Génesis 40:5 - Li Santil hu

⁵ Saꞌ jun li kꞌojyi̱n li cuib chi pre̱x queꞌmatqꞌuec. Jalan jala̱nk lix matcꞌ li junju̱nk ut jalan jala̱nk ajcuiꞌ lix ya̱lal.

Q'eqchi Bible

⁵ Sa' jun q'oqyink ke'matk'ek xkab'ichaleb', jalan jalanq li xmatk' li junjunq ut jalan jalanq ajwi' li xyaalalil: ke'matk'ek laj yiib'ahom xkaxlan wa' li awab'ej re Ejiipt ut laj k'ehol ruk'a', li wankeb' sa' tz'alam.

Génesis 40:5 ပူးပေါင်းရင်းမြစ်များ

Génesis 41:11

Chi kacabichalo comatqꞌuec saꞌ jun li kꞌojyi̱n ut jalan jala̱nk li kamatcꞌ ut jalan jala̱nk ajcuiꞌ lix ya̱lal.

Daniel 4:19

Tojoꞌnak laj Daniel, li nayeman Beltsasar re, quisach xchꞌo̱l ut caꞌchꞌin chic ma̱ jun o̱r mem quicana ut yo̱ chi cꞌoxlac. Li rey quixye re: —At Beltsasar, matcꞌoxlac chirix lin matcꞌ chi moco tatxucuak xban li naxye, chan. Laj Daniel quichakꞌoc ut quixye: —Ka̱cuaꞌ, li cꞌaꞌru naxye la̱ matcꞌ, us raj cui chirixeb ta li xicꞌ nequeꞌiloc a̱cue ut ma̱cuaꞌ raj cha̱cuix la̱at.

Daniel 4:9

Ut quinye re: —La̱at laj cꞌamol be saꞌ xya̱nkeb laj kꞌe. At Beltsasar, la̱in ninnau nak qꞌuebil a̱naꞌleb xbaneb la̱ dios santo. Ninnau nak ma̱cꞌaꞌ mukmu cha̱cuu. Ye cue cꞌaꞌru naxye lin matcꞌ.

Daniel 4:5

Saꞌ jun li kꞌojyi̱n quinmatqꞌuec. Nak qui-aj cuu, cꞌajoꞌ nak quinxucuac ut incꞌaꞌ chic quincuar xcꞌoxlanquil li quicꞌutbesi̱c chicuu saꞌ lin matcꞌ.

Ester 6:1

Saꞌ li kꞌojyi̱n aꞌan nak incꞌaꞌ quicube xcuara li rey, quixtakla xcꞌambal chak li hu li tzꞌi̱banbil cuiꞌ retalil chixjunil li ac quilajcꞌulman, ut queꞌoc chirilbal xsaꞌ li hu aꞌan chiru.

Números 12:6

Ut li Ka̱cuaꞌ quixye reheb: —Anakcuan cherabihak li cꞌaꞌru tinye e̱re. Nak ta̱cua̱nk junak profeta e̱riqꞌuin la̱in tincꞌutbesi cuib chiru saꞌ visión ut saꞌ xmatcꞌ tina̱tinak riqꞌuin.

Génesis 40:8

Eb aꞌan queꞌxye re: —La̱o xomatqꞌuec ut ma̱ ani naru xyebal ke cꞌaꞌru xya̱lal li kamatcꞌ.— Laj José quixye reheb: —Caꞌaj cuiꞌ li Ka̱cuaꞌ Dios nanaꞌoc re cꞌaꞌru xya̱lal lix matcꞌ li junju̱nk. Naru te̱ye cue le̱ matcꞌ, chan.

Génesis 20:3

Chiru li kꞌojyi̱n aꞌan li Dios quia̱tinac riqꞌuin laj Abimelec saꞌ lix matcꞌ ut quixye re: —Anakcuan la̱at tatca̱mk xban nak li ixk xacꞌam a̱cuiqꞌuin cuan xbe̱lom, chan li Dios re.

Génesis 40:1

Mokon chic nak ac xcꞌulman aꞌin, cuib lix mo̱s laj faraón queꞌpaltoꞌ chiru. Li jun, aꞌan aj yi̱bom caxlan cua ut li jun chic aꞌan li naqꞌuehoc rucꞌa li rey.

Génesis 40:4

Laj ilol tzꞌalam quixkꞌaxtesiheb saꞌ rukꞌ laj José re nak aꞌan chic ta̱ilok reheb. Ut najt queꞌcuan chi pre̱xil.

Génesis 40:6

Joꞌ cuulajak chic nak quisake̱u, laj José quicuulac riqꞌuineb li pre̱x. Quiril nak mas sakquirin nequeꞌiloc xban nak ra saꞌ xchꞌo̱leb.