Génesis 38:5 - Li Santil hu

⁵ Laj Judá quicuan rox li ralal riqꞌuin li ixk aꞌan ut quixqꞌue aj Sela chokꞌ xcꞌabaꞌ. Laj Sela, aꞌan quiyoꞌla saꞌ li tenamit Quezib.

Q'eqchi Bible

⁵ Moqon kiwank jun chik xk'uula'al ut aj Selá ke'xk'e cho'q xk'ab'a'. Laj Judá wan chaq sa' li tenamit Kesib naq kiyo'laak li k'uula'al.

Génesis 38:5 ပူးပေါင်းရင်းမြစ်များ

Números 26:20

Eb li ralal xcꞌajol laj Judá, aꞌaneb aꞌin: eb li ralal xcꞌajol laj Sela; eb li ralal xcꞌajol laj Fares; ut eb li ralal xcꞌajol laj Zera.

1 Crónicas 4:21

Eb li ralal laj Sela li ralal laj Judá, aꞌaneb aꞌin: laj Er lix yucuaꞌ laj Leca, laj Laada lix yucuaꞌ laj Maresa ut li ralal xcꞌajol li nequeꞌcꞌanjelac riqꞌuin li tꞌicr lino aran Bet-asbea,

Génesis 46:12

Ut aꞌaneb aꞌin lix cꞌabaꞌeb li ralal laj Judá: laj Er, laj Onán, laj Sela, laj Fares ut laj Zara. Laj Er ut laj Onán queꞌcam saꞌ li tenamit Canaán. Ut laj Fares quicuan cuib li ralal laj Hezrón ut laj Hamul xcꞌabaꞌeb.

Génesis 38:26

Nak queꞌcuulac li takl riqꞌuin laj Judá, queꞌxcꞌut chiru li cꞌaꞌak re ru li quixtakla lix Tamar. Ut laj Judá ticto quixqꞌue retal nak aꞌan laj e̱chal re li cꞌaꞌak re ru aꞌan. Ut quixye: —Li ixk aꞌin ti̱c xchꞌo̱l chicuu la̱in. Xinma̱cob xban nak incꞌaꞌ xinqꞌue li cualal laj Sela chokꞌ xbe̱lom joꞌ xinyechiꞌi chak junxil, chan. Ut laj Judá incꞌaꞌ chic quicuan riqꞌuin li ixk.

Génesis 38:11

Ut laj Judá quixye re li ralib: —Anakcuan tatxic saꞌ rochoch la̱ yucuaꞌ ut tatcana̱k a̱junes toj retal ta̱cui̱nkilokꞌ li cualal laj Sela, chan laj Judá re lix Tamar. Ut laj Judá quixye saꞌ xchꞌo̱l: —Micam anchal laj Sela joꞌ nak xeꞌcam li ras, chan. Ut lix Tamar co̱ saꞌ rochoch lix yucuaꞌ ut aran quicana.

Génesis 38:6

Laj Judá quixsumub laj Er li xbe̱n ralal riqꞌuin jun li ixk xTamar xcꞌabaꞌ.

Números 26:19

Laj Er ut laj Onán, aꞌaneb li ralal xcꞌajol laj Judá li queꞌcam saꞌ li naꞌajej Canaán.

1 Crónicas 2:3

Aꞌaneb aꞌin li ralal laj Judá: laj Er, laj Onán ut laj Sela. Lix naꞌ li oxibeb aꞌin, aꞌan lix rabin laj Súa, laj cananea. Laj Er, li xbe̱n ralal laj Judá, aꞌan quixba̱nu li ma̱usilal chiru li Ka̱cuaꞌ Dios ut xban aꞌan li Dios quixcamsi.