Génesis 41:54 - Li Santil hu

⁵⁴ Ut quiticla li cuukub chihab chi cueꞌej joꞌ quixye laj José junxilaj. Ut quicuan li cueꞌej saꞌ chixjunileb li tenamit li cuanqueb chi xjun sutam li tenamit Egipto. Caꞌaj cuiꞌ aran Egipto cꞌu̱lanbil li tzacae̱mk.

Q'eqchi Bible

⁵⁴ ke'xtikib' chalk li wuqub' chihab' chik re li we'ej, jo' yeeb'il chaq xb'aan laj José. Kiwank we'ej sa' chixjunileb' li tenamit, ab'an sa' xsutam Ejiipt wank li wa.

Génesis 41:54 ပူးပေါင်းရင်းမြစ်များ

Hechos 7:11

Ut quicuan jun nimla cueꞌej ut jun nimla raylal saꞌ eb li tenamit Egipto ut Canaán. Ut eb li kaxeꞌto̱nil yucuaꞌ incꞌaꞌ chic queꞌxtau xtzacae̱mkeb.

Salmos 105:16

Li Ka̱cuaꞌ quixqꞌue jun li cueꞌej saꞌ lix tenamiteb laj Israel ut queꞌcana chi ma̱cꞌaꞌ chic xcuaheb.

Génesis 45:11

Toj o̱b chihab chic ta̱cua̱nk li cueꞌej. Nak ac cuanquex chic arin, talajinqꞌue e̱tzacae̱mk. Ma̱ ani e̱re ta̱ca̱mk xban cueꞌej.” Chixjunil aꞌin te̱ye re lin yucuaꞌ.

Génesis 41:30

Ut nak ta̱numekꞌ li cuukub chihab aꞌan, ta̱cua̱nk jun nimla cueꞌej saꞌ li tenamit aꞌin. Cuukub chihab tzꞌakal ta̱cua̱nk li cueꞌej. Chixjunil li cꞌaꞌak re ru li cuan arin telajeꞌosokꞌ xban li cueꞌej.

Génesis 47:13

Nak quinumta li cueꞌej aran, ma̱cꞌaꞌ chic li tzacae̱mk saꞌ li tenamit Egipto. Ca̱mqueb re chixjunileb laj Egipto joꞌeb ajcuiꞌ laj Canaán xban lix tzꞌocajiqueb.

Génesis 43:1

Nak yo̱ chi numta̱c li cueꞌej saꞌ li tenamit Canaán,

Génesis 42:2

La̱in xcuabi resil nak aran Egipto cuan li trigo. Ayukex la̱ex ut te̱lokꞌ chak caꞌchꞌinak ke re nak incꞌaꞌ toca̱mk xban katzꞌocajic, chan laj Jacob.

Génesis 41:27

Ut li cuukub chi cuacax li bakeb, li queꞌel saꞌ li haꞌ mokon, aꞌan retalil li cuukub chihab li ta̱cha̱lk mokon. Joꞌcan ajcuiꞌ eb li cuukub chi̱j chic chi trigo li chakiheb. Aꞌin retalil li cuukub chihab chi cueꞌej li ta̱cua̱nk mokon.

Génesis 41:53

Quinumeꞌ li cuukub chihab nak quicuan nabal li tzacae̱mk saꞌ li tenamit Egipto.

2 Reyes 8:1

Li profeta Eliseo quia̱tinac riqꞌuin li ixk li quiqꞌuirtesi̱c lix yum ut quixye re nak li Ka̱cuaꞌ tixtakla li cueꞌej saꞌ li naꞌajej aꞌan chiru cuukub chihab. Quixye re nak ta̱xic chi cua̱nc saꞌ jalan naꞌajej.