Génesis 4:26 - Li Santil hu

²⁶ Ut mokon chic laj Set quicuan jun li ralal. Aj Enós quixqꞌue chokꞌ xcꞌabaꞌ. Nak ac cuan chic laj Enós, queꞌxtiquib xchꞌutubanquileb rib re xlokꞌoninquil li Dios.

Q'eqchi Bible

²⁶ Jo'kan ajwi' laj Set kiwank jun ralal, ut aj Enós kixk'e cho'q xk'ab'a'. A'an kitikib'ank re xyaab'ankil xk'ab'a' li Qaawa'.

Génesis 4:26 ပူးပေါင်းရင်းမြစ်များ

Salmos 116:17

La̱in tinya̱ba lix cꞌabaꞌ li nimajcual Dios ut tinmayejak re xbantioxinquil chiru.

1 Reyes 18:24

Nak ac xeyi̱b, te̱ya̱ba xcꞌabaꞌeb le̱ dios. Ut joꞌcan ajcuiꞌ tinba̱nu la̱in. Tinya̱ba xcꞌabaꞌ li nimajcual Dios. Ut li Dios li tixtakla chak li xam saꞌ choxa, aꞌan li tzꞌakal Dios, chan laj Elías. Ut chixjunileb li tenamit queꞌxye: —Us chi joꞌcan, chanqueb.

Sofonías 3:9

Ta̱cuulak xkꞌehil nak tinjal cuiꞌchic lix naꞌlebeb li tenamit re nak chixjunileb teꞌxqꞌue cuiꞌchic inlokꞌal ut junajakeb chic lix chꞌo̱l chi cꞌanjelac chicuu.

Joel 2:32

Abanan chixjunileb li nequeꞌya̱ban re lix cꞌabaꞌ li Ka̱cuaꞌ teꞌcolekꞌ. Saꞌ li tzu̱l Sión aran Jerusalén ta̱cua̱nk li colba-ib joꞌ yechiꞌinbil xban li Ka̱cuaꞌ. Ut li joꞌ qꞌuialeb chic li ralal xcꞌajol laj Israel li queꞌcana teꞌcolekꞌ.

Génesis 12:8

Chirix chic aꞌan, laj Abram co̱ saꞌ li tzu̱l li cuan jun pacꞌal li tenamit Bet-el saꞌ xjayal bar na-el cuiꞌ chak li sakꞌe. Quixyi̱b lix muheba̱l saꞌ li naꞌajej aꞌan saꞌ xya̱nkeb li cuib chi tenamit Bet-el ut Hai. Ut laj Abram quixyi̱b aran jun chic li artal ut quixlokꞌoni li Ka̱cuaꞌ Dios.

San Lucas 3:38

Ut laj Cainán, aꞌan li ralal laj Enós. Ut laj Enós, aꞌan li ralal laj Set. Ut laj Set, aꞌan li ralal laj Adán. Ut laj Adán, aꞌan li ralal li Dios.

Jeremías 33:16

Saꞌ eb li cutan aꞌan, eb laj Judá colbilakeb ut eb laj Jerusalén cauhakeb xchꞌo̱l riqꞌuin li Ka̱cuaꞌ ut aꞌin li teꞌxqꞌue chokꞌ xcꞌabaꞌ: Li Ka̱cuaꞌ, Aꞌan aj qꞌuehol ti̱quilal, chaꞌakeb.

Génesis 26:25

Ut laj Isaac quixtus li pec ut quixyi̱b jun lix artal ut quixlokꞌoni li Ka̱cuaꞌ Dios. Laj Isaac quixyi̱b ajcuiꞌ lix muheba̱l re nak ta̱cua̱nk aran. Ut eb lix mo̱s laj Isaac queꞌxbec aran jun chic lix julel haꞌ.

1 Corintios 1:2

Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.

Romanos 10:13

Joꞌcaꞌin tzꞌi̱banbil saꞌ li Santil Hu: Yalak ani ta̱ya̱ba̱nk re xcꞌabaꞌ li Ka̱cuaꞌ, aꞌan ta̱colekꞌ.

Hechos 11:26

Ut queꞌcuan aran jun chihab tzꞌakal riqꞌuineb ut queꞌxcꞌut lix ya̱lal chiruheb nabal. Ut aran Antioquía queꞌxtiquib xyebal “cristiano” reheb laj pa̱banel.

Hechos 2:21

Abanan chixjunileb li nequeꞌya̱ban re lix cꞌabaꞌ li Ka̱cuaꞌ, teꞌcolekꞌ. (Joel 2:28-32)

Isaías 63:19

Chanchano jun li tenamit li ma̱ jun sut xataklan saꞌ xbe̱n. Chanchan li ma̱ jun sut xkacꞌabaꞌi la̱ cꞌabaꞌ.

Isaías 48:1

Cherabihak la̱ex li ralal xcꞌajol laj Jacob, li nequecꞌabaꞌin Israel. La̱ex xcomonex li ralal xcꞌajol laj Judá. La̱ex li nequeba̱nu li juramento saꞌ xcꞌabaꞌ li Ka̱cuaꞌ ut nequextijoc saꞌ xcꞌabaꞌ li Dios. Nequeya̱ba xcꞌabaꞌ li Ka̱cuaꞌ lix Dioseb laj Israel. Abanan incꞌaꞌ nequeba̱nu saꞌ xya̱lal, chi moco saꞌ ti̱quilal.

Isaías 44:5

Cuanqueb li teꞌxye, “La̱in rehin li Ka̱cuaꞌ.” Ut cuanqueb cuiꞌchic li teꞌxye, “La̱in rehin laj Jacob.” Ut cuanqueb li teꞌxtzꞌi̱ba chiruheb xtel “La̱in rehin li Ka̱cuaꞌ” ut teꞌxye nak aꞌan xcomoneb laj Israel.—