Génesis 40:22 - Li Santil hu

²² Ut li cui̱nk jun chic li quitaklan reheb laj yi̱bom caxlan cua, laj faraón quixtakla chi tꞌuyuba̱c. Quixcꞌul joꞌ quiyeheꞌ re xban laj José.

Q'eqchi Bible

²² a'ut laj jolominel reheb' laj yiib'ahom kaxlan wa kit'uyub'aak. Jo' yeeb'il chaq reheb' xb'aan laj José.

Génesis 40:22 ပူးပေါင်းရင်းမြစ်များ

Génesis 40:19

Ut saꞌ rox li cutan laj faraón tixtakla risinquil la̱ jolom ut tateꞌxtꞌuyub chiru junak cheꞌ. Ut eb li soꞌsol teꞌcha̱lk ut telajeꞌxtꞌupi la̱ tibel ut tateꞌxtiu, chan laj José.

Hechos 5:30

Li Dios li queꞌxlokꞌoni chak li kaxeꞌto̱nil yucuaꞌ, aꞌan li quicuaclesin cuiꞌchic re li Jesús chi yoꞌyo saꞌ xya̱nkeb li camenak, li queqꞌue chi camsi̱c chiru cruz la̱ex.

Daniel 5:12

Li cui̱nk aꞌan cuan xnaꞌleb ut naxnau xyebal cꞌaꞌru xya̱lal li matcꞌ ut naxnau xsicꞌbal xya̱lal li jaljo̱quil ru a̱tin ut naxtau ru li chꞌaꞌaj xtaubal ru. Aꞌan laj Daniel. Beltsasar quiqꞌueheꞌ chokꞌ xcꞌabaꞌ xban li rey Nabucodonosor. Takla xbokbal laj Daniel re nak aꞌan ta̱yehok a̱cue cꞌaꞌru naxye li tzꞌi̱banbil chiru li tzꞌac, chan.

Daniel 2:30

Ut quicꞌutbesi̱c chicuu la̱in. Ma̱cuaꞌ xban nak kꞌaxal nabal innaꞌleb chiruheb lix naꞌlebeb li jun chꞌol chic. Quicꞌutbesi̱c ban chicuu re nak la̱in tinye a̱cue, at rey, cꞌaꞌru naxye la̱ matcꞌ, ut re ajcuiꞌ nak ta̱tau ru li cꞌaꞌru yo̱ cuiꞌ a̱cꞌaꞌux.

Jeremías 23:28

Li ani namatqꞌuec chixyehak cꞌaꞌru lix matcꞌ. Ut li ani naxnau li cua̱tin, chixyehak resil chi anchal xchꞌo̱l. ¿Ma kꞌaxal us ta biꞌ li qꞌuim chiru li trigo?

Génesis 41:16

Ut laj José quixye re: —La̱in injunes incꞌaꞌ naru tinye cꞌaꞌru xya̱lal la̱ matcꞌ. Caꞌaj cuiꞌ li Ka̱cuaꞌ Dios nanaꞌoc re lix ya̱lal. Aꞌan ta̱tenkꞌa̱nk cue xtaubal ru xya̱lal la̱ matcꞌ, at faraón, re nak ta̱cꞌojla̱k a̱chꞌo̱l, chan laj José.

Génesis 40:8

Eb aꞌan queꞌxye re: —La̱o xomatqꞌuec ut ma̱ ani naru xyebal ke cꞌaꞌru xya̱lal li kamatcꞌ.— Laj José quixye reheb: —Caꞌaj cuiꞌ li Ka̱cuaꞌ Dios nanaꞌoc re cꞌaꞌru xya̱lal lix matcꞌ li junju̱nk. Naru te̱ye cue le̱ matcꞌ, chan.

Génesis 40:1

Mokon chic nak ac xcꞌulman aꞌin, cuib lix mo̱s laj faraón queꞌpaltoꞌ chiru. Li jun, aꞌan aj yi̱bom caxlan cua ut li jun chic aꞌan li naqꞌuehoc rucꞌa li rey.

Ester 7:10

Joꞌcan nak laj Amán quiyatzꞌeꞌ saꞌ li cꞌa̱m li quixqꞌue chi yi̱ba̱c re xyatzꞌbal laj Mardoqueo. Ut nak ac xcam laj Amán, quicube xjoskꞌil li rey.