Génesis 41:39 - Li Santil hu

³⁹ Ut quixye re laj José: —Li Ka̱cuaꞌ Dios xcꞌutuc re cha̱cuu chixjunil li naꞌleb aꞌin. Xban aꞌan, ma̱ ani chic junak cuan xnaꞌleb cha̱cuu la̱at.

Q'eqchi Bible

³⁹ Ut kixye re laj José: “Maajun seeb' xch'ool chi moko wank xna'leb' kama' laa'at, xb'aan naq li Yos xk'e chanaw chixjunil a'in.

Génesis 41:39 ပူးပေါင်းရင်းမြစ်များ

Génesis 41:33

Anakcuan us raj ta̱ba̱nu li naꞌleb aꞌin. Sicꞌ junak cui̱nk cha̱bil xnaꞌleb re nak aꞌan ta̱tenkꞌa̱nk a̱cue chixtaklanquil li tenamit Egipto.

Génesis 41:28

Li xinye a̱cue, at faraón, aꞌan lix ya̱lal la̱ matcꞌ. Riqꞌuin la̱ matcꞌ aꞌan li Ka̱cuaꞌ Dios yo̱ chixcꞌutbal cha̱cuu li cꞌaꞌru tixba̱nu.

Génesis 41:25

Tojoꞌnak laj José quixye re laj faraón: —Li cuib la̱ matcꞌ juntakꞌe̱t lix ya̱lal. Li Ka̱cuaꞌ Dios yo̱ chixcꞌutbal cha̱cuu li cꞌaꞌru tixba̱nu.

Génesis 41:16

Ut laj José quixye re: —La̱in injunes incꞌaꞌ naru tinye cꞌaꞌru xya̱lal la̱ matcꞌ. Caꞌaj cuiꞌ li Ka̱cuaꞌ Dios nanaꞌoc re lix ya̱lal. Aꞌan ta̱tenkꞌa̱nk cue xtaubal ru xya̱lal la̱ matcꞌ, at faraón, re nak ta̱cꞌojla̱k a̱chꞌo̱l, chan laj José.

Isaías 19:11

Relic chi ya̱l nak eb li nequeꞌcꞌamoc be saꞌ li tenamit Zoán ma̱cꞌaꞌeb xnaꞌleb. Eb li nequeꞌqꞌuehoc xnaꞌleb laj faraón moco cha̱bil ta li naꞌleb li teꞌxqꞌue. ¿Chan ta cuiꞌ ru nak teꞌxye re laj faraón nak aꞌaneb li ralal xcꞌajol li tzolbileb chi us malaj ut teꞌxye nak aꞌaneb li ralal xcꞌajol li rey li queꞌcuan junxil?

Daniel 2:11

Li cꞌaꞌru nacapatzꞌ, at rey, kꞌaxal chꞌaꞌaj xsumenquil. Ma̱ ani naru ta̱yehok a̱cue li cꞌaꞌru nacacuaj xnaubal. Caꞌaj eb cuiꞌ li kadios nequeꞌnaꞌoc re aꞌan; abanan ma̱ aniheb saꞌ kaya̱nk xban nak eb aꞌan incꞌaꞌ nequeꞌcuan saꞌ xya̱nkeb yal cui̱nk, chanqueb.

Daniel 2:48

Ut li rey quixqꞌue lix cha̱bil ma̱tan laj Daniel ut quixqꞌue xlokꞌal ut quixqꞌue ajcuiꞌ xcuanquil re nak aꞌan chic ta̱takla̱nk saꞌ chixjunil li naꞌajej Babilonia. Ut aꞌan chic li najolomin reheb laj qꞌuehol naꞌleb saꞌ li tenamit.

Esdras 7:25

La̱at, Esdras, joꞌ naxcꞌut cha̱cuu li Ka̱cuaꞌ la̱ Dios, ta̱xakab aj rakol a̱tin ut ta̱xakab aj cꞌamol be re nak aꞌaneb chic teꞌtakla̱nk saꞌ xbe̱neb chixjunileb li tenamit li cuanqueb jun pacꞌal li nimaꞌ Éufrates. Ta̱cua̱nk xcuanquileb saꞌ xbe̱neb chixjunileb li nequeꞌxnau li cꞌaꞌru naxye saꞌ li chakꞌrab li quiqꞌueheꞌ reheb xban li Ka̱cuaꞌ la̱ Dios. Ut eb li incꞌaꞌ nequeꞌxnau li chakꞌrab, la̱at ta̱cꞌut chiruheb.

Proverbios 12:8

Li ani cuan xnaꞌleb naqꞌueheꞌ xlokꞌal. Abanan li incꞌaꞌ useb xnaꞌleb nequeꞌtzꞌekta̱na̱c.