Génesis 41:42 - Li Santil hu

⁴² Ut quirisi chi ruꞌuj rukꞌ lix matkꞌab li retalil lix cuanquil, ut quixqꞌue chi ruꞌuj rukꞌ laj José. Quixqꞌue lix cha̱bil akꞌ yi̱banbil riqꞌuin li cha̱bil tꞌicr lino, re nak laj José tixtikib rib chi chꞌinaꞌus. Ut quixqꞌue ajcuiꞌ chi xcux laj José jun lix cadena tzꞌakal oro.

Q'eqchi Bible

⁴² Chirix chik a'an laj Parahón kirisi li xmatq'ab' chi ruq', kixk'e chi ruq' laj José, kixtiqib' chi q'axal chaab'il rik'in liin ut kixk'e li q'ol yiib'anb'il rik'in oor chi xkux laj José.

Génesis 41:42 ပူးပေါင်းရင်းမြစ်များ

Daniel 5:29

Tojoꞌnak li rey Belsasar quixtakla xtikibanquil laj Daniel riqꞌuin li caki akꞌ ut quixqꞌue ajcuiꞌ xkꞌol oro. Ut quixtakla resil nak laj Daniel, aꞌan chic li roxil chi takla̱nc.

Daniel 5:7

Li rey quixjap re chi cau ut quixye nak teꞌcꞌamekꞌ chak riqꞌuin chixjunileb laj qꞌuehol naꞌleb ut eb laj Caldea ut eb laj kꞌe. Ut li rey quixye reheb: —Li ani ta̱ru̱k xtaubal ru li a̱tin aꞌin ut tixye cue cꞌaꞌru lix ya̱lal, la̱in tinqꞌue li caki akꞌ chirix retalil lix cuanquil. Tinqꞌue lix kꞌol oro chi xcux ut aꞌanak li rox chi takla̱nc saꞌ xbe̱n li tenamit, chan.

Ester 3:10

Ut quirisi lix matkꞌab li rey Asuero ut quixqꞌue re laj Amán. Aꞌan retalil nak quixcꞌul xchꞌo̱l li quixye laj Amán, li xicꞌ na-iloc reheb laj judío.

Daniel 5:16

Cuabiom resil nak naru ta̱chꞌolob xya̱lal li cꞌaꞌru chꞌaꞌaj xtaubal ru. Anakcuan cui ta̱ru̱k ta̱cuil li tzꞌi̱banbil chiru li tzꞌac ut ta̱ye cue cꞌaꞌru naxye, tattikiba̱k riqꞌuin caki akꞌej ut ta̱qꞌuema̱nk junak kꞌol oro cha̱cux ut la̱atak li rox chi takla̱nc saꞌ xbe̱n li tenamit aꞌin, chan.

Ester 8:2

Ut li rey quirisi chi ruꞌuj rukꞌ lix matkꞌab li quixmakꞌ chiru laj Amán ut quixqꞌue re laj Mardoqueo. Ut lix Ester quixxakab laj Mardoqueo re nak aꞌan chic ta̱ilok re chixjunil li cꞌaꞌru quicuan chokꞌ re laj Amán.

Ester 8:15

Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

Ester 8:10

Laj Mardoqueo quixtzꞌi̱ba li hu saꞌ xcꞌabaꞌ li rey ut quixqꞌue retalil lix matkꞌab li rey chiruheb li hu. Quixtaklaheb li cui̱nk chixcanabanquileb li hu. Queꞌco̱eb chirixeb lix cacua̱y li rey, li kꞌaxal cau nequeꞌa̱linac.

Ezequiel 27:7

Li nimla tꞌicr li naberesin re yi̱banbil riqꞌuin li cha̱bil tꞌicr lino li cuan xsahob ru. Quicꞌameꞌ chak Egipto. Li bandera yi̱banbil riqꞌuin li cha̱bil tꞌicr azul ut púrpura li quicꞌameꞌ chak saꞌ li tenamit Elisa li cuan chire li palau.

Cantares 1:10

Cꞌajoꞌ xchꞌinaꞌusal lix co a̱cue. Chꞌinaꞌus li caꞌxic nacacuocsi. Ut cꞌajoꞌ xchꞌinaꞌusal la̱ cux nacꞌutun riqꞌuin la̱ kꞌol.

Proverbios 31:24

Li ixk aꞌan naxquem li tꞌicr lino ut naxquem li cꞌa̱mal saꞌ ut naxcꞌayi reheb laj cꞌay.

Proverbios 31:22

Riqꞌuin rukꞌ naxyi̱b li ris ut naxyi̱b ajcuiꞌ li rakꞌ aꞌan riqꞌuin li cha̱bil tꞌicr lino.

Ester 8:8

Anakcuan te̱tzꞌi̱ba jun chic li hu saꞌ incꞌabaꞌ la̱in ut te̱tzꞌi̱ba li cꞌaꞌru te̱raj re xtenkꞌanquileb laj judío. Ut te̱qꞌue retalil lin matkꞌab chiru xban nak cui tzꞌi̱banbil saꞌ incꞌabaꞌ, ut cui cuan retalil li matkꞌab chiru, incꞌaꞌ naru xjalbal ru li cꞌaꞌru tzꞌi̱banbil, chan li rey.

Ester 3:12

Joꞌcan nak saꞌ li oxlaju xbe li xbe̱n po re li chihab aꞌan, queꞌbokeꞌ laj tzꞌi̱b li nequeꞌcꞌanjelac chiru li rey. Ut queꞌxtzꞌi̱ba li chakꞌrab joꞌ quixye laj Amán reheb. Li chakꞌrab aꞌan quitakla̱c riqꞌuineb chixjunileb li nequeꞌtaklan saꞌ li junju̱nk chi tenamit li cuanqueb rubel xtakl li rey. Ut quitakla̱c riqꞌuineb laj cꞌamol be. Queꞌtzꞌi̱bac saꞌ ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Eb li hu aꞌan queꞌtzꞌi̱ba̱c saꞌ xcꞌabaꞌ li rey Asuero ut quiqꞌueheꞌ retalil lix matkꞌab li rey chiruheb.

San Lucas 15:22

Aꞌut li yucuaꞌbej quixye reheb lix mo̱s: —Sicꞌomak chak saꞌ junpa̱t li cha̱bil tꞌicr ut qꞌuehomak chirix. Qꞌuehomak xmatkꞌab chi ruꞌuj rukꞌ ut qꞌuehomak xxa̱b chi rok.

Proverbios 1:9

Kꞌaxal lokꞌ chokꞌ e̱re nak tex-abi̱nk chiru le̱ naꞌ e̱yucuaꞌ. Chanchan nak ta̱qꞌuehekꞌ junak e̱kꞌol che̱cux ut junak corona saꞌ e̱jolom.

Ester 10:3

Nim li cuanquil li quiqꞌueheꞌ re laj Mardoqueo. Caꞌaj cuiꞌ li rey Asuero nakꞌaxoc re lix cuanquil. Nim xcuanquil laj Mardoqueo saꞌ xya̱nkeb laj judío. Quiqꞌueheꞌ xlokꞌal xbaneb chixjunileb li rech tenamitil xban nak quixsicꞌ li us chokꞌ reheb ut quixtenkꞌaheb chi cua̱nc saꞌ tuktu̱quil usilal.

Génesis 38:18

Laj Judá quixye re: —¿Cꞌaꞌru ta̱cuaj tinqꞌue a̱cue? chan. Ut li ixk quixye re: —Qꞌue chokꞌ cue la̱ matkꞌab li cuan cuiꞌ retalil la̱ cꞌabaꞌ joꞌ ajcuiꞌ lix cꞌa̱mal. Ut ta̱canab ajcuiꞌ cuiqꞌuin la̱ xukꞌ li cuan saꞌ a̱cuukꞌ, chan li ixk. Ut laj Judá quixqꞌue re li cꞌaꞌru quixpatzꞌ ut quicuan riqꞌuin. Ut lix Tamar quicana chi yaj aj ixk.

Génesis 41:43

Laj faraón quixqꞌue laj José chi beresi̱c saꞌ li xcab lix carre̱t ut quixye reheb chixjunileb li tenamit nak teꞌxcuikꞌib rib chiru. Ut chixjunileb li tenamit queꞌcana rubel xtakl laj José.

1 Samuel 18:4

Laj Jonatán quirisi chirix lix tꞌicr li naxqꞌue saꞌ xbe̱n li rakꞌ ut quixsi re laj David ut quixsi ajcuiꞌ re lix tzimaj, lix cꞌa̱mal xsaꞌ joꞌ ajcuiꞌ lix chꞌi̱chꞌ.

Salmos 73:6

Cꞌajoꞌ xkꞌetkꞌetileb ut xma̱usilaleb. Chanchan nak tikto̱queb riqꞌuin li kꞌetkꞌetil ut li ra xi̱cꞌ li nequeꞌxba̱nu.

Cantares 4:9

Xco̱ inchꞌo̱l cha̱cuix, at cuixakil, at xsum li cua̱m. Jun sut ajcuiꞌ xina̱cuil ut xco̱ inchꞌo̱l cha̱cuix. Cꞌajoꞌ xchꞌinaꞌusal la̱ kꞌol cuan cha̱cux.

Jeremías 52:33

Laj Joaquín quirisi li rakꞌ pre̱x li cuan chirix. Ut quicuaꞌac saꞌ lix me̱x li rey joꞌ najtil chic quicuan chi yoꞌyo.

Isaías 3:23

Ta̱risiheb ajcuiꞌ li lem, li cha̱bil tꞌicr lino, li jayil tꞌicr joꞌ eb ajcuiꞌ lix sahob ru li nequeꞌxqꞌue saꞌ xjolomeb.