Génesis 41:14 - Li Santil hu

¹⁴ Tojoꞌnak laj faraón quixtakla xbokbal laj José. Queꞌrisi saꞌ junpa̱t saꞌ tzꞌalam. Laj José quixjo rib ut quixtikib rib chi us ut co̱ riqꞌuin laj faraón.

Q'eqchi Bible

¹⁴ Toja' naq laj Parahón kixtaqla xb'oqb'al laj José ut sa' junpaat ki'isiik sa' jul. Laj José kixjo rib', kixjal li raq' ut koxk'ut rib' chiru laj Parahón.

Génesis 41:14 ပူးပေါင်းရင်းမြစ်များ

Daniel 2:25

Ut laj Arioc saꞌ junpa̱t quixcꞌam laj Daniel riqꞌuin li rey ut quixye re: —Xintau chak jun li sa̱j cui̱nk xcomoneb laj Judá li queꞌchapeꞌ ut queꞌcꞌameꞌ chak arin ut aꞌan tixye a̱cue cꞌaꞌru naxye la̱ matcꞌ, chan.

2 Reyes 25:29

Laj Joaquín quirisi li rakꞌ li pre̱x chirix. Ut quicuaꞌac saꞌ lix me̱x li rey joꞌ najtil chic quicuan chi yoꞌyo.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Ester 5:1

Nak ac xnumeꞌ li oxib cutan, lix Ester quixtikib rib chi cha̱bil joꞌ xcꞌulub xban nak aꞌan li reina. Qui-oc saꞌ li rochoch li rey ut quixakli saꞌ li oqueba̱l re li naꞌajej chunchu cuiꞌ li rey saꞌ lix cꞌojariba̱l. Lix cꞌojariba̱l na-iloc bar cuan cuiꞌ li puerta.

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Éxodo 10:16

Tojoꞌnak laj faraón saꞌ junpa̱t quixbokeb chak laj Moisés ut laj Aarón. Quixye reheb: —Xinma̱cob chiru li Ka̱cuaꞌ la̱ Dios ut che̱ru ajcuiꞌ la̱ex.

2 Samuel 19:24

Laj Mefi-boset, li ri laj Saúl, co̱ ajcuiꞌ chixcꞌulbal li rey. Chalen nak co̱ li rey incꞌaꞌ quixchꞌaj li rok, chi moco quixjo lix mach, chi moco quixpuchꞌ li rakꞌ toj retal nak quisukꞌi chak chi sa saꞌ xchꞌo̱l.

Eclesiastés 4:14

Junak sa̱j al naru ta̱oc chokꞌ rey, usta saꞌ tzꞌalam ta̱e̱lk chak malaj ut saꞌ nebaꞌil.