Génesis 41:45 - Li Santil hu

⁴⁵ Ut laj faraón quixqꞌue jun chic xcꞌabaꞌ laj José. Aj Zafnat-panea chic quiyeman re. Laj faraón quixqꞌue lix Asenat chokꞌ rixakil laj José. Lix Asenat aꞌan lix rabin laj Potifera. Laj Potifera, aꞌan aj cꞌamol be re tijoc reheb laj On li nequeꞌlokꞌonin re li sakꞌe. Ut laj José qui-oc chirulaꞌaninquil li junju̱nk chi cocꞌ tenamit li cuanqueb aran saꞌ li nimla tenamit Egipto.

Q'eqchi Bible

⁴⁵ Laj Parahón kixk'e aj Safnat-Panéhaj cho'q xk'ab'a' laj José, ut cho'q rixaqil kixk'e lix Asnat, xrab'in laj Poti Fera, aj tij aran On. Jo'ka'in naq laj José kixaqab'aak xwankil sa' xb'een li tenamit Ejiipt.

Génesis 41:45 ပူးပေါင်းရင်းမြစ်များ

Génesis 46:20

Laj Manasés ut laj Efraín xcꞌabaꞌeb li cuib chi ralal laj José, li queꞌcuan riqꞌuin lix Asenat aran Egipto. Lix Asenat, aꞌan xrabin laj Potifera, li quicꞌamoc be chi tijoc chiruheb laj On.

Ezequiel 30:17

Eb li sa̱j cui̱nk li cuanqueb Avén ut eb li cuanqueb Pibeset teꞌcamsi̱k chi chꞌi̱chꞌ ut eb li ixk teꞌcꞌamekꞌ chi pre̱xil.

Éxodo 2:16

Ut aran coxtau jun li becbil haꞌ ut coxchunla̱k aran. Laj tij saꞌ li tenamit Madián cuukub lix rabin cuan. Eb aꞌan queꞌcuulac chirisinquil li haꞌ re nak teꞌxbutꞌ xnaꞌajeb rucꞌa lix queto̱mk lix yucuaꞌ.

Hechos 11:28

Cuan jun saꞌ xya̱nkeb aꞌan aj Agabo xcꞌabaꞌ. Quixye nak ta̱cua̱nk jun nimla cueꞌej saꞌ chixjunil li ruchichꞌochꞌ xban nak joꞌcan quicꞌuteꞌ chiru xban li Santil Musikꞌej. Ut li cueꞌej aꞌin quicꞌulman saꞌ eb li cutan nak cua̱nk laj Claudio chokꞌ acuabej.

San Lucas 2:1

Saꞌ eb li cutan aꞌan li acuabej César Augusto quixqꞌue jun li chakꞌrab re nak chixjunileb li tenamit teꞌajla̱k ut teꞌxqꞌue xcꞌabaꞌeb chi tzꞌi̱ba̱c.

2 Samuel 20:26

Laj Ira, Jair xtenamit, aꞌan laj tij li quicuan riqꞌuin laj David.

2 Samuel 8:18

Laj Benaía, li ralal laj Joiada, aꞌan li quitaklan saꞌ xbe̱neb laj cereteo ut eb laj peleteo. Eb li ralal laj David, aꞌaneb li ni̱nkeb xcuanquil saꞌ xya̱nkeb.

Génesis 14:18

Laj Melquisedec, aꞌan lix reyeb laj Salem ut nacꞌanjelac ajcuiꞌ chokꞌ aj tij chiru li nimajcual Dios. Laj Melquisedec quixcꞌul laj Abram ut quixqꞌueheb xcua rucꞌa.

Génesis 41:50

Nak ma̱jiꞌ nacuulac xkꞌehil li cueꞌej, laj José quicuan cuib li ralal riqꞌuin lix Asenat, lix rabin laj Potifera laj cꞌamol be re tijoc saꞌ xya̱nkeb laj On.

Jeremías 43:13

Ut lix reyeb laj Babilonia tixjuqꞌueb lix jalam u̱ch lix dioseb Bet-semes li cuanqueb aran Egipto. Ut tixcꞌateb li cab li nequeꞌxlokꞌoni cuiꞌ lix dioseb, chan.

Daniel 1:7

Ut li nataklan saꞌ xbe̱neb li eunucos quixqꞌue xcꞌabaꞌeb. Laj Daniel quiqꞌueheꞌ chokꞌ aj Beltsasar. Laj Ananías quiqꞌueheꞌ chokꞌ aj Sadrac. Laj Misael quiqꞌueheꞌ chokꞌ aj Mesac ut laj Azarías quiqꞌueheꞌ chokꞌ aj Abed-nego.