Génesis 39:21 - Li Santil hu

²¹ Ut li Dios junelic cuan riqꞌuin. Quixtokꞌoba ru laj José ut quixtenkꞌa. Laj ilol tzꞌalam quixqꞌue retal nak laj José, aꞌan cha̱bil.

Q'eqchi Bible

²¹ Ab'an li Qaawa' kixtenq'a laj José ut kiruxtaana ru: kixk'e chi xtawb'al usilal chiru li xb'eenil aj k'aak'alenel tz'alam.

Génesis 39:21 ပူးပေါင်းရင်းမြစ်များ

Éxodo 3:21

Ut la̱in tinba̱nu nak eb laj Egipto teꞌxcꞌam rib saꞌ usilal riqꞌuineb laj Israel re nak incꞌaꞌ tex-e̱lk chak aran Egipto chi ma̱cꞌaꞌ te̱cꞌam.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

1 Pedro 3:17

Cui li Dios naraj nak te̱cꞌul li raylal chi ma̱cꞌaꞌ e̱ma̱c, kꞌaxal us nak te̱cꞌul li raylal chi ma̱cꞌaꞌ e̱ma̱c chiru nak te̱cꞌul li raylal riqꞌuin xba̱nunquil li ma̱usilal.

Daniel 1:9

Ut li Dios quixtenkꞌa laj Daniel. Lix naꞌleb laj Daniel quicuulac chiru laj Aspenaz li nataklan saꞌ xbe̱neb li eunuco.

Éxodo 12:36

Ut xban nak li Dios quixba̱nu nak eb laj Egipto queꞌxcꞌam rib saꞌ usilal riqꞌuineb laj Israel, aꞌ yal cꞌaꞌru li queꞌxtzꞌa̱ma, queꞌqꞌueheꞌ reheb. Chi joꞌcaꞌin eb laj Israel quiru queꞌrisi chiruheb laj Egipto nabal lix biomaleb.

Isaías 43:2

Nak texnumekꞌ saꞌ li palau, la̱in cua̱nkin e̱riqꞌuin re e̱colbal. Nak texnumekꞌ saꞌ li nimaꞌ, incꞌaꞌ texcꞌam li rok li haꞌ. Cui texnumekꞌ saꞌ li xam incꞌaꞌ texcꞌatk, chi moco li rakꞌ xam ta̱cꞌatok e̱re.

Salmos 105:19

Li Dios quixyal rix laj José riqꞌuin li raylal li quixcꞌul toj quicuulac xkꞌehil nak quicꞌulman chixjunil li cꞌaꞌru quixye laj José.

Éxodo 11:3

Li Ka̱cuaꞌ Dios quixkꞌunobresi xchꞌo̱leb li tenamit Egipto ut queꞌxcꞌam rib saꞌ usilal riqꞌuineb laj Israel. Ut eb laj cꞌanjel chiru laj faraón joꞌ eb ajcuiꞌ chixjunileb laj Egipto queꞌx-oxlokꞌi chic laj Moisés.

Génesis 39:2

Li Ka̱cuaꞌ Dios quitenkꞌan re laj José ut us qui-el riqꞌuin chixjunil nak cuan saꞌ rochoch laj Egipto lix patrón.

Génesis 21:22

Saꞌ eb li cutan aꞌan laj Abimelec rochben laj Ficol co̱eb chi a̱tinac riqꞌuin laj Abraham. Laj Ficol aꞌan li nataklan saꞌ xbe̱neb lix soldados laj Abimelec. Laj Abimelec quixye re laj Abraham: —La̱o yo̱co chixqꞌuebal retal nak nacatxtenkꞌa li Dios riqꞌuin chixjunil li cꞌaꞌak re ru nacaba̱nu.

Proverbios 16:7

Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.

Génesis 40:3

Quixkꞌaxtesiheb saꞌ rukꞌ li nataklan reheb li soldados. Aꞌan li na-iloc tzꞌalam. Ut saꞌ li tzꞌalam aꞌan cuan laj José chi pre̱xil.

Romanos 8:37

Aban li Jesucristo nocoxra ut nocoxtenkꞌa chixcuybal ut chixnumsinquil chixjunil li raylal nakacꞌul.

Daniel 6:22

Lin Dios quixtakla chak lix ángel ut aꞌan quitzꞌapoc re lix tzꞌu̱mal reheb li cakcoj re nak incꞌaꞌ tineꞌxcamsi xban nak chiru li Dios ma̱cꞌaꞌ inma̱c chi moco cha̱cuu la̱at xinba̱nu li incꞌaꞌ us, chan re li rey.

Salmos 106:46

Li Dios quixjal lix cꞌaꞌuxeb li tenamit li queꞌnumta saꞌ xbe̱neb laj Israel re nak incꞌaꞌ chic teꞌxba̱nu raylal reheb.

Salmos 105:22

Eb li nequeꞌcꞌanjelac chiru li rey queꞌcanaba̱c rubel xcuanquil laj José. Ut eb laj qꞌuehol xnaꞌleb li rey queꞌqꞌueheꞌ xnaꞌlebeb xban laj José.

Génesis 39:3

Laj Potifar quixqꞌue retal nak li Ka̱cuaꞌ Dios yo̱ chi tenkꞌa̱nc re laj José. Joꞌcan nak us na-el chiru chixjunil li cꞌaꞌru naxba̱nu.

Génesis 39:4

Ut quixqꞌue ajcuiꞌ retal nak laj José naxqꞌue xchꞌo̱l chixba̱nunquil lix cꞌanjel. Joꞌcan nak quixqꞌue chokꞌ xbe̱n mo̱s ut quixkꞌaxtesi saꞌ rukꞌ chixjunil li cꞌaꞌru cuan re.