Génesis 38:18 - Li Santil hu

¹⁸ Laj Judá quixye re: —¿Cꞌaꞌru ta̱cuaj tinqꞌue a̱cue? chan. Ut li ixk quixye re: —Qꞌue chokꞌ cue la̱ matkꞌab li cuan cuiꞌ retalil la̱ cꞌabaꞌ joꞌ ajcuiꞌ lix cꞌa̱mal. Ut ta̱canab ajcuiꞌ cuiqꞌuin la̱ xukꞌ li cuan saꞌ a̱cuukꞌ, chan li ixk. Ut laj Judá quixqꞌue re li cꞌaꞌru quixpatzꞌ ut quicuan riqꞌuin. Ut lix Tamar quicana chi yaj aj ixk.

Q'eqchi Bible

¹⁸ Kichaq'ok laj Judá: “K'aru taawaj tink'e aawe?”, chan. “Laake'leb' kaaxt rochb'een li xk'aamal ut laaxuq'”, chan li ixq re. Laj Judá kixk'e re li k'aru kixpatz' ut kiwank rik'in. Lix Tamar kikanaak sa' yu'am.

Génesis 38:18 ပူးပေါင်းရင်းမြစ်များ

San Lucas 15:22

Aꞌut li yucuaꞌbej quixye reheb lix mo̱s: —Sicꞌomak chak saꞌ junpa̱t li cha̱bil tꞌicr ut qꞌuehomak chirix. Qꞌuehomak xmatkꞌab chi ruꞌuj rukꞌ ut qꞌuehomak xxa̱b chi rok.

Oseas 4:11

Ut quixye ajcuiꞌ li Ka̱cuaꞌ: —Yo̱ chi sachc xnaꞌlebeb lin tenamit xban li cala̱c ut li ucꞌac vino ut xban li coꞌbe̱tac yumbe̱tac nequeꞌxba̱nu.

Jeremías 22:24

Li Ka̱cuaꞌ quixye re laj Jeconías li ralal laj Joacim lix reyeb laj Judá: —Saꞌ incꞌabaꞌ la̱in li yoꞌyo̱quil Dios, la̱in ninye a̱cue nak usta la̱at kꞌaxal lokꞌ chicuu joꞌ jun li matkꞌab li cuan saꞌ ruꞌuj cuukꞌ saꞌ lin nim, tatcuisi saꞌ cuukꞌ ut tatintzꞌekta̱na.

Génesis 38:17

Laj Judá quixye re: —La̱in tintakla chak junak ral li chiba̱t chokꞌ a̱cue, chan. Ut li ixk quixye: —Us, abanan canab cuan junak retalil cue ma relic na chi ya̱l nak ta̱takla chak li chꞌina chiba̱t, chan.

Génesis 38:19

Ut li ixk qui-el saꞌ li naꞌajej aꞌan, ut quirisi lix tꞌicr li quixlan cuiꞌ rib. Ut quixqꞌue cuiꞌchic chirix li rakꞌ li nequeꞌrocsi li xma̱lcaꞌan.

Génesis 41:42

Ut quirisi chi ruꞌuj rukꞌ lix matkꞌab li retalil lix cuanquil, ut quixqꞌue chi ruꞌuj rukꞌ laj José. Quixqꞌue lix cha̱bil akꞌ yi̱banbil riqꞌuin li cha̱bil tꞌicr lino, re nak laj José tixtikib rib chi chꞌinaꞌus. Ut quixqꞌue ajcuiꞌ chi xcux laj José jun lix cadena tzꞌakal oro.

Levítico 18:15

Junak cui̱nk incꞌaꞌ naru naxchꞌic rib riqꞌuin li ralib. Incꞌaꞌ naru tixcꞌut xxuta̱n xban nak aꞌan rixakil li ralal.