Génesis 40:6 - Li Santil hu

⁶ Joꞌ cuulajak chic nak quisake̱u, laj José quicuulac riqꞌuineb li pre̱x. Quiril nak mas sakquirin nequeꞌiloc xban nak ra saꞌ xchꞌo̱leb.

Q'eqchi Bible

⁶ Naq kisaqewk, kiwulak laj José rik'ineb' ut koxtaweb' chi raheb' sa' xch'ool.

Génesis 40:6 ပူးပေါင်းရင်းမြစ်များ

Daniel 8:27

Ut la̱in laj Daniel sachso inchꞌo̱l quincana ut quinyajer cuib oxib cutan. Ut nak ac usin chic, quin-oc cuiꞌchic chi cꞌanjelac chiru li rey. Abanan toj yo̱ ajcuiꞌ incꞌaꞌux chirix li quicꞌutbesi̱c chicuu xban nak incꞌaꞌ quintau ru lix ya̱lal.

Daniel 7:28

Caꞌaj cuiꞌ aꞌan li quicuil saꞌ lin matcꞌ. La̱in cꞌajoꞌ nak quisach inchꞌo̱l ut qui-oc incꞌaꞌux. Sakquirin quincuulac xban inxiu abanan quincꞌu̱la saꞌ inchꞌo̱l li quicuil saꞌ lin matcꞌ ut ma̱ ani aj e quinserakꞌi li cꞌaꞌru quicuil, chan laj Daniel.

Daniel 5:6

Ut quisakquirinoꞌ li riloba̱l li rey xban xxiu ut qui-oc xcꞌaꞌux ut nasicsot xban xxiu toj retal nequeꞌxtochꞌ rib li xbe̱n rak.

Daniel 4:5

Saꞌ jun li kꞌojyi̱n quinmatqꞌuec. Nak qui-aj cuu, cꞌajoꞌ nak quinxucuac ut incꞌaꞌ chic quincuar xcꞌoxlanquil li quicꞌutbesi̱c chicuu saꞌ lin matcꞌ.

Génesis 41:8

Nak quisake̱u cꞌajoꞌ lix cꞌaꞌux laj faraón. Quixtakla xbokbal chixjunileb laj kꞌe li cuanqueb Egipto, joꞌ ajcuiꞌ li cuanqueb xnaꞌleb. Ut laj faraón quilajxserakꞌi reheb li cꞌaꞌru quixmatqꞌue. Ma̱ jun quitaꞌoc ru lix ya̱lal lix matcꞌ laj faraón.

Génesis 40:8

Eb aꞌan queꞌxye re: —La̱o xomatqꞌuec ut ma̱ ani naru xyebal ke cꞌaꞌru xya̱lal li kamatcꞌ.— Laj José quixye reheb: —Caꞌaj cuiꞌ li Ka̱cuaꞌ Dios nanaꞌoc re cꞌaꞌru xya̱lal lix matcꞌ li junju̱nk. Naru te̱ye cue le̱ matcꞌ, chan.

Génesis 40:5

Saꞌ jun li kꞌojyi̱n li cuib chi pre̱x queꞌmatqꞌuec. Jalan jala̱nk lix matcꞌ li junju̱nk ut jalan jala̱nk ajcuiꞌ lix ya̱lal.

Génesis 40:7

Laj José quixpatzꞌ reheb li cuib chi cui̱nk li cuanqueb chi pre̱xil: —¿Cꞌaꞌut nak ra saꞌ e̱chꞌo̱l? chan reheb.