Génesis 38:24 - Li Santil hu

²⁴ Nak ac xnumeꞌ chic oxib po queꞌxye re laj Judá: —Lix Tamar la̱ cualib yo̱ chi yumbe̱tac xban nak yaj aj ixk chic.— Ut laj Judá quixye reheb: —Ayukex. Te̱risi li ixk aꞌan saꞌ rochoch lix yucuaꞌ ut te̱cꞌat, chan laj Judá reheb.

Q'eqchi Bible

²⁴ Oxib'aq po tana xnumik a'an naq laj Judá kixk'ul li esil a'in: “Lix Tamar laawalib' xmux rib' ut xkanaak sa' yu'am xb'aan li xmuxum”. Kixye ut laj Judá: “Isihomaq chaq ut chik'atmanq”, chan.

Génesis 38:24 ပူးပေါင်းရင်းမြစ်များ

Levítico 21:9

Cui junak xrabin laj tij tixtiquib xcꞌayinquil rib, li jun aꞌan tixcꞌut xxuta̱n lix yucuaꞌ. Cꞌatbil ta̱uxk re nak ta̱camsi̱k.

Oseas 2:5

xban nak eb aꞌan ralal xcꞌajol li ixk li incꞌaꞌ naxuta̱nac xba̱nunquil li ma̱usilal. Li ixk aꞌan quixye: —La̱in tinxic riqꞌuineb li cui̱nk li nequeꞌqꞌuehoc cue lin cua cuucꞌa, li nequeꞌqꞌuehoc cue li cha̱bil tꞌicr lana ut lino joꞌ ajcuiꞌ li vino ut li aceite olivo, chan.

Ezequiel 23:44

Eb li cui̱nk aꞌin queꞌchal riqꞌuineb lix Ahola ut lix Aholiba. Joꞌ nak nequeꞌxic riqꞌuineb li ixk li nequeꞌxcꞌayi ribeb, joꞌcan queꞌxba̱nu riqꞌuineb li cuib chi ixk aꞌin li incꞌaꞌ useb xnaꞌleb.

Ezequiel 23:19

Abanan kꞌaxal cuiꞌchic yibru quixba̱nu lix Aholiba nak quinak saꞌ xchꞌo̱l nak quixcꞌayi chak rib saꞌ xsa̱jilal aran Egipto.

Ezequiel 23:5

Nak sumsu cuiqꞌuin, lix Ahola quixmux ru xsumlajic ut quicuan riqꞌuineb li soldado aj Asiria, li cuanqueb nachꞌ riqꞌuin li tenamit.

Jueces 19:2

Abanan li ixk aꞌan incꞌaꞌ us xnaꞌleb. Quixcanab li cui̱nk, ut quisukꞌi Belén saꞌ rochoch lix yucuaꞌ ut aran quicuan chiru ca̱hib po.

Romanos 14:22

Cui nacanau chi tzꞌakal nak us yo̱cat chixba̱nunquil, canab saꞌ rukꞌ li Dios. Us xak re li ani narecꞌa saꞌ xchꞌo̱l nak moco ma̱c ta li yo̱ chixba̱nunquil.

Oseas 4:15

Usta niquine̱tzꞌekta̱na la̱ex aj Israel, aban incꞌaꞌ taxak tineꞌxtzꞌekta̱na eb laj Judá. Mexxic aran Gilgal chi lokꞌoni̱nc, chi moco texxic Bet-avén, chi moco te̱ba̱nu li juramento saꞌ incꞌabaꞌ la̱in li yoꞌyo̱quil Dios.

Oseas 3:3

Xinye re: —Najt tatcua̱nk saꞌ cuochoch ut incꞌaꞌ chic ta̱mux ru la̱ sumlajic, chi moco ta̱sicꞌ jalan chic cui̱nk, chi moco la̱in tincua̱nk a̱cuiqꞌuin, chanquin re.

Ezequiel 16:41

Teꞌxcꞌateb la̱ cuochoch ut nabaleb li ixk yo̱keb chi iloc a̱cue nak ta̱cꞌul xtojbal a̱ma̱c. Riqꞌuin aꞌin ta̱canab ma̱cobc riqꞌuineb li cui̱nk ut incꞌaꞌ chic ta̱qꞌue xma̱taneb.

Ezequiel 16:28

Incꞌaꞌ quicꞌojla a̱chꞌo̱l riqꞌuin li ma̱usilal li ac xaba̱nu toj retal co̱at Asiria chixmuxbal la̱ sumlajic riqꞌuineb. Chi moco riqꞌuin aꞌan quicꞌojla a̱chꞌo̱l.

Ezequiel 16:15

Abanan cacꞌojob a̱chꞌo̱l saꞌ xbe̱n la̱ chꞌinaꞌusal ut catsukꞌi joꞌ jun ixk naxcꞌayi rib xban nak naꞌno a̱cuu. Cakꞌaxtesi a̱cuib reheb li joꞌ qꞌuial queꞌnumeꞌ cuancat cuiꞌ.

Jeremías 3:8

Laj Judá queꞌxqꞌue retal nak la̱in quintzꞌekta̱naheb laj Israel. Chanchan nak naxjach rib riqꞌuin li rixakil junak cui̱nk xban nak xtau xma̱c chiru. Abanan incꞌaꞌ queꞌoc xxiuheb laj Judá, usta queꞌril li cꞌaꞌru queꞌxcꞌul laj Israel. Queꞌxkꞌaxtesi ban ribeb chixlokꞌoninquil li jalanil dios.

Jeremías 3:6

Quixye laj Jeremías: —Nak toj cuan chokꞌ rey laj Josías, li Ka̱cuaꞌ quixye cue chi joꞌcaꞌin: ¿Ma yo̱cat chixqꞌuebal retal cꞌaꞌru yo̱queb laj Israel? Eb aꞌan yo̱queb chintzꞌekta̱nanquil. Chanchaneb chic li ixk li nequeꞌxcꞌayi rib xban nak nequeꞌtakeꞌ saꞌ eb li tzu̱l. Ut rubeleb li cheꞌ li ni̱nk xmu nequeꞌxlokꞌoni li jalanil dios.

Jeremías 3:1

Li Ka̱cuaꞌ quixye: —Cui junak cui̱nk naxjach rib riqꞌuin li rixakil ut li ixk nasumla riqꞌuin jalan chic cui̱nk, ¿ma ta̱sukꞌi̱k cuiꞌchic li xbe̱n cui̱nk riqꞌuin li ixk? Aꞌan nimla ma̱c chiruheb li tenamit. Abanan la̱ex aj Israel, chanchanex li ixk li nequeꞌxcꞌayi ribeb xban nak xelokꞌoniheb li jalanil dios. Ut anakcuan te̱raj cuiꞌchic sukꞌi̱c cuiqꞌuin, chan.

Jeremías 2:20

Li nimajcual Dios quixye: —La̱ex aj Israel, ac junxil xerisi e̱rib rubel incuanquil ut queye nak incꞌaꞌ chic texcꞌanjelak chicuu. Saꞌ xbe̱neb li tzu̱l ut rubeleb li cheꞌ li ni̱nk xmu xelokꞌoni li jalanil dios. Chanchanex li ixk li nequeꞌxcꞌayi ribeb.

Eclesiastés 7:26

Nak yo̱quin chixtzꞌilbal rix chixjunil li cꞌaꞌak re ru aꞌin, quintau jun li chꞌaꞌajquilal kꞌaxal ra chiru li ca̱mc. Aꞌan li ixk li incꞌaꞌ us xnaꞌleb. Naxkꞌunbesi li cui̱nk toj retal natꞌaneꞌ saꞌ rukꞌ. Caꞌaj cuiꞌ li cui̱nk li naxqꞌue xlokꞌal li Dios naru naxcol rib chiru li ixk aꞌan. Abanan, laj ma̱c tzꞌakal natꞌaneꞌ saꞌ rukꞌ aꞌan.

2 Samuel 12:7

Ut laj Natán quixye re: —At David, la̱at li cui̱nk aꞌan. Joꞌcaꞌin xye a̱cue li Ka̱cuaꞌ, lix Dioseb laj Israel, “La̱in xatinxakab chokꞌ xreyeb laj Israel ut xatincol chiru laj Saúl.

2 Samuel 12:5

Nak quirabi li cꞌaꞌru quixye laj Natán, cꞌajoꞌ nak quijoskꞌoꞌ laj David xban li cꞌaꞌru quixba̱nu li biom. Quixye: —Saꞌ xcꞌabaꞌ li yoꞌyo̱quil Dios, la̱in ninye nak xcꞌulub ca̱mc li cui̱nk aꞌan.

Deuteronomio 24:16

Eb li naꞌbej yucuaꞌbej incꞌaꞌ teꞌcamsi̱k xban lix ma̱queb li ralal xcꞌajol, chi moco li alal cꞌajolbej teꞌcamsi̱k xban lix ma̱queb lix naꞌ xyucuaꞌeb. Li junju̱nk tixtoj rix lix ma̱c.

Levítico 20:10

Cui junak cui̱nk naxchꞌic rib riqꞌuin li rixakil li ras ri̱tzꞌin, li cui̱nk ut li ixk teꞌcamsi̱k xban nak queꞌxmux ru lix sumlajiqueb.

Génesis 34:31

Ut eb li ralal queꞌchakꞌoc ut queꞌxye re: —¿Ma xacuaj raj la̱at nak xkacanab li ki̱tzꞌin re nak ta̱osokꞌ joꞌ junak ixk yibru xnaꞌleb? chanqueb re lix yucuaꞌ.

Génesis 20:9

Ut laj Abimelec quixbok laj Abraham ut quixye re: —Cꞌoxla cꞌaꞌru xaba̱nu cue. ¿Cꞌaꞌru inma̱c cha̱cuu nak xaqꞌue li raylal aꞌin saꞌ inbe̱n joꞌ ajcuiꞌ saꞌ xbe̱neb lin tenamit? Incꞌaꞌ us xaba̱nu cue.

Génesis 20:7

Ut anakcuan ta̱kꞌaxtesi li ixk aꞌin riqꞌuin lix be̱lom. Laj Abraham aꞌan jun li profeta li nayehoc re li cua̱tin ut aꞌan ta̱tijok cha̱cuix re nak incꞌaꞌ tatca̱mk. Abanan cui incꞌaꞌ nacakꞌaxtesi li ixk aꞌin, la̱at tatca̱mk, joꞌ eb ajcuiꞌ la̱ comon, chan li Dios.

Génesis 20:3

Chiru li kꞌojyi̱n aꞌan li Dios quia̱tinac riqꞌuin laj Abimelec saꞌ lix matcꞌ ut quixye re: —Anakcuan la̱at tatca̱mk xban nak li ixk xacꞌam a̱cuiqꞌuin cuan xbe̱lom, chan li Dios re.

Génesis 38:23

Laj Judá quixye re: —¿Cꞌaꞌ xjalenquil? Cana̱keb cuan li cꞌaꞌru cue riqꞌuin li ixk aꞌan. Chi joꞌcan incꞌaꞌ tincꞌut inxuta̱n chiruheb li tenamit. La̱in xintakla li chꞌina chiba̱t chokꞌ re abanan incꞌaꞌ xatau chak, chan.

Ezequiel 16:25

Cayi̱beb li naꞌajej li najt xteram saꞌ eb li xa̱la be. Xban xba̱nunquil li kꞌaxal yibru la̱at catzꞌek la̱ chꞌinaꞌusal. Cayechiꞌi a̱cuib reheb li joꞌ qꞌuial li queꞌnumeꞌ cuancat cuiꞌ.

Ezequiel 16:26

Caba̱nu li ma̱usilal riqꞌuineb laj Egipto li junes cua̱nc riqꞌuin ixk nequeꞌxcꞌoxla. Kꞌaxal xnumta li ma̱usilal li xaba̱nu riqꞌuineb ut riqꞌuin aꞌan cachikꞌ injoskꞌil.