Génesis 39:20 - Li Santil hu

²⁰ Ut laj Potifar quixtakla xchapbal laj José ut quixqꞌue saꞌ tzꞌalam li nequeꞌcuan cuiꞌ li pre̱x li nequeꞌtakla̱c saꞌ tzꞌalam xban li acuabej. Ut aran quicana laj José chi pre̱xil.

Q'eqchi Bible

²⁰ Toja' naq laj eechal re laj José kixtaqla xchapb'al ut xk'eeb'al sa' tz'alam, sa' li na'ajej wankeb' wi' li xpreex li awab'ej. Aran kikanaak laj José.

Génesis 39:20 ပူးပေါင်းရင်းမြစ်များ

Génesis 40:15

La̱in yal quineꞌrelkꞌa chak junxil saꞌ xtenamiteb laj hebreo. Ma̱cuaꞌ incꞌulub cua̱nc arin saꞌ tzꞌalam xban nak ma̱cꞌaꞌ inma̱c, chan laj José.

1 Pedro 2:19

Cui nequecꞌul junak raylal chi ma̱cꞌaꞌ e̱ma̱c, osobtesinbilakex cui nequecuy xban nak yo̱quex chixpa̱banquil li Dios.

2 Timoteo 2:9

Saꞌ xcꞌabaꞌ li evangelio yo̱quin chixcꞌulbal li raylal aꞌin, ut bacꞌbo̱quin chi cadena. Chanchan na-ux re junak kꞌaxal nim xma̱c. Usta bacꞌbo̱quin, abanan li resil li evangelio ta̱yema̱nk yalak bar xban nak li ra̱tin li Dios incꞌaꞌ naru xmukbal.

Isaías 53:8

Quichapeꞌ ut quirakeꞌ a̱tin saꞌ xbe̱n ut quicꞌameꞌ chi camsi̱c, usta ma̱cꞌaꞌ xma̱c. Ut ma̱ ani qui-iloc xtokꞌoba̱l ru. Quicamsi̱c yal xban li kama̱c la̱o.

Salmos 76:10

Relic chi ya̱l lix joskꞌil li cui̱nk ta̱sukꞌi̱k chokꞌ re xqꞌuebal a̱lokꞌal. Li joꞌ qꞌuialeb chic li incꞌaꞌ teꞌca̱mk saꞌ li ple̱t teꞌxqꞌue retal nak nim a̱cuanquil ut teꞌxqꞌue a̱lokꞌal.

Hebreos 11:36

Cuan queꞌhobeꞌ, cuan queꞌsaqꞌueꞌ, ut cuan queꞌbaqꞌueꞌ ut queꞌqꞌueheꞌ saꞌ tzꞌalam.

Jeremías 37:15

Cꞌajoꞌ nak queꞌjoskꞌoꞌ saꞌ xbe̱n laj Jeremías. Queꞌxtakla xsacꞌbal ut queꞌxqꞌue chi pre̱xil saꞌ li rochoch laj Jonatán laj tzꞌi̱b li queꞌxyi̱b chokꞌ tzꞌalam.