Génesis 4:16 - Li Santil hu

¹⁶ Qui-el laj Caín chiru li Ka̱cuaꞌ Dios. Ut co̱ chi cua̱nc saꞌ jun li naꞌajej Nod xcꞌabaꞌ li cuan saꞌ releb sakꞌe re li Edén.

Q'eqchi Bible

¹⁶ Ki'elk laj Kaín chiru li Qaawa' ut kikanaak sa' li na'ajej Nod xk'ab'a', sa' releb'l saq'e, junpak'al Edén.

Génesis 4:16 ပူးပေါင်းရင်းမြစ်များ

Jeremías 52:3

Xban nak quijoskꞌoꞌ li Ka̱cuaꞌ saꞌ xbe̱neb laj Judá ut eb laj Jerusalén, joꞌcan nak queꞌxcꞌul chixjunil li raylal aꞌin toj retal nak li Ka̱cuaꞌ quirisiheb saꞌ lix naꞌajeb. Ut li rey Sedequías incꞌaꞌ chic quixqꞌue rib chixtakla laj Nabucodonosor lix reyeb laj Babilonia.

Jeremías 23:39

la̱at ta̱ye reheb nak la̱in tintzꞌekta̱naheb ut tintzꞌekta̱na ajcuiꞌ li tenamit li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ.

Li xHu LAJ JOB 2:7

Ut laj tza qui-el riqꞌuin li Ka̱cuaꞌ. Ut quixtakla jun li yajel yibru saꞌ xbe̱n laj Job ut quixoxoꞌ chixjunil li rix.

2 Reyes 24:20

Ut quichal xjoskꞌil li Ka̱cuaꞌ saꞌ xbe̱neb laj Jerusalén ut saꞌ xbe̱neb laj Judá toj retal nak quixcanabeb chi cꞌamecꞌ saꞌ jalan tenamit. Mokon chic li rey Sedequías quipletic riqꞌuin lix reyeb laj Babilonia.

2 Reyes 13:23

Abanan li Ka̱cuaꞌ Dios quiruxta̱naheb ru laj Israel ut quiril xtokꞌoba̱leb ru. Incꞌaꞌ quixcanabeb chi sachecꞌ ruheb xban li contrato li quixba̱nu riqꞌuineb laj Abraham, laj Isaac ut laj Jacob. Incꞌaꞌ quixtzꞌekta̱naheb toj chalen anakcuan.

Éxodo 20:18

Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.

Génesis 4:14

Xina̱cuisi saꞌ li naꞌajej aꞌin ut incꞌaꞌ chic tina̱cuil. Junes xbeninquil cuib aj chic tinba̱nu saꞌ ruchichꞌochꞌ. Ut yalak ani ta̱taꞌok cue, tinixcamsi, chan.

Génesis 3:8

Nak ac x-ecuu chic, queꞌrabi nak yo̱ chi be̱c li Ka̱cuaꞌ Dios saꞌ xnaꞌaj li acui̱mk. Li cui̱nk rochben li rixakil queꞌxmuk rib chiru li Ka̱cuaꞌ Dios saꞌ xya̱nkeb li cheꞌ.

1 Ts 1:9

Yalak bar yo̱queb chixserakꞌinquil chanru nak coe̱cꞌul nak cocuulac e̱riqꞌuin ut yo̱queb chixserakꞌinquil chanru nak quecanab xlokꞌoninquil li yi̱banbil dios ut quepa̱b ut nequexcꞌanjelac chic chiru li tzꞌakal Dios, li yoꞌyo.

San Juan 1:10

Li Cristo quicuan saꞌ ruchichꞌochꞌ. Abanan li cuanqueb saꞌ ruchichꞌochꞌ incꞌaꞌ queꞌxqꞌue retal chi tzꞌakal nak aꞌan li Cristo usta saꞌ xcꞌabaꞌ aꞌan quiyi̱ba̱c li ruchichꞌochꞌ.

San Juan 1:3

Chixjunil li cꞌaꞌru cuan, li Dios quixyi̱b saꞌ xcꞌabaꞌ li Cristo. Ut ma̱cꞌaꞌ cꞌaꞌak re ru cuan chi ma̱cuaꞌ aꞌan ta li quiyi̱ban re.

San Lucas 13:26

Ut la̱ex te̱ye cuiꞌchic re, “¿Cꞌaꞌut nak incꞌaꞌ ta̱nau ku? La̱o xocuaꞌac xo-ucꞌac kochbenat. Ut la̱at xatcꞌutuc lix ya̱lal chiku saꞌ li katenamit”, chaꞌkex.

San Mateo 18:20

Yalak bar cua̱nkeb cuib oxib chꞌutchꞌu̱keb saꞌ incꞌabaꞌ, aran ajcuiꞌ cua̱nkin la̱in saꞌ xya̱nkeb aꞌan, chan li Jesús.

Salmos 68:2

Chanchan nak nasach li sib saꞌ li ikꞌ, joꞌcan nak teꞌsachekꞌ ruheb li xicꞌ nequeꞌiloc re. Ut chanchan nak nahaꞌoꞌ li cera xban li xam, joꞌcan nak teꞌosokꞌ li incꞌaꞌ useb xnaꞌleb chiru li Dios.

Salmos 5:11

Ut eb li cauheb xchꞌo̱l a̱cuiqꞌuin cheꞌsahokꞌ saꞌ xchꞌo̱leb, at inDios. Ut cheꞌbicha̱nk chi junelic xban xsahileb saꞌ xchꞌo̱l xban nak la̱at tatcolok reheb. Cheꞌsahokꞌ saꞌ xchꞌo̱leb a̱cuiqꞌuin li nequeꞌrahoc a̱cue.

Li xHu LAJ JOB 20:17

Nabal li cꞌaꞌru re cuan, abanan incꞌaꞌ tixyal xsahil. Incꞌaꞌ chic tixyal li sahil echej li ta̱e̱lk chi nabal saꞌ lix chꞌochꞌ.

Li xHu LAJ JOB 1:12

Li Ka̱cuaꞌ quixye re laj tza: —Us. Ba̱nu chixjunil li cꞌaꞌru ta̱cuaj riqꞌuin li cꞌaꞌru cuan re. Abanan laj Job ma̱cꞌaꞌ ta̱ba̱nu re, chan. Ut chirix aꞌan qui-el laj tza riqꞌuin li Ka̱cuaꞌ.

Génesis 4:17

Laj Caín quicuan riqꞌuin li rixakil. Li ixk aꞌan quicana chi yaj aj ixk. Lix cꞌulaꞌal li quiyoꞌla, aj Enoc queꞌxqꞌue chokꞌ xcꞌabaꞌ. Laj Caín quixyi̱b jun li tenamit ut Enoc quixqꞌue chokꞌ xcꞌabaꞌ li tenamit xban nak aꞌan xcꞌabaꞌ li ralal.

Jonás 1:3

Abanan laj Jonás incꞌaꞌ qui-abin chiru li Ka̱cuaꞌ. Quie̱lelic ban chiru. Co̱ saꞌ li tenamit Jope li cuan chire li palau. Aran quixtau jun li nimla jucub ac xic re Tarsis. Quixtoj re nak ta̱xic chi najt saꞌ li tenamit Tarsis ut qui-oc saꞌ li jucub. Saꞌ xchꞌo̱l aꞌan nak yo̱ chixmukbal rib chiru li Ka̱cuaꞌ.