Génesis 4:8 - Li Santil hu

⁸ Saꞌ jun li cutan laj Caín quixye re li ri̱tzꞌin: —Yoꞌo saꞌ cꞌaleba̱l, chan re. Ut nak ac cuanqueb saꞌ li cꞌaleba̱l laj Caín quixcamsi laj Abel.

Q'eqchi Bible

⁸ Chirix chik a'an kixye laj Kaín re laj Abel li riitz'in: “Yo'o sa' k'aleb'aal”. Ut naq wankeb' sa' k'aleb'aal, laj Kaín kixkut rib' sa' xb'een laj Abel li riitz'in ut kixkamsi.

Génesis 4:8 ပူးပေါင်းရင်းမြစ်များ

San Judas 1:11

Ra teꞌxcꞌul. Lix naꞌlebeb aꞌan joꞌ lix naꞌleb laj Caín. Chanchaneb laj Balaam, xban nak nequeꞌxrahi ru li tumin ut junes aꞌan chic nequeꞌxcꞌoxla. Nequeꞌxtzꞌekta̱na lix chakꞌrab li Dios ut nequeꞌxnimobresi rib joꞌ quixba̱nu laj Coré. Xban aꞌan nak teꞌosokꞌ.

San Mateo 23:35

Xban le̱ ma̱usilal aꞌan, ta̱tꞌanekꞌ saꞌ e̱be̱n lix camiqueb li cha̱bileb xnaꞌleb riqꞌuin xcamic laj Abel li ti̱c xchꞌo̱l ut toj riqꞌuin xcamic li ralal laj Berequías, laj Zacarías xcꞌabaꞌ, li quecamsi chiru neba̱l chixcꞌatk li rochoch li Dios ut li artal.

San Lucas 11:51

Ya̱l nak la̱ex textojok rix lix camiqueb aꞌan. Ta̱ticla̱k riqꞌuin lix camic laj Abel ut toj riqꞌuin lix camic laj Zacarías li quicamsi̱c chiru neba̱l chixcꞌatk li templo ut li artal.

Miqueas 7:6

Eb li alalbej nequeꞌxkꞌetkꞌeti ribeb chiru li yucuaꞌbej. Ut eb li coꞌbej nequeꞌxtzꞌekta̱na li naꞌbej ut eb li alibej incꞌaꞌ nequeꞌxra lix naꞌ lix be̱lomeb. Ut li xicꞌ nequeꞌiloc re junak, aꞌaneb ajcuiꞌ li cuanqueb saꞌ li rochoch.

2 Samuel 14:6

At rey, cuanqueb cuib inyum. Abanan xeꞌpletic saꞌ cꞌaleba̱l. Ut ma̱ ani xeꞌjachoc reheb chi pletic. Li jun quixcamsi li jun chic.

Nehemías 6:2

laj Sanbalat ut laj Gesem queꞌxtakla chak inbokbal ut queꞌxye cue: —Cha̱lkat re takachꞌutub kib saꞌ li cꞌaleba̱l Ono, chanqueb. Abanan eb aꞌan quineꞌxbok yal re teꞌxba̱nu ma̱usilal cue.

2 Samuel 3:27

Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

Salmos 55:21

Kꞌun li ra̱tin li naxye. Chanchan xkꞌunil li mantequilla. Abanan li ra̱m nujenak chi joskꞌil. Li ra̱tin chanchan li cha̱bil aceite re banoc. Kꞌaxal sa naa̱tinac. Abanan kꞌaxal ra nanak cuiꞌ li ra̱tin naxye. Chanchan nanak cuiꞌ li kꞌesnal chꞌi̱chꞌ.

Salmos 36:3

Junes saꞌ yibru a̱tin nequeꞌa̱tinac ut aj ticꞌtiꞌeb. Incꞌaꞌ chic us lix naꞌlebeb. Junes ma̱usilal chic nequeꞌxba̱nu.

Li xHu LAJ JOB 11:15

Cui ta̱ba̱nu chi joꞌcan, ma̱cꞌaꞌ tatxuta̱nak cuiꞌ. Tatcua̱nk chi sa saꞌ a̱chꞌo̱l chi ma̱cꞌaꞌak a̱xiu.

San Lucas 22:48

Ut li Jesús quixye re: —At Judas, ¿ma ta̱cuutzꞌ cuu re inkꞌaxtesinquil, la̱in li Cꞌajolbej? chan re.

Salmos 139:19

At inDios, chasacheb taxak ruheb li incꞌaꞌ useb xnaꞌleb, ut cheꞌxcanabak ta inchꞌiꞌchꞌiꞌinquil eb laj camsinel.

Hebreos 11:4

Xban lix pa̱ba̱l laj Abel, quixqꞌue jun xmayej cha̱bil chiru li quixqꞌue laj Caín. Xban lix pa̱ba̱l, li Dios quixye nak ti̱c xchꞌo̱l ut quixcꞌul lix mayej. Usta camenak chic laj Abel, aban toj cuan retalil chokꞌ ke la̱o chanru nak quipa̱ban chiru li Dios.

Génesis 4:25

Ut laj Adán quicuan cuiꞌchic riqꞌuin li rixakil. Li rixakil quicuan jun chic lix cꞌulaꞌal. Aj Set quixqꞌue chokꞌ xcꞌabaꞌ. Li ixk quixye: —Li Dios quixqꞌue jun chic lin cꞌulaꞌal chokꞌ re̱kaj laj Abel li quixcamsi laj Caín, chan.

Números 35:20

Cui junak xicꞌ naril li ras ri̱tzꞌin ut naxtꞌan, malaj ut naxsacꞌ riqꞌuin cꞌaꞌak re ru,

2 Crónicas 21:4

Nak ac xakxo saꞌ xnaꞌaj lix cuanquil laj Joram quixcamsiheb chi chꞌi̱chꞌ chixjunileb li ri̱tzꞌin. Ut cuanqueb ajcuiꞌ li nequeꞌtaklan sa xya̱nkeb laj Israel quixcamsiheb.

Oseas 4:2

Nequeꞌxba̱nu li juramento ut incꞌaꞌ nequeꞌxba̱nu li cꞌaꞌru nequeꞌxye. Nequeꞌticꞌtiꞌic ut nequeꞌcamsin. Nequeꞌelkꞌac ut nequeꞌmuxuc caxa̱r. Yo̱ chi numta̱c lix ma̱usilaleb ut junes xcamsinquil ribeb nequeꞌxba̱nu rajlal.