Génesis 41:57 - Li Santil hu

⁵⁷ Jalan jala̱nk xtenamiteb li queꞌcꞌulun Egipto chixlokꞌbal lix trigo riqꞌuin laj José xban nak yo̱ chi numta̱c li cueꞌej yalak bar.

Q'eqchi Bible

⁵⁷ Yalaq b'ar sa' ruuchich'och' neke'chalk Ejiipt re xloq'b'al li triiw rik'in laj José, xb'aan naq yo chi numtaak li we'ej sa' chixjunil li ruuchich'och'.

Génesis 41:57 ပူးပေါင်းရင်းမြစ်များ

Génesis 42:5

Eb li ralal laj Jacob, li nayeman ajcuiꞌ aj Israel re, queꞌcuulac saꞌ xya̱nkeb li yo̱queb chi lokꞌoc trigo aran Egipto xban nak yo̱ ajcuiꞌ li cueꞌej saꞌ li tenamit Canaán.

Génesis 41:56

Nak laj José quiril nak kꞌaxal numtajenak li cueꞌej yalak bar, quixtakla xtebaleb li cꞌu̱leba̱l re li trigo. Ut queꞌxcꞌayi li trigo riqꞌuineb laj Egipto xban nak kꞌaxal numtajenak lix tzꞌocajiqueb.

Génesis 41:54

Ut quiticla li cuukub chihab chi cueꞌej joꞌ quixye laj José junxilaj. Ut quicuan li cueꞌej saꞌ chixjunileb li tenamit li cuanqueb chi xjun sutam li tenamit Egipto. Caꞌaj cuiꞌ aran Egipto cꞌu̱lanbil li tzacae̱mk.

Deuteronomio 9:28

Cui ta̱sach ruheb, eb laj Egipto li coa̱cuisi cuiꞌ chak, teꞌxye, “Li Ka̱cuaꞌ lix Dioseb incꞌaꞌ quixcuy xcꞌambaleb saꞌ li naꞌajej li quixyechiꞌi reheb. Xicꞌ quirileb. Joꞌcan nak quixcꞌameb saꞌ li chaki chꞌochꞌ re nak tixcamsiheb,” chaꞌakeb.

Génesis 50:20

Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.

Génesis 42:1

Nak laj Jacob quirabi resil nak cuan li trigo aran Egipto, quixye reheb li ralal: —La̱ex ma̱cꞌaꞌ yo̱quex chixba̱nunquil. ¿Cꞌaꞌut nak yal yo̱quex chixcaꞌyanquil e̱rib chi ribil e̱rib?

Génesis 12:10

Saꞌ eb li cutan aꞌan quicuan jun li nimla cueꞌej saꞌ li naꞌajej aꞌan. Xban nak ma̱cꞌaꞌ li tzacae̱mk, co̱eb laj Abram saꞌ li naꞌajej Egipto ut aran queꞌcana.

Génesis 43:1

Nak yo̱ chi numta̱c li cueꞌej saꞌ li tenamit Canaán,

Génesis 42:6

Laj José, aꞌan li nataklan saꞌ li tenamit Egipto ut saꞌ rukꞌ aꞌan quicana xcꞌayinquil li trigo. Eb li ras laj José queꞌcuulac riqꞌuin ut queꞌxxulub rib saꞌ chꞌochꞌ chiru.

Génesis 47:14

Chixjunil li tumin li queꞌxtoj cuiꞌ lix trigo eb laj cananeo joꞌ eb ajcuiꞌ laj Egipto, laj José quicꞌuluc re ut quixkꞌaxtesi saꞌ rochoch laj faraón.