Génesis 41:40 - Li Santil hu

⁴⁰ La̱at tattakla̱nk reheb li cuanqueb saꞌ cuochoch. Ut chixjunileb lin tenamit teꞌcana̱k rubel a̱takl. Caꞌaj cuiꞌ la̱in kꞌaxal nimak incuanquil cha̱cuu xban nak la̱in li rey, chan.

Q'eqchi Bible

⁴⁰ Laa'at tatjolominq re linjunkab'al ut chixjunileb' lintenamit te'xpaab' laawaatin. Ka'ajwi' link'ojarib'aal ink'a' tink'e aawe”, chan.

Génesis 41:40 ပူးပေါင်းရင်းမြစ်များ

Hechos 7:10

Ut aꞌan quitenkꞌan re chixcuybal li raylal li quixcꞌul. Quirosobtesi ut quixqꞌue xnaꞌleb. Ut laj faraón li acuabej aran Egipto quixqꞌue retal nak laj José cuan xnaꞌleb ut quixxakab chi takla̱nc saꞌ xbe̱n li tenamit ut saꞌ xbe̱neb ajcuiꞌ li cuanqueb saꞌ li rochoch.

Proverbios 22:29

Li roꞌ li naꞌleb, aꞌan aꞌin: Li ani naxnau cꞌanjelac chi cha̱bil, aꞌan ta̱cꞌanjelak riqꞌuineb li rey. Moco riqꞌuin ta yalak ani ta̱trabajik.

Daniel 5:29

Tojoꞌnak li rey Belsasar quixtakla xtikibanquil laj Daniel riqꞌuin li caki akꞌ ut quixqꞌue ajcuiꞌ xkꞌol oro. Ut quixtakla resil nak laj Daniel, aꞌan chic li roxil chi takla̱nc.

Salmos 2:12

Cheqꞌuehak xlokꞌal li Cꞌajolbej re nak incꞌaꞌ ta̱joskꞌokꞌ li Dios saꞌ e̱be̱n. Cheqꞌuehak xlokꞌal re nak incꞌaꞌ ta̱cha̱lk li ca̱mc saꞌ e̱be̱n saꞌ xkꞌehil li rakba a̱tin xban nak aꞌan saꞌ junpa̱t nachal xjoskꞌil. Us xak reheb chixjunileb li nequeꞌxcꞌojob xchꞌo̱l riqꞌuin li Dios.

Daniel 6:3

Laj Daniel kꞌaxal cuiꞌchic us quixba̱nu chiruheb li cuib chic chi gobernador joꞌqueb ajcuiꞌ chixjunileb li nequeꞌtaklan xban nak kꞌaxal cuiꞌchic cha̱bil xnaꞌleb chiruheb chixjunileb. Joꞌcan nak li rey quixcꞌoxla xqꞌuebal laj Daniel chi takla̱nc saꞌ xbe̱neb chixjunileb li tenamit.

Génesis 45:26

Ut queꞌxye re laj Jacob: —¡Cꞌoxla! Yoꞌyo laj José. Aꞌan li nataklan saꞌ xbe̱n chixjunil li tenamit Egipto, chanqueb. Ut quisach xchꞌo̱l laj Jacob nak quirabi resil li ralal. Laj Jacob incꞌaꞌ quixpa̱b li cꞌaꞌru quiyeheꞌ re xbaneb li ralal.

Li xHu LAJ JOB 31:27

Abanan la̱in incꞌaꞌ xinlokꞌoniheb chi mukmu, chi moco xincuutzꞌ li cuukꞌ re xqꞌuebal xlokꞌal.

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

Génesis 39:9

Ma̱ ani chic nim xcuanquil chicuu la̱in saꞌ li cab aꞌin. Chixjunil li cꞌaꞌru cuan re xkꞌaxtesi saꞌ cuukꞌ. Caꞌaj cuiꞌ la̱at incꞌaꞌ xatxkꞌaxtesi saꞌ cuukꞌ xban nak la̱at li rixakil. ¿Chanru nak tin-oc chixchꞌicbal cuib a̱cuiqꞌuin? Ma̱ jokꞌe tinba̱nu chi joꞌcan. Aꞌan nimla ma̱c chiru li Ka̱cuaꞌ Dios, chan laj José.

Génesis 44:18

Ut laj Judá quinachꞌoc chiru laj José ut quixye re: —Chacuy inma̱c. La̱in tincuaj xyebal cuib oxibak a̱tin a̱cue. Usan cui incꞌaꞌ ta̱cha̱lk a̱joskꞌil saꞌ kabe̱n xban nak la̱at kꞌaxal nim a̱cuanquil. La̱at joꞌ laj faraón, chan.

Ester 3:1

Mokon chic li rey Asuero quixqꞌue xcuanquil laj Amán chi takla̱nc saꞌ xbe̱neb chixjunileb li nequeꞌtaklan saꞌ eb li tenamit. Laj Amán aꞌan li ralal laj Hamedata, xcomoneb aj agagueo.

Ester 10:3

Nim li cuanquil li quiqꞌueheꞌ re laj Mardoqueo. Caꞌaj cuiꞌ li rey Asuero nakꞌaxoc re lix cuanquil. Nim xcuanquil laj Mardoqueo saꞌ xya̱nkeb laj judío. Quiqꞌueheꞌ xlokꞌal xbaneb chixjunileb li rech tenamitil xban nak quixsicꞌ li us chokꞌ reheb ut quixtenkꞌaheb chi cua̱nc saꞌ tuktu̱quil usilal.