Génesis 38:26 - Li Santil hu

²⁶ Nak queꞌcuulac li takl riqꞌuin laj Judá, queꞌxcꞌut chiru li cꞌaꞌak re ru li quixtakla lix Tamar. Ut laj Judá ticto quixqꞌue retal nak aꞌan laj e̱chal re li cꞌaꞌak re ru aꞌan. Ut quixye: —Li ixk aꞌin ti̱c xchꞌo̱l chicuu la̱in. Xinma̱cob xban nak incꞌaꞌ xinqꞌue li cualal laj Sela chokꞌ xbe̱lom joꞌ xinyechiꞌi chak junxil, chan. Ut laj Judá incꞌaꞌ chic quicuan riqꞌuin li ixk.

Q'eqchi Bible

²⁶ Naq laj Judá kiril naq re a'an, kixye: “Lix Tamar us chik xb'aanu chiru li xinb'aanu laa'in. Laa'in wank we, xb'aan naq ink'a' xink'e cho'q rixaqil laj Selá li walal”. Ut maajun wa chik kiwark rik'in lix Tamar.

Génesis 38:26 ပူးပေါင်းရင်းမြစ်များ

1 Samuel 24:17

Ut quixye ajcuiꞌ re: —Ya̱l ajcuiꞌ li nacaye. La̱in cuan inma̱c. Saꞌ xya̱lal cuancat cuiqꞌuin. Ut la̱in incꞌaꞌ us li ninba̱nu a̱cue.

San Juan 8:9

Nak queꞌrabi li cꞌaꞌru quixye, queꞌrecꞌa rib xban nak cuanqueb xma̱c ut queꞌoc chi e̱lc chi xju̱nkaleb. Xbe̱n cua queꞌel li che̱quel cui̱nk ut chirixeb aꞌan queꞌel li toj sa̱jeb. Quicana xjunes li Jesús ut li ixk xakxo chiru.

Romanos 13:12

Chanchan nak yo̱ chi numecꞌ li kꞌojyi̱n ut yo̱ chi sake̱uc. Chikacanabak xba̱nunquil li incꞌaꞌ us li nequeꞌxba̱nu li toj cuanqueb saꞌ xkꞌojyi̱nal ru li ma̱c. Chikacolak kib chiru li incꞌaꞌ us riqꞌuin xcuanquil li Jesucristo.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

San Mateo 3:8

Cheba̱nuhak ban li us re nak ta̱cꞌutu̱nk nak xyotꞌeꞌ e̱chꞌo̱l ut xejal e̱cꞌaꞌux. Chanchanakex li cheꞌ cha̱bil li ru naxqꞌue.

Habacuc 1:13

La̱at ti̱c la̱ chꞌo̱l ut incꞌaꞌ nacuulac cha̱cuu li incꞌaꞌ us. ¿Cꞌaꞌut nak yal nacacuil li rahobtesi̱nc li yo̱queb chixba̱nunquil? La̱at ma̱cꞌaꞌ nacaba̱nu nak li incꞌaꞌ useb xnaꞌleb nequeꞌxsach ruheb li ti̱queb xchꞌo̱l.

Ezequiel 16:52

Anakcuan tento nak xuta̱nal ta̱cꞌul. Kꞌaxal yibru li ma̱usilal xaba̱nu la̱at chiru li ma̱usilal li queꞌxba̱nu eb aꞌan. Eb aꞌan chanchan ma̱cꞌaꞌ xma̱queb cha̱cuu la̱at xban nak numtajenak la̱ ma̱usilal. Joꞌcan nak xuta̱nal tat-e̱lk.

Li xHu LAJ JOB 40:5

Nabal xinye, abanan anakcuan incꞌaꞌ chic tina̱tinak, chan.

Li xHu LAJ JOB 4:5

¿Cꞌaꞌut nak incꞌaꞌ nacacꞌojob a̱chꞌo̱l la̱at nak xchal li raylal saꞌ a̱be̱n? Ut, ¿cꞌaꞌut nak nacatxucuac?

2 Samuel 24:17

Laj David quiril li ángel li yo̱ chi camsi̱nc reheb li cristian ut quixye re li Dios: —At Ka̱cuaꞌ, la̱in xinba̱nun re li ma̱usilal aꞌin. La̱in cuan inma̱c. Eb li cristian aꞌin ma̱cꞌaꞌeb xma̱c. Chanchaneb li carner. Nintzꞌa̱ma cha̱cuu nak ta̱qꞌue li raylal saꞌ inbe̱n la̱in ut saꞌ xbe̱neb li cualal incꞌajol, chan.

2 Samuel 20:3

Nak li rey David quicuulac saꞌ li rochoch aran Jerusalén, quixqꞌue xjuneseb li laje̱b chi ixk li queꞌcuan riqꞌuin li quixcanabeb chi iloc cab. Quixqꞌue xtzacae̱mkeb, abanan incꞌaꞌ chic quicuan riqꞌuineb. Joꞌcan nak queꞌcana chi tzꞌaptzꞌo̱queb. Chanchaneb chic li xma̱lcaꞌan chalen nak queꞌcam.

2 Samuel 16:22

Ut queꞌxqꞌue jun lix muheba̱l laj Absalón saꞌ xbe̱n li rochoch laj David. Ut chiruheb chixjunileb laj Absalón co̱ chi cua̱nc riqꞌuineb li ixk li queꞌcuan riqꞌuin lix yucuaꞌ.

Génesis 38:14

Lix Tamar quixnau nak ac xcui̱nkiloꞌ laj Sela ut incꞌaꞌ quiqꞌueheꞌ chokꞌ xbe̱lom joꞌ quiyechiꞌi̱c re junxil. Quirisi li rakꞌ chirix li nequeꞌrocsi li xma̱lcaꞌan ut quixtzꞌap li ru ut quixlan rib riqꞌuin lix tꞌicr re nak ta̱cꞌutu̱nk joꞌ junak ixk li naxcꞌayi rib. Ut co̱ saꞌ li oqueba̱l re li tenamit Enaim, li cuan saꞌ xbehil Timnat.

Génesis 37:33

Laj Jacob ticto quixnau ru li rakꞌ aꞌan, ut quixye reheb: —Ay, aꞌin tzꞌakal rakꞌ li cualal nacuil. Ma̱re junak joskꞌ aj xul xtiꞌoc re ut x-osoꞌ chi junaj cua, chan laj Jacob.

Génesis 4:1

Laj Adán quicuan riqꞌuin lix Eva. Ut lix Eva quicana chi yaj aj ixk. Nak quiyoꞌla li cꞌulaꞌal, aj Caín queꞌxqꞌue chokꞌ xcꞌabaꞌ. Lix Eva quixye: —Saꞌ xcꞌabaꞌ li Ka̱cuaꞌ Dios cuan jun lin chꞌina al, chan.

1 Samuel 24:18

Anakcuan xacꞌut chicuu nak cuancat saꞌ usilal cuiqꞌuin. Li Ka̱cuaꞌ xinixkꞌaxtesi saꞌ a̱cuukꞌ, abanan incꞌaꞌ xina̱camsi.