Génesis 40:20 - Li Santil hu

²⁰ Ut saꞌ rox li cutan quixninkꞌei xchihab laj faraón. Quixbokeb chixjunileb lix mo̱s saꞌ lix ninkꞌe. Quixbokeb ajcuiꞌ li cuib chi pre̱x, jun li quitaklan reheb laj yi̱bom caxlan cua, ut li jun chic li quitaklan reheb laj qꞌuehol rucꞌa.

Q'eqchi Bible

²⁰ Sa' rox li kutan laj Parahón kixninq'ehi li xyo'lajik ut kixk'e jun nimla wa'ak cho'q reheb' chixjunil laj k'anjel chiru ut kiraqok wi' chik aatin sa' xb'een laj jolominel reheb' laj k'ehol uk'a' ut sa' xb'een laj jolominel reheb' laj yiib'ahom kaxlan wa, chiruheb' chixjunil laj k'anjel:

Génesis 40:20 ပူးပေါင်းရင်းမြစ်များ

San Mateo 14:6

Ut saꞌ xninkꞌeinquil lix chihab laj Herodes, lix coꞌ lix Herodías quixajoc chiruheb chixjunileb li ulaꞌ. Ut cꞌajoꞌ nak quicuulac chiru laj Herodes.

Génesis 40:19

Ut saꞌ rox li cutan laj faraón tixtakla risinquil la̱ jolom ut tateꞌxtꞌuyub chiru junak cheꞌ. Ut eb li soꞌsol teꞌcha̱lk ut telajeꞌxtꞌupi la̱ tibel ut tateꞌxtiu, chan laj José.

Génesis 40:13

Saꞌ rox li cutan laj faraón tatxcꞌam cuiꞌchic chi trabajic saꞌ rochoch. Ut la̱at ta̱qꞌue cuiꞌchic rucꞌa laj faraón joꞌ caba̱nu chak junxil.

San Marcos 6:21

Abanan lix Herodías quixtau chanru nak naru xcamsinquil laj Juan. Joꞌcaꞌin quicꞌulman. Nak laj Herodes quixninkꞌei lix chihab, quixbokeb chi cuaꞌac li ni̱nkeb xcuanquil saꞌ li tenamit, ut quixbokeb ajcuiꞌ li nequeꞌtaklan reheb li soldado ut joꞌcan ajcuiꞌ chixjunileb li xni̱nkal ru cui̱nk re Galilea.

2 Reyes 25:27

Nak yo̱ cuuklaju xcaꞌcꞌa̱l chihab roquic chi pre̱xil aran Babilonia laj Joaquín lix reyeb laj Judá, laj Evil-merodac qui-oc chokꞌ xreyeb laj Babilonia. Saꞌ li cuukub xcaꞌcꞌa̱l xbe li cablaju po re li chihab aꞌan laj Evil-merodac quirisi laj Joaquín saꞌ tzꞌalam.

San Mateo 25:19

Ut najterak chic, quicꞌulun lix patroneb laj cꞌanjel aꞌan. Quixbokeb lix mo̱s chixkꞌaxtesinquil xcue̱nteb.

Li xHu LAJ JOB 3:1

Quicuulac xkꞌehil nak laj Job quia̱tinac ut quixmajecua li cutan nak quiyoꞌla.

Ester 1:3

Yo̱ rox chihab roquic chokꞌ rey laj Asuero nak quixba̱nu jun li ninkꞌe chokꞌ reheb li nequeꞌcꞌanjelac chiru. Ut quixbokeb saꞌ li ninkꞌe li nequeꞌtaklan saꞌ li junju̱nk chi tenamit joꞌqueb ajcuiꞌ li nequeꞌcꞌamoc be saꞌ xya̱nkeb lix soldado eb laj Persia ut eb laj Media.

Génesis 21:8

Nak ac nim chic laj Isaac, quimakꞌeꞌ xtuꞌ xban lix naꞌ. Saꞌ li cutan aꞌan laj Abraham quixba̱nu jun li ninkꞌe.

Salmos 105:19

Li Dios quixyal rix laj José riqꞌuin li raylal li quixcꞌul toj quicuulac xkꞌehil nak quicꞌulman chixjunil li cꞌaꞌru quixye laj José.

Jeremías 52:31

Nak yo̱ cuuklaju xcaꞌcꞌa̱l (37) chihab roquic chi pre̱xil aran Babilonia laj Joaquín lix reyeb laj Judá, laj Evil-merodac qui-oc chokꞌ xreyeb laj Babilonia. Saꞌ li o̱b xcaꞌcꞌa̱l xbe lix cablaju po re li chihab aꞌan laj Evil-merodac quirisi laj Joaquín saꞌ tzꞌalam.

1 Reyes 3:15

Nak qui-aj ru laj Salomón quixqꞌue retal nak li Ka̱cuaꞌ quixcꞌutbesi rib chiru saꞌ xmatcꞌ. Co̱ Jerusalén ut quixakli chiru lix Lokꞌlaj Ca̱x li Ka̱cuaꞌ ut quixmayeja lix cꞌatbil mayej. Quixqꞌue ajcuiꞌ lix mayej re xcꞌambaleb rib saꞌ usilal riqꞌuin li Ka̱cuaꞌ. Chirix aꞌan quixba̱nu jun li ninkꞌe reheb chixjunileb li nequeꞌcꞌanjelac chiru.