Génesis 39:3 - Li Santil hu

³ Laj Potifar quixqꞌue retal nak li Ka̱cuaꞌ Dios yo̱ chi tenkꞌa̱nc re laj José. Joꞌcan nak us na-el chiru chixjunil li cꞌaꞌru naxba̱nu.

Q'eqchi Bible

³ A'in kixk'e reetal naq li Qaawa' wank rik'in laj José ut natenq'ank re, re naq us taa'elq rik'in chixjunil li naxb'aanu.

Génesis 39:3 ပူးပေါင်းရင်းမြစ်များ

Salmos 1:3

Li cui̱nk aꞌan chanchan jun li cheꞌ aubil chire li rok haꞌ. Li cheꞌ aꞌan incꞌaꞌ nachakic. Nau̱chin saꞌ xkꞌehil ut lix xak incꞌaꞌ nakꞌanoꞌ ru. Ut li naru̱chin nache̱coꞌ chi cha̱bil. Joꞌcan nak li cui̱nk li naxcꞌoxla lix chakꞌrab li Dios, us na-el riqꞌuin chixjunil li naxba̱nu.

Génesis 30:27

Ut laj Labán quixye: —Ba̱nu usilal, cana̱kat cuiqꞌuin. Xinqꞌue retal nak saꞌ a̱cꞌabaꞌ la̱at ninrosobtesi li Ka̱cuaꞌ Dios.

San Mateo 5:16

Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

2 Crónicas 26:5

Quixsicꞌ li Dios saꞌ eb li cutan nak laj Zacarías yo̱ chixchꞌolobanquil lix ya̱lal li Dios chiru. Nak quixsicꞌ li Dios, li Dios quirosobtesi ut us qui-el riqꞌuin li cꞌaꞌru quixba̱nu.

1 Samuel 18:14

Li Ka̱cuaꞌ cuan riqꞌuin laj David. Joꞌcan nak us na-el riqꞌuin chixjunil li cꞌaꞌru naxba̱nu.

Génesis 21:22

Saꞌ eb li cutan aꞌan laj Abimelec rochben laj Ficol co̱eb chi a̱tinac riqꞌuin laj Abraham. Laj Ficol aꞌan li nataklan saꞌ xbe̱neb lix soldados laj Abimelec. Laj Abimelec quixye re laj Abraham: —La̱o yo̱co chixqꞌuebal retal nak nacatxtenkꞌa li Dios riqꞌuin chixjunil li cꞌaꞌak re ru nacaba̱nu.

Génesis 26:28

Eb aꞌan queꞌchakꞌoc ut queꞌxye re: —La̱o xkil nak li Ka̱cuaꞌ Dios yo̱ cha̱tenkꞌanquil. Ut xkaye chi kibil kib nak takaba̱nu junak li contrato a̱cuiqꞌuin.

Apocalipsis 3:9

Cuanqueb li nequeꞌxba̱nu li cꞌaꞌru naraj laj tza. Nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Yal ticꞌtiꞌ nequeꞌxye. La̱in tincanabeb toj retal teꞌxcuikꞌib ribeb che̱ru re nak teꞌxqꞌue retal nak la̱in ninrahoc e̱re.

1 Corintios 16:2

Rajlal xama̱n, saꞌ li xbe̱n cutan re li xama̱n, che̱junju̱nkalex te̱qꞌue li joꞌ qꞌuial texru̱k aꞌ yal joꞌ nimal le̱ tojbal te̱cꞌul. Ut li tumin aꞌin ac xocbilak e̱ban nak tincuulak e̱riqꞌuin re nak incꞌaꞌ yo̱kex chi xococ tumin nak tincuulak la̱in.

Zacarías 8:23

Saꞌ eb li cutan aꞌan, laje̱b chi cui̱nk jalan jala̱nk xtenamiteb ut jalan jala̱nk ra̱tinoba̱leb teꞌcha̱lk ut teꞌxchap chi rakꞌ junak aj judío ut teꞌxye re: —La̱o takaj xic che̱rix la̱ex aran Jerusalén xban nak nakanau nak li Ka̱cuaꞌ Dios cuan e̱riqꞌuin la̱ex aj judío, chaꞌkeb.

Nehemías 2:20

Ut la̱in quinchakꞌoc ut quinye reheb: —Li Dios li cuan saꞌ choxa, aꞌan ta̱tenkꞌa̱nk ke. Ut la̱o li nococꞌanjelac chiru, takayi̱b cuiꞌchic li tenamit Jerusalén. Ut la̱ex incꞌaꞌ naru te̱chꞌic e̱rib kiqꞌuin xban nak ma̱cuaꞌ la̱ex yal e̱re ut xban nak ma̱cꞌaꞌ cuan e̱re Jerusalén.—

1 Crónicas 22:13

Us tat-e̱lk riqꞌuin li cꞌaꞌru ta̱ba̱nu cui ta̱ba̱nu chixjunil li naxye saꞌ li chakꞌrab li quixqꞌue li Ka̱cuaꞌ re laj Moisés chokꞌ reheb laj Israel. Chaba̱nu chixjunil li taklanbilat cuiꞌ xban li Ka̱cuaꞌ. Cauhak taxak a̱chꞌo̱l. Matxucuac chi moco ta̱chꞌina̱nk a̱chꞌo̱l.

1 Samuel 18:28

Laj Saúl quixqꞌue retal nak li Ka̱cuaꞌ natenkꞌan re laj David. Ut quixqꞌue ajcuiꞌ retal nak lix Mical lix rabin naxra laj David.

Génesis 39:23

Li Ka̱cuaꞌ Dios natenkꞌan re laj José riqꞌuin chixjunil li cꞌaꞌak re ru naxba̱nu. Laj ilol tzꞌalam incꞌaꞌ chic nacꞌoxlac chirixeb li cuanqueb aran. Ut li Ka̱cuaꞌ Dios junelic na-iloc re laj José.

Génesis 30:30

Julticak a̱cue nak xincꞌulun a̱cuiqꞌuin, incꞌaꞌ qꞌui li cꞌaꞌru a̱cue. Ut anakcuan numtajenakeb xqꞌuial li cꞌaꞌru a̱cue. Chalen cuoquic a̱cuiqꞌuin, li Ka̱cuaꞌ Dios xatrosobtesi inban. Ut anakcuan ¿jokꞌe naru tintiquib trabajic re nak eb li cualal incꞌajol ta̱cua̱nk cꞌaꞌru reheb? chan.

Génesis 26:24

Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Génesis 21:20

Ut li Dios quitenkꞌan re laj Ismael. Aꞌan quicui̱nkiloꞌ saꞌ li chaki chꞌochꞌ. Quixtzol chi us li cutuc riqꞌuin tzimaj.

Génesis 39:2

Li Ka̱cuaꞌ Dios quitenkꞌan re laj José ut us qui-el riqꞌuin chixjunil nak cuan saꞌ rochoch laj Egipto lix patrón.

2 Reyes 18:7

Li Ka̱cuaꞌ cuan riqꞌuin ut quirosobtesi. Ut us qui-el chixjunil li quixba̱nu. Laj Ezequías incꞌaꞌ quixqꞌue rib rubel xcuanquil lix reyeb laj Asiria chi moco quixba̱nu li cꞌaꞌru quixye.

Génesis 21:23

Xban aꞌan, tintzꞌa̱ma cha̱cuu nak ta̱ye cue saꞌ xya̱lal chiru li Ka̱cuaꞌ Dios nak la̱at incꞌaꞌ ta̱ba̱nu li incꞌaꞌ us kiqꞌuin. Incꞌaꞌ ta̱ba̱nu li incꞌaꞌ us riqꞌuineb li cualal, joꞌ ajcuiꞌ riqꞌuineb li ralal xcꞌajol eb aꞌan. Joꞌ nak xinba̱nu li usilal a̱cue la̱at, joꞌcan ajcuiꞌ nak ta̱ba̱nu li usilal ke la̱o. Ta̱ba̱nu ajcuiꞌ usilal reheb li cristian li cuanqueb saꞌ li naꞌajej li cuancat cuiꞌ la̱at, chan.

Génesis 39:21

Ut li Dios junelic cuan riqꞌuin. Quixtokꞌoba ru laj José ut quixtenkꞌa. Laj ilol tzꞌalam quixqꞌue retal nak laj José, aꞌan cha̱bil.

Deuteronomio 2:7

Li Ka̱cuaꞌ le̱ Dios quexrosobtesi riqꞌuin chixjunil li cꞌaꞌru queba̱nu. Aꞌan qui-iloc e̱re chiru li caꞌcꞌa̱l chihab nak yo̱quex chi numecꞌ saꞌ li chaki chꞌochꞌ. Ut quicuan e̱riqꞌuin ut ma̱cꞌaꞌ quipaltoꞌ che̱ru.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

1 Samuel 3:19

Laj Samuel quiniman ut li Ka̱cuaꞌ cuan riqꞌuin ut aꞌan yo̱ chi tenkꞌa̱nc re. Ut quicꞌulman chixjunil joꞌ quixye laj Samuel.

1 Crónicas 9:20

Junxil, laj Finees li ralal laj Eleazar, aꞌan li quitaklan saꞌ xbe̱neb. Ut li Ka̱cuaꞌ quicuan riqꞌuin.

2 Crónicas 1:1

Lix cuanquil laj Salomón, li ralal laj David, quixakaba̱c saꞌ xnaꞌaj ut kꞌaxal cuiꞌchic quiniman xucuanquil xban nak li Ka̱cuaꞌ lix Dios cuan riqꞌuin.