Génesis 4:10 - Li Santil hu

¹⁰ Li Dios quixye ajcuiꞌ re: —¿Cꞌaꞌru xaba̱nu? Lix quiqꞌuel la̱ cui̱tzꞌin xahoy chiru chꞌochꞌ yo̱ chi kꞌoko̱nc chicuu.

Q'eqchi Bible

¹⁰ Kixye li Qaawa': “K'aru xab'aanu? Li xkik'el laawiitz'in toj sa' ch'och' yo chi q'oqonk chiwu.

Génesis 4:10 ပူးပေါင်းရင်းမြစ်များ

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

Hebreos 11:4

Xban lix pa̱ba̱l laj Abel, quixqꞌue jun xmayej cha̱bil chiru li quixqꞌue laj Caín. Xban lix pa̱ba̱l, li Dios quixye nak ti̱c xchꞌo̱l ut quixcꞌul lix mayej. Usta camenak chic laj Abel, aban toj cuan retalil chokꞌ ke la̱o chanru nak quipa̱ban chiru li Dios.

Isaías 5:7

Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

Salmos 72:14

Aꞌan ta̱colok reheb chiru li raylal ut li ma̱usilal xban nak kꞌaxal lokꞌ lix yuꞌameb chiru.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

Salmos 9:12

Li Dios naril xtokꞌoba̱l ruheb li cuanqueb saꞌ raylal. Ut naxqꞌue chixtojbal xma̱queb li ani naxcamsi ras ri̱tzꞌin.

Números 35:33

Me̱mux ru li naꞌajej li texcua̱nk cuiꞌ. Li camsi̱nc naxmux ru li chꞌochꞌ. Caꞌaj cuiꞌ ta̱ru̱k xtojbal rix li ma̱c nak ta̱camsi̱k li xcamsin. Ut li chꞌochꞌ ta̱cana̱k chi incꞌaꞌ chic muxbil ru.

Li xHu LAJ JOB 16:18

Incꞌaꞌ taxak ta̱cana̱k yal chi joꞌcan li raylal li yo̱quin chixcꞌulbal. Incꞌaꞌ taxak ta̱cana̱k chi mukmu li ma̱usilal li yo̱queb chixba̱nunquil cue. Tinkꞌoko cuib chiru li Dios re nak aꞌan ta̱rakok a̱tin saꞌ inbe̱n.

Génesis 9:5

Li Dios quixye ajcuiꞌ reheb: —Relic chi ya̱l tinye e̱re, cui junak tixcamsi li ras ri̱tzꞌin, tento nak ta̱cua̱nk re̱kaj. Cui junak xul tixcamsi junak cristian, tento ajcuiꞌ nak ta̱camsi̱k li xul. Ut cui junak cristian tixcamsi junak ras ri̱tzꞌin, tento nak ta̱camsi̱k ajcuiꞌ aꞌan.

Salmos 50:21

Chixjunil aꞌin xeba̱nu ut ma̱cꞌaꞌ xinye. Saꞌ e̱chꞌo̱l la̱ex nak juntakꞌe̱t innaꞌleb e̱riqꞌuin. Abanan anakcuan tincꞌut che̱ru li cꞌaꞌru yo̱quex ut texinkꞌus.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Li xHu LAJ JOB 24:12

Saꞌ li tenamit yo̱queb chi a̱canac li rahobtesinbileb. Yo̱queb chixtzꞌa̱manquil xtenkꞌanquil li ca̱mqueb re. Abanan li Dios incꞌaꞌ narabi lix tijeb.

2 Reyes 9:26

Quixye, “Ecue̱r quicuil nak queꞌcamsi̱c laj Nabot ut eb li ralal. Ninye a̱cue nak tatinqꞌue chixtojbal a̱ma̱c saꞌ ajcuiꞌ li naꞌajej aꞌin. La̱in li Ka̱cuaꞌ ninyehoc re aꞌin,” chan. Joꞌcan nak cꞌam li camenak ut cut aꞌan saꞌ lix chꞌochꞌ laj Nabot joꞌ quixye li Ka̱cuaꞌ, chan laj Jehú.

Josué 7:19

Ut laj Josué quixye re laj Acán: —At Acán, la̱in nintzꞌa̱ma cha̱cuu nak ta̱qꞌue xlokꞌal li Ka̱cuaꞌ, li kaDios la̱o aj Israel. Ye lix ya̱lal. Ta̱ye cue cꞌaꞌru xaba̱nu. Ma̱muk chicuu, chan laj Josué.

Génesis 18:20

Ut li Ka̱cuaꞌ Dios quixye re laj Abraham: —Nabal li cꞌaꞌak re ru incꞌaꞌ us xcuabi chirixeb laj Sodoma ut laj Gomorra. Numtajenakeb lix ma̱c.

Génesis 3:13

Tojoꞌnak li Ka̱cuaꞌ Dios quixye re li ixk: —¿Cꞌaꞌru xaba̱nu?— Ut quichakꞌoc li ixk ut quixye: —Li cꞌantiꞌ xbalakꞌin cue. Xban aꞌan nak xinlou ru li cheꞌ, chan.

Hechos 5:9

Ut laj Pedro quixye cuiꞌchic re: —¿Cꞌaꞌut nak xecꞌu̱b che̱ribil e̱rib xyalbal rix li Santil Musikꞌej? Cueꞌqueb chak li xeꞌmukuc chak re la̱ be̱lom ut tateꞌxcꞌam ajcuiꞌ la̱at, chan.

Hechos 5:3

Laj Pedro quixye re: —At Ananías, ¿cꞌaꞌut nak xaqꞌue a̱cuib chira̱le laj tza? ¿Cꞌaꞌut nak yo̱cat chixbalakꞌinquil li Santil Musikꞌej riqꞌuin nak yo̱cat chixcanabanquil yijach lix tzꞌak li chꞌochꞌ chokꞌ a̱cue?

Deuteronomio 21:1

Ma̱re te̱tau junak li camenak saꞌ cꞌaleba̱l saꞌ li naꞌajej li tixqꞌue e̱re li Ka̱cuaꞌ le̱ Dios ut incꞌaꞌ te̱nau ani xcamsin re.

1 Samuel 13:11

Tojoꞌnak quixye laj Samuel: —¿Cꞌaꞌru xaba̱nu? Ut quixye laj Saúl: —La̱in xcuil nak eb li soldado yo̱queb chi xic xban nak la̱at incꞌaꞌ xatcꞌulun chiru li jarub cutan xaye cue. Ut xinqꞌue retal nak eb laj filisteo ac xeꞌxchꞌutub ribeb aran Micmas.

2 Crónicas 28:9

Saꞌ li tenamit Samaria cuan jun lix profeta li Dios, aj Obed xcꞌabaꞌ. Qui-el chixcꞌulbaleb li soldado aj Israel nak oqueb re saꞌ li tenamit. Li profeta quixye reheb: —Li Ka̱cuaꞌ lix Dioseb le̱ xeꞌto̱nil yucuaꞌ quijoskꞌoꞌ riqꞌuineb laj Judá. Joꞌcan nak quixkꞌaxtesiheb saꞌ e̱rukꞌ la̱ex. Abanan li Ka̱cuaꞌ toj saꞌ choxa quixqꞌue chak retal nak xecamsiheb chi yo̱ e̱joskꞌil.

Salmos 9:13

At Ka̱cuaꞌ, chacuuxta̱na cuu. China̱cuil taxak xban nak cuanquin saꞌ raylal xbaneb li xicꞌ nequeꞌiloc cue. La̱at, at Ka̱cuaꞌ, china̱col chiru li ca̱mc,