Génesis 40:11 - Li Santil hu

¹¹ Xcuil nak chapcho lix secꞌ laj faraón saꞌ cuukꞌ. Yo̱quin chixyatzꞌbal lix yaꞌal li uvas chi saꞌ lix secꞌ ut la̱in xinqꞌue re laj faraón, chan li cui̱nk.

Q'eqchi Bible

¹¹ Ut laa'in wank sa' wuq' li xsek' laj Parahón: xinxokeb' li ru li uub', xinyatz' li xya'al sa' li sek' ut xink'e li sek' sa' ruq' laj Parahón”.

Génesis 40:11 ပူးပေါင်းရင်းမြစ်များ

Nehemías 1:11

Joꞌcan nak nintzꞌa̱ma cha̱cuu, at Ka̱cuaꞌ, chasume taxak lin tij. Chacuabi taxak li cꞌaꞌru nequeꞌxtzꞌa̱ma laj cꞌanjel cha̱cuu. La̱o takaj xqꞌuebal a̱lokꞌal. China̱tenkꞌa re nak us ta̱e̱lk chicuu li cꞌaꞌru tintzꞌa̱ma chiru li rey. Chiruxta̱na taxak cuu li rey, chanquin nak quintijoc. Saꞌ eb li cutan aꞌan, la̱in aj qꞌuehol rucꞌa li rey nak quincuan.

2 Crónicas 9:4

Ut quixqꞌue ajcuiꞌ retalil li tzacae̱mk li queꞌxtzaca joꞌ ajcuiꞌ lix naꞌajeb li nequeꞌcꞌanjelac chiru laj Salomón. Quixqꞌue ajcuiꞌ retal li rakꞌeb li nequeꞌtaklan, joꞌ ajcuiꞌ li rakꞌeb li nequeꞌcꞌanjelac. Ut quixqꞌue ajcuiꞌ retal li cꞌatbil mayej li naxqꞌue saꞌ lix templo li Ka̱cuaꞌ. Riqꞌuin chixjunil li quiril, quisach xchꞌo̱l.

1 Reyes 10:5

Ut quixqꞌue ajcuiꞌ retal li tzacae̱mk li nequeꞌxtzaca joꞌ ajcuiꞌ lix naꞌajeb li nequeꞌcꞌanjelac chiru laj Salomón. Quixqꞌue ajcuiꞌ retal li rakꞌeb li nequeꞌtaklan, joꞌ ajcuiꞌ li rakꞌeb li nequeꞌcꞌanjelac. Ut quixqꞌue ajcuiꞌ retal li cꞌatbil mayej li naxqꞌue saꞌ lix templo li Ka̱cuaꞌ. Riqꞌuin chixjunil li quiril, quisach xchꞌo̱l.

Proverbios 3:10

Cui te̱mayeja li xbe̱n ru le̱ racui̱mk, kꞌaxal cuiꞌchic nabal li ru le̱ racui̱mk te̱xoc ut kꞌaxal cuiꞌchic nabalak le̱ vino toj retal ta̱hoyekꞌ.

Levítico 10:9

—La̱at ut eb la̱ cualal incꞌaꞌ ta̱ru̱k tex-oc saꞌ li tabernáculo cui yo̱quex chi ucꞌac vino malaj ut li haꞌ li nacaltesin re nak incꞌaꞌ texca̱mk. Aꞌin jun li chakꞌrab tento te̱ba̱nu la̱ex ut tento ajcuiꞌ teꞌxba̱nu eb le̱ ralal e̱cꞌajol li teꞌcua̱nk mokon.

Génesis 49:11

La̱at, Judá, kꞌaxal cuiꞌchic ta̱nabalokꞌ la̱ biomal la̱at, joꞌ ajcuiꞌ reheb la̱ cualal a̱cꞌajol. Xban aꞌan naru te̱bacꞌ le̱ bu̱r saꞌ junak xto̱nal li quiꞌil kꞌe̱n uvas xcꞌabaꞌ. Te̱bacꞌ ajcuiꞌ li ral le̱ bu̱r saꞌ lix to̱nal li uvas li kꞌaxal cha̱bil. Xban nak numtajenak le̱ biomal, naru te̱puchꞌ le̱ tꞌicr saꞌ li vino ut naru te̱puchꞌ le̱ rakꞌ saꞌ xyaꞌal li uvas.

Génesis 40:21

Laj faraón quixqꞌue cuiꞌchic xcꞌanjel li cui̱nk li quitaklan reheb laj qꞌuehol rucꞌa. Ut li cui̱nk aꞌan quixqꞌue cuiꞌchic rucꞌa saꞌ rukꞌ laj faraón.

Génesis 40:1

Mokon chic nak ac xcꞌulman aꞌin, cuib lix mo̱s laj faraón queꞌpaltoꞌ chiru. Li jun, aꞌan aj yi̱bom caxlan cua ut li jun chic aꞌan li naqꞌuehoc rucꞌa li rey.

Génesis 40:10

Li jun to̱n chi uvas cuan oxib rukꞌ ut qui-atzꞌumac. Saꞌ junpa̱t quiu̱chin ut quikꞌanoꞌ li ru.

Génesis 40:12

Ut laj José quixye re: —Aꞌan aꞌin xya̱lal la̱ matcꞌ. Li oxib li rukꞌ li uvas li xacuil, aꞌan retalil oxib cutan.