Génesis 37:9 - Li Santil hu

⁹ Laj José quimatqꞌuec cuiꞌchic ut quixserakꞌi reheb li ras. Quixye reheb: —Abihomak cuiꞌchic la̱ex li cꞌaꞌru xcuil saꞌ lin matcꞌ. La̱in xcuil ru li sakꞌe ut li po ut xcuil ajcuiꞌ junlaju li chahim. Eb aꞌan queꞌxcuikꞌib rib chicuu nak xcuil, chan reheb li ras.

Q'eqchi Bible

⁹ Chirix chik a'an kimatk'ek wi' chik ut kixseeraq'i a'an reheb' li ras. Kixye reheb': “Xinmatk'ek wi' chik. Xwil naq li saq'e, li po ut junlaju chi chahim xe'xk'utzub' rib' chiwu”.

Génesis 37:9 ပူးပေါင်းရင်းမြစ်များ

Génesis 37:7

La̱in xcuil saꞌ lin matcꞌ nak yo̱co chixbacꞌbal chi jo̱b li trigo. Ut li jun jo̱b li cue quicuacli ut quixxakab rib aran. Eb li ju̱nk jo̱b e̱re queꞌxsut li cue ut queꞌxcꞌutzub rib chiru li cue nak quicuil, chan laj José.

Filipenses 2:15

Cheba̱nuhak chixjunil saꞌ xya̱lal re nak chicꞌutu̱nk nak chi anchal e̱chꞌo̱l nequexpa̱ban ut re nak ma̱ ani ta̱a̱tinak che̱rix. La̱ex ralal xcꞌajol li Dios ut ma̱cꞌaꞌak e̱ma̱c usta cuanquex saꞌ xya̱nkeb laj ma̱c, li incꞌaꞌ useb xnaꞌleb. Ut xban nak ti̱c e̱chꞌo̱l, nak yo̱kex chixyebal resil li colba-ib chiruheb, chiruheb chanchanakex li chahim li nalemtzꞌun chiru kꞌojyi̱n.

Daniel 8:10

Ut kꞌaxal cuiꞌchic quiniman xcuanquil toj retal quipletic riqꞌuineb li ralal xcꞌajol li Dios ut quixsacheb laj cꞌamol be chiruheb.

Génesis 47:12

Laj José quixqꞌue xtzacae̱mk lix yucuaꞌ joꞌ eb ajcuiꞌ li ras ut chixjunileb li rechꞌalal. Aꞌ yal chanru xqꞌuialeb lix cocꞌal, chixjunileb queꞌxcꞌul lix tzacae̱mk.

Génesis 46:29

Ut laj José quixyi̱b lix carre̱t ut qui-oc chi saꞌ. Tojoꞌnak co̱ Gosén chixcꞌulbal lix yucuaꞌ. Nak queꞌxcꞌul rib, laj José ticto quixkꞌalu xcux lix yucuaꞌ ut ma̱ caꞌchꞌin nak quiya̱bac nak queꞌxkꞌalu ribeb.

Génesis 45:9

Anakcuan te̱se̱ba e̱rib ut texxic cuan cuiꞌ chak lin yucuaꞌ ut te̱ye re chi joꞌcaꞌin. “Aꞌin ra̱tin laj José la̱ cualal xtakla chak chikix,” chaꞌkex re. “Li Dios quinixqꞌue chokꞌ x-acuabej li tenamit Egipto. Texcha̱lk chi junpa̱t cuiqꞌuin. Me̱bay chak e̱rib barak chic.

Génesis 44:19

Laj Judá quixye ajcuiꞌ re: —At Ka̱cuaꞌ, la̱at xatpatzꞌoc ke ut xaye ke “¿Ma cuan le̱ yucuaꞌ? ¿Ma cuan le̱ ri̱tzꞌin?” chancat ke.

Génesis 44:14

Ut laj Judá rochbeneb li ri̱tzꞌin ut li ras queꞌcuulac saꞌ li rochoch laj José. Eb aꞌan queꞌxcuikꞌib rib saꞌ chꞌochꞌ chiru laj José.

Génesis 43:28

Eb aꞌan queꞌchakꞌoc ut queꞌxye re laj José: —Bantiox xak a̱cue, Ka̱cuaꞌ, nak nacatpatzꞌoc chikix. Cau li kayucuaꞌ, chanqueb ut queꞌxcuikꞌib rib chiru laj José re nak teꞌxqꞌue xcuanquil.

Génesis 41:32

Re nak ta̱pa̱b nak chi se̱b ta̱cꞌulma̱nk joꞌ quixye li Ka̱cuaꞌ Dios, joꞌcan nak xatxqꞌue chi matqꞌuec cuib sut.

Génesis 41:25

Tojoꞌnak laj José quixye re laj faraón: —Li cuib la̱ matcꞌ juntakꞌe̱t lix ya̱lal. Li Ka̱cuaꞌ Dios yo̱ chixcꞌutbal cha̱cuu li cꞌaꞌru tixba̱nu.

Génesis 37:10

Ut quixserakꞌi ajcuiꞌ re lix yucuaꞌ. Lix yucuaꞌ quixchꞌila aꞌan ut quixye re: —¿Cꞌaꞌru xya̱lal li nacamatqꞌue? ¿Ma aꞌan naraj naxye nak la̱in ut la̱ naꞌ joꞌ eb ajcuiꞌ la̱ cuas takacuikꞌib kib cha̱cuu? chan re laj José.

Génesis 37:8

Eb li ras queꞌxye re: —¿Ma nacacꞌoxla nak la̱at tat-oc chi takla̱nc saꞌ kabe̱n? Ut, ¿ma nacacꞌoxla nak la̱o takaqꞌue kib rubel a̱takl? chanqueb re. Ut kꞌaxal cuiꞌchic xicꞌ queꞌril laj José xban li cꞌaꞌru quixye ut xban li cꞌaꞌru quixmatqꞌue.

Génesis 20:3

Chiru li kꞌojyi̱n aꞌan li Dios quia̱tinac riqꞌuin laj Abimelec saꞌ lix matcꞌ ut quixye re: —Anakcuan la̱at tatca̱mk xban nak li ixk xacꞌam a̱cuiqꞌuin cuan xbe̱lom, chan li Dios re.

Génesis 42:6

Laj José, aꞌan li nataklan saꞌ li tenamit Egipto ut saꞌ rukꞌ aꞌan quicana xcꞌayinquil li trigo. Eb li ras laj José queꞌcuulac riqꞌuin ut queꞌxxulub rib saꞌ chꞌochꞌ chiru.

Génesis 43:26

Nak laj José quicuulac saꞌ rochoch, eb aꞌan queꞌxcuikꞌib rib chiru ut queꞌxqꞌue re lix ma̱tan li queꞌxcꞌam.

Números 12:6

Ut li Ka̱cuaꞌ quixye reheb: —Anakcuan cherabihak li cꞌaꞌru tinye e̱re. Nak ta̱cua̱nk junak profeta e̱riqꞌuin la̱in tincꞌutbesi cuib chiru saꞌ visión ut saꞌ xmatcꞌ tina̱tinak riqꞌuin.