Génesis 37:6 - Li Santil hu

⁶ Aꞌan aꞌin li quixye laj José reheb li ras: —Ba̱nuhomak usilal, abihomak ut tinye e̱re li cꞌaꞌru xinmatqꞌue.

Q'eqchi Bible

⁶ Kixye reheb': “Ab'ihomaq linmatk'.

Génesis 37:6 ပူးပေါင်းရင်းမြစ်များ

Génesis 44:18

Ut laj Judá quinachꞌoc chiru laj José ut quixye re: —Chacuy inma̱c. La̱in tincuaj xyebal cuib oxibak a̱tin a̱cue. Usan cui incꞌaꞌ ta̱cha̱lk a̱joskꞌil saꞌ kabe̱n xban nak la̱at kꞌaxal nim a̱cuanquil. La̱at joꞌ laj faraón, chan.

Jueces 9:7

Nak laj Jotam quirabi resil li queꞌxba̱nu, quitakeꞌ saꞌ xbe̱n li tzu̱l Gerizim. Ut toj aran quixjap chak re chixyebal: —Ex cui̱nk aj Siquem, cherabihak li cꞌaꞌru oc cue chixyebal ut chirabihak ta ajcuiꞌ li Dios li cꞌaꞌru te̱ye la̱ex.

Génesis 37:5

Saꞌ jun li kꞌojyi̱n laj José quimatqꞌuec. Ut quixserakꞌi reheb li ras li cꞌaꞌru quiril saꞌ lix matcꞌ. Nak queꞌrabi li cꞌaꞌru quixye laj José, kꞌaxal cuiꞌchic xicꞌ queꞌril.

Génesis 37:7

La̱in xcuil saꞌ lin matcꞌ nak yo̱co chixbacꞌbal chi jo̱b li trigo. Ut li jun jo̱b li cue quicuacli ut quixxakab rib aran. Eb li ju̱nk jo̱b e̱re queꞌxsut li cue ut queꞌxcꞌutzub rib chiru li cue nak quicuil, chan laj José.

Génesis 42:9

Ut quinak saꞌ xchꞌo̱l laj José chanru nak quimatqꞌuec chirixeb li ras. Quixye reheb: —La̱ex moco ya̱l ta nak chi lokꞌoc xexchal arin. La̱ex yal qꞌuehoc etal xexchal arin re nak te̱ril li cꞌaꞌru cuan arin, chan laj José.