abanan la̱at tatru̱k xban nak qꞌuebil a̱naꞌleb xbaneb la̱ dios santo, chan.

Génesis 41:24

Ut li cuukub chi̱j chi trigo li cha̱bil queꞌcꞌuxeꞌ xbaneb li chaki. La̱in xinserakꞌi reheb laj kꞌe. Abanan ma̱ jun xtaꞌoc re cꞌaꞌru xya̱lal lin matcꞌ, chan laj faraón.