Génesis 4:17 - Li Santil hu

¹⁷ Laj Caín quicuan riqꞌuin li rixakil. Li ixk aꞌan quicana chi yaj aj ixk. Lix cꞌulaꞌal li quiyoꞌla, aj Enoc queꞌxqꞌue chokꞌ xcꞌabaꞌ. Laj Caín quixyi̱b jun li tenamit ut Enoc quixqꞌue chokꞌ xcꞌabaꞌ li tenamit xban nak aꞌan xcꞌabaꞌ li ralal.

Q'eqchi Bible

¹⁷ Laj Kaín kiwank rik'in li rixaqil, ut a'in kisiyank ut kirala laj Enok. Moqon laj Kaín kixyiib' jun tenamit ut Enok kixk'e cho'q xk'ab'a', jo' naxk'ab'a'in li ralal.

Génesis 4:17 ပူးပေါင်းရင်းမြစ်များ

Salmos 49:11

Eb aꞌan cuan saꞌ xchꞌo̱leb nak ta̱cua̱nk lix chꞌochꞌeb chi junelic ut nequeꞌxcꞌoxla nak li rochocheb teꞌcana̱k reheb li ralal xcꞌajol li toj teꞌcua̱nk mokon xban nak saꞌ xcꞌabaꞌeb cuan lix huhil lix chꞌochꞌeb.

Daniel 4:30

Quixye li rey: —¿Ma ma̱cuaꞌ ta biꞌ aꞌin lix nimal ru tenamit Babilonia li quinyi̱b? ¿Ma ma̱cuaꞌ ta biꞌ saꞌ incꞌabaꞌ la̱in nak xniman li tenamit xban nak cuan incuanquil la̱in? Aꞌan nacꞌutuc re lin cuanquil ut lin lokꞌal, chan.

2 Samuel 18:18

Nak toj yoꞌyo laj Absalón quixtus li pec chi najt xteram saꞌ li ru takꞌa re li rey, re nak eb li tenamit teꞌxqꞌue xlokꞌal laj Absalón. Quixye: —Ma̱ jun cualal cuan re nak ta̱jultica̱k incꞌabaꞌ, chan. Joꞌcan nak quixqꞌue “Absalón” chokꞌ xcꞌabaꞌ li tusbil pec aꞌan. Ut chalen anakcuan li tusbil pec aꞌan “Absalón” nayeman re.

Génesis 11:4

Queꞌxye: —Kayi̱bak junak katenamit ut jun li nimla ochoch najt xteram torre xcꞌabaꞌ. Ta̱cuulak toj saꞌ choxa li xnajtil xteram. Chi joꞌcaꞌin teꞌxqꞌue retal saꞌ chixjunil li ruchichꞌochꞌ nak la̱o cuan kanaꞌleb. Ut incꞌaꞌ takajeqꞌui kib yalak bar saꞌ ruchichꞌochꞌ, chanqueb.

Génesis 5:22

Chirix lix yoꞌlajic laj Matusalén, laj Enoc quicuan oxib ciento (300) chihab chic. Ut toj queꞌcuan chic ralal ut xrabin. Laj Enoc quicuan chi sum a̱tin riqꞌuin li Dios.

Génesis 5:18

Jun ciento riqꞌuin cuib xca̱cꞌa̱l (162) chihab cuan re laj Jared nak quiyoꞌla laj Enoc li ralal.

Génesis 4:16

Qui-el laj Caín chiru li Ka̱cuaꞌ Dios. Ut co̱ chi cua̱nc saꞌ jun li naꞌajej Nod xcꞌabaꞌ li cuan saꞌ releb sakꞌe re li Edén.

Génesis 4:18

Laj Enoc quicuan jun ralal aj Irad xcꞌabaꞌ. Laj Irad, aꞌan xyucuaꞌ laj Mehujael; ut laj Mehujael, aꞌan xyucuaꞌ laj Metusael; ut laj Metusael, aꞌan xyucuaꞌ laj Lamec.

Salmos 49:12

Abanan li cui̱nk incꞌaꞌ nacuan lix yuꞌam chi junelic saꞌ ruchichꞌochꞌ usta nabal lix biomal ut lix cuanquilal. Nequeꞌcam li xul ut nequeꞌcam ajcuiꞌ li cristian.