Génesis 4:2 - Li Santil hu

² Chirix aꞌan quicuan jun chic lix cꞌulaꞌal aj Abel xcꞌabaꞌ. Laj Abel, aꞌan aj qꞌuiresihom carner ut laj Caín, aꞌan aj acuinel.

Q'eqchi Bible

² Chirix a'an kiwank ajwi' laj Abel, li riitz'in laj Kaín. Laj Abel a'an aj k'iiresihom karneer ut laj Kaín a'an aj k'alom.

Génesis 4:2 ပူးပေါင်းရင်းမြစ်များ

1 Juan 3:15

Li ani xicꞌ naril lix herma̱n, aꞌan chanchan aj camsinel ras ri̱tzꞌin. La̱ex nequenau nak junak aj camsinel ras ri̱tzꞌin ma̱cꞌaꞌ xyuꞌam chi junelic.

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

San Lucas 11:51

Ya̱l nak la̱ex textojok rix lix camiqueb aꞌan. Ta̱ticla̱k riqꞌuin lix camic laj Abel ut toj riqꞌuin lix camic laj Zacarías li quicamsi̱c chiru neba̱l chixcꞌatk li templo ut li artal.

1 Juan 3:10

Riqꞌuin aꞌin naꞌno̱queb ru li ralal xcꞌajol li Dios ut naꞌno̱queb ajcuiꞌ ruheb li ralal xcꞌajol laj tza: li ani incꞌaꞌ naxba̱nu li ti̱quilal, ut li ani incꞌaꞌ naxra li ras ri̱tzꞌin, aꞌan ma̱cuaꞌeb ralal xcꞌajol li Dios.

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

Génesis 47:3

Ut laj faraón quixye reheb: —¿Cꞌaꞌru cꞌanjelil nequeba̱nu la̱ex? chan. Eb aꞌan queꞌchakꞌoc ut queꞌxye re: —Chacuy taxak kama̱c, at Ka̱cuaꞌ. Anakcuan cuanco cha̱cuu re nak la̱at tattakla̱nk ke. La̱o aj ilol xul joꞌ eb ajcuiꞌ li kaxeꞌto̱nil yucuaꞌ najter, chanqueb.

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

Amós 7:15

Abanan li Ka̱cuaꞌ qui-isin chak cue saꞌ li cꞌanjel aꞌan, ut quixye cue: —Ayu, toxa̱ye chak li cꞌaꞌru tinye a̱cue. Saꞌ incꞌabaꞌ la̱in toxa̱ye chak li cꞌaꞌru teꞌxcꞌul lin tenamit Israel, chan.

Salmos 127:3

Eb li kacocꞌal, aꞌan jun kama̱tan xban li nimajcual Dios. Aꞌan eb jun kosobtesinquil naxqꞌue li Ka̱cuaꞌ.

Génesis 37:13

Laj Israel quixye re laj José: —Eb la̱ cuas yo̱queb chak chixberesinquil lin queto̱mk aran Siquem. La̱in tincuaj nak tatxic chirilbaleb, chan. Ut laj José quixye: —Us. La̱in tinxic, chan.

Génesis 9:20

Laj Noé qui-oc chixtrabajinquil li chꞌochꞌ. Nabal to̱n li uvas li quirau saꞌ li chꞌochꞌ.

Génesis 3:23

Joꞌcan nak li Dios quirisiheb saꞌ li naꞌajej Edén ut quixqꞌue chixtrabajinquil ru li chꞌochꞌ li quipaqꞌueꞌ cuiꞌ.

San Lucas 11:50

Ut anakcuan la̱ex chic textojok rix lix camiqueb chixjunileb li profeta chalen chak saꞌ xticlajic li ruchichꞌochꞌ.

Génesis 4:1

Laj Adán quicuan riqꞌuin lix Eva. Ut lix Eva quicana chi yaj aj ixk. Nak quiyoꞌla li cꞌulaꞌal, aj Caín queꞌxqꞌue chokꞌ xcꞌabaꞌ. Lix Eva quixye: —Saꞌ xcꞌabaꞌ li Ka̱cuaꞌ Dios cuan jun lin chꞌina al, chan.

Génesis 4:3

Quicuulac xkꞌehil nak quixqꞌue lix mayej laj Caín chiru li Ka̱cuaꞌ Dios. Lix mayej, aꞌan ru li racui̱mk.