Génesis 41:41 - Li Santil hu

⁴¹ Laj faraón quixye cuiꞌchic re laj José: —Anakcuan la̱in xinkꞌaxtesi rubel a̱takl chixjunileb li tenamit arin Egipto, joꞌ eb ajcuiꞌ li cꞌaꞌak re ru cuan, chan.

Q'eqchi Bible

⁴¹ Kixye ajwi' laj Parahón re laj José: “K'e reetal: xatinxaqab' chi xjolominkil chixjunil li tenamit Ejiipt”.

Génesis 41:41 ပူးပေါင်းရင်းမြစ်များ

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

Daniel 6:3

Laj Daniel kꞌaxal cuiꞌchic us quixba̱nu chiruheb li cuib chic chi gobernador joꞌqueb ajcuiꞌ chixjunileb li nequeꞌtaklan xban nak kꞌaxal cuiꞌchic cha̱bil xnaꞌleb chiruheb chixjunileb. Joꞌcan nak li rey quixcꞌoxla xqꞌuebal laj Daniel chi takla̱nc saꞌ xbe̱neb chixjunileb li tenamit.

Génesis 42:6

Laj José, aꞌan li nataklan saꞌ li tenamit Egipto ut saꞌ rukꞌ aꞌan quicana xcꞌayinquil li trigo. Eb li ras laj José queꞌcuulac riqꞌuin ut queꞌxxulub rib saꞌ chꞌochꞌ chiru.

Proverbios 22:29

Li roꞌ li naꞌleb, aꞌan aꞌin: Li ani naxnau cꞌanjelac chi cha̱bil, aꞌan ta̱cꞌanjelak riqꞌuineb li rey. Moco riqꞌuin ta yalak ani ta̱trabajik.

Proverbios 17:2

Junak mo̱s cuan xnaꞌleb, aꞌan ta̱cua̱nk xcuanquil saꞌ xbe̱n li alalbej ma̱cꞌaꞌ xnaꞌleb ut aꞌan ta̱tzꞌako̱nk riqꞌuin li cꞌaꞌru cuan re lix patrón saꞌ xya̱nkeb li ralal xcꞌajol lix patrón.

Ester 10:3

Nim li cuanquil li quiqꞌueheꞌ re laj Mardoqueo. Caꞌaj cuiꞌ li rey Asuero nakꞌaxoc re lix cuanquil. Nim xcuanquil laj Mardoqueo saꞌ xya̱nkeb laj judío. Quiqꞌueheꞌ xlokꞌal xbaneb chixjunileb li rech tenamitil xban nak quixsicꞌ li us chokꞌ reheb ut quixtenkꞌaheb chi cua̱nc saꞌ tuktu̱quil usilal.

Génesis 41:44

Ut laj faraón quixye re laj José: —La̱in laj faraón. Ma̱ jun naru tixba̱nu li cꞌaꞌak re ru cui la̱at incꞌaꞌ nacataklaheb aꞌan, chan.

Génesis 39:22

Quixkꞌaxtesi saꞌ rukꞌ laj José chixjunileb li pre̱x re nak aꞌan chic ta̱ilok reheb. Aꞌ chic laj José naba̱nun re chixjunil lix cꞌanjel laj ilol tzꞌalam.

Génesis 39:5

Chalen nak quixkꞌaxtesi saꞌ rukꞌ laj José li cꞌaꞌru cuan re, li Ka̱cuaꞌ Dios quirosobtesi laj Potifar laj Egipto saꞌ xcꞌabaꞌ laj José. Xban li Ka̱cuaꞌ Dios quinabaloꞌ li cꞌaꞌru cuan re laj Potifar.

Hechos 7:10

Ut aꞌan quitenkꞌan re chixcuybal li raylal li quixcꞌul. Quirosobtesi ut quixqꞌue xnaꞌleb. Ut laj faraón li acuabej aran Egipto quixqꞌue retal nak laj José cuan xnaꞌleb ut quixxakab chi takla̱nc saꞌ xbe̱n li tenamit ut saꞌ xbe̱neb ajcuiꞌ li cuanqueb saꞌ li rochoch.

Salmos 105:21

Ut li rey quixqꞌue xcuanquil laj José re nak aꞌan chic ta̱takla̱nk saꞌ li rochoch joꞌ ajcuiꞌ saꞌ xbe̱n chixjunil li cꞌaꞌru cuan re.

Eclesiastés 4:14

Junak sa̱j al naru ta̱oc chokꞌ rey, usta saꞌ tzꞌalam ta̱e̱lk chak malaj ut saꞌ nebaꞌil.

Génesis 45:8

Ma̱cuaꞌ e̱ban la̱ex nak cuanquin arin. Aꞌ li Ka̱cuaꞌ Dios quinixtakla chak arin re nak tinchꞌolob xya̱lal chiru laj faraón. Li Ka̱cuaꞌ Dios quixkꞌaxtesi saꞌ cuukꞌ chixjunil li cꞌaꞌru cuan re laj faraón ut la̱in ajcuiꞌ quin-oc chokꞌ acuabej re chixjunil li tenamit Egipto.

Daniel 2:48

Ut li rey quixqꞌue lix cha̱bil ma̱tan laj Daniel ut quixqꞌue xlokꞌal ut quixqꞌue ajcuiꞌ xcuanquil re nak aꞌan chic ta̱takla̱nk saꞌ chixjunil li naꞌajej Babilonia. Ut aꞌan chic li najolomin reheb laj qꞌuehol naꞌleb saꞌ li tenamit.