Génesis 39:4 - Li Santil hu

⁴ Ut quixqꞌue ajcuiꞌ retal nak laj José naxqꞌue xchꞌo̱l chixba̱nunquil lix cꞌanjel. Joꞌcan nak quixqꞌue chokꞌ xbe̱n mo̱s ut quixkꞌaxtesi saꞌ rukꞌ chixjunil li cꞌaꞌru cuan re.

Q'eqchi Bible

⁴ Jo'kan naq laj José kixtaw usilal chiru laj eechal re ut kixaqab'aak cho'q aj tenq' re ut aj jolominel re li xjunkab'al: jo'ch'inal jo'nimal li wank re laj Putifar kiq'axtesiik sa' ruq' laj José.

Génesis 39:4 ပူးပေါင်းရင်းမြစ်များ

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

Proverbios 27:18

Li ani naxchꞌolani lix to̱nal lix higo tixtzaca li ru. Ut li ani naril chi us li cꞌaꞌru re lix patrón, aꞌan ta̱qꞌuehekꞌ xlokꞌal.

Génesis 39:8

Laj José incꞌaꞌ quiraj xba̱nunquil li quixye li ixk ut quixye re: —Lin patrón laj Potifar incꞌaꞌ nacꞌoxlac chicuix riqꞌuin li cꞌaꞌru cuan re. Chixjunil quixkꞌaxtesi saꞌ cuukꞌ.

Génesis 24:2

Cuan jun xmo̱s cui̱nk laj Abraham. Najter na-oc riqꞌuin. Aꞌan tzꞌakal na-iloc re chixjunil li cꞌaꞌru cuan re. Saꞌ jun li cutan laj Abraham quixye re: —Takaba̱nu jun li juramento saꞌ xcꞌabaꞌ li Ka̱cuaꞌ Dios. Qꞌue la̱ cuukꞌ rubel li cuaꞌ joꞌ cꞌaynako chixba̱nunquil nak nakaba̱nu li juramento.

Génesis 19:19

La̱ex nabal li usilal xeba̱nu cue. Joꞌcan nak xincoleꞌ. La̱in incꞌaꞌ nacuaj xic saꞌ li tzu̱l. Ma̱re tinca̱mk ajcuiꞌ aran.

Proverbios 22:29

Li roꞌ li naꞌleb, aꞌan aꞌin: Li ani naxnau cꞌanjelac chi cha̱bil, aꞌan ta̱cꞌanjelak riqꞌuineb li rey. Moco riqꞌuin ta yalak ani ta̱trabajik.

Proverbios 17:2

Junak mo̱s cuan xnaꞌleb, aꞌan ta̱cua̱nk xcuanquil saꞌ xbe̱n li alalbej ma̱cꞌaꞌ xnaꞌleb ut aꞌan ta̱tzꞌako̱nk riqꞌuin li cꞌaꞌru cuan re lix patrón saꞌ xya̱nkeb li ralal xcꞌajol lix patrón.

Proverbios 16:7

Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.

Génesis 33:10

Laj Jacob quichakꞌoc ut quixye re: —Ba̱nu usilal, cui ac xina̱cꞌul saꞌ usilal, tento nak ta̱cꞌul li ma̱tan li xinqꞌue a̱cue. Cꞌajoꞌ xsahil inchꞌo̱l nak xcuil a̱cuu. Chanchan xcuil ru li Dios nak xatcuil. La̱at xina̱cꞌul saꞌ xya̱lal.

Génesis 18:3

—At Ka̱cuaꞌ, chan laj Abraham, —ta̱ba̱nu usilal, matxic cuan chi junpa̱t.

Proverbios 14:35

Junak li rey nasahoꞌ xchꞌo̱l riqꞌuin li mo̱s li cha̱bil xnaꞌleb. Abanan najoskꞌoꞌ riqꞌuin li mo̱s li yibru xnaꞌleb.

1 Samuel 16:22

Laj Saúl quixtakla xyebal re laj Isaí: —Ba̱nu usilal cue. Cana̱k laj David cuiqꞌuin xban nak aꞌan naqꞌuehoc xsahil inchꞌo̱l, chan.

Génesis 33:8

Ut laj Esaú quixpatzꞌ re laj Jacob: —¿Cꞌaꞌru xya̱lal nak xatakla li queto̱mk li xebincꞌul saꞌ be? chan. Laj Jacob quixye, —Xintakla chokꞌ a̱cue re nak tina̱cꞌul saꞌ usilal, chan.

Génesis 32:5

Ut te̱ye ajcuiꞌ re nak nabaleb lin queto̱mk cuan; cuan incuacax, cuan inbu̱r. Ut cuan ajcuiꞌ nabaleb inmo̱s, joꞌ cui̱nk joꞌ ixk. Joꞌcan nak xintakla xyebal chi joꞌcaꞌin. Usan cui tinixcꞌul saꞌ xya̱lal, chan laj Jacob. Ut eb lix takl laj Jacob queꞌco̱eb riqꞌuin laj Esaú.

Génesis 15:2

Laj Abram quixye re: —At Ka̱cuaꞌ Dios, ¿cꞌaꞌru aj e nak nabal lin ra̱bal ta̱qꞌue? La̱at nacanau nak ma̱ jun cualal incꞌajol cuan. Ut li ani ta̱e̱chani̱nk re li cꞌaꞌru cuan cue, aꞌan li xbe̱n inmo̱s laj Eliezer li chalenak chak saꞌ li tenamit Damasco, chan.

1 Reyes 16:9

Laj Zimri, li nacꞌanjelac chiru laj Ela, quixcꞌu̱b ru chanru nak tixcamsi. Laj Zimri, aꞌan li nataklan saꞌ xbe̱neb yi jach lix carruaje laj Ela. Saꞌ jun li cutan laj Ela cuan saꞌ rochoch laj Arsa, li na-iloc re lix jun cablal. Qui-ucꞌac ut quicala.

Li xHu LIX RUT 2:6

Li mo̱s li na-iloc re li cꞌanjel quichakꞌoc ut quixye re: —Li ixk aꞌan aj Moab. Aꞌan li quichal chirix lix Noemí nak quisukꞌi chak saꞌ li naꞌajej Moab.

1 Samuel 2:26

Nak yo̱ chi cꞌulma̱nc aꞌin, laj Samuel yo̱ chi qꞌui̱c. Quiraheꞌ xban li Dios ut quiraheꞌ ajcuiꞌ xbaneb li tenamit.

Ester 2:9

Laj Hegai quixqꞌue retal nak cha̱bil lix Ester ut quisahoꞌ xchꞌo̱l riqꞌuin. Joꞌcan nak junpa̱t quixqꞌue chixjunil li cꞌaꞌru re, re nak tixtikib rib chi cha̱bil ut quixqꞌue li cha̱bil tzacae̱mk re. Quixqꞌue cuukub li tukꞌ ixk li kꞌaxal cha̱bileb li cuanqueb saꞌ li rochoch li rey re nak teꞌcꞌanjelak chiru lix Ester. Ut quixqꞌue jun xnaꞌaj lix Ester kꞌaxal cha̱bil re nak ta̱cua̱nk aran rochbeneb li cuukub chi tukꞌ ixk.

Proverbios 3:4

Cui te̱ba̱nu aꞌin, sahak xchꞌo̱l li Dios e̱riqꞌuin ut cha̱bilak e̱resilal chiruheb li cristian.