Génesis 37:4 - Li Santil hu

⁴ Eb li asbej queꞌril nak laj José, aꞌan li kꞌaxal raro xban li yucuaꞌbej. Joꞌcan nak xicꞌ nequeꞌril laj José ut incꞌaꞌ chic nequeꞌa̱tinac saꞌ xya̱lal riqꞌuin.

Q'eqchi Bible

⁴ Naq eb' li ras ke'xk'e reetal naq q'axal raaro laj José xb'aan li xyuwa' chiru chixjunileb' li ralal, xik' neke'ril ut tik ink'a' chik neke'raatina.

Génesis 37:4 ပူးပေါင်းရင်းမြစ်များ

Génesis 27:41

Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

1 Juan 4:20

Cui junak naxye nak naxra li Dios ut xicꞌ naril lix herma̱n, aꞌan aj ticꞌtiꞌ. Li ani incꞌaꞌ naxra lix herma̱n li naril ru, ¿chan ta cuiꞌ ru nak tixra li Dios li moco naril ta ru?

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

1 Juan 2:11

Li ani xicꞌ naril lix herma̱n, aꞌan toj yo̱ ajcuiꞌ chi be̱c saꞌ xkꞌojyi̱nal ru li ma̱c. Ut incꞌaꞌ naxnau bar yo̱ chi xic xban nak li ma̱c naramoc re lix ya̱lal chiru.

Salmos 69:4

Nabaleb li xicꞌ nequeꞌiloc cue. Kꞌaxal cuiꞌchic nabaleb chiru xqꞌuial li cuismal. Nequeꞌnumta saꞌ inbe̱n. Nequeꞌraj insachbal usta ma̱cꞌaꞌ inma̱c chiruheb. ¿Ma ta̱ru̱k ta biꞌ tinkꞌajsi reheb li incꞌaꞌ xcuelkꞌa chiruheb?

1 Samuel 17:28

Laj Eliab li asbej quirabi li yo̱ chixyebal laj David ut quijoskꞌoꞌ riqꞌuin. Quixye re: —¿Cꞌaꞌut nak xatchal arin? ¿Ani yo̱ chi iloc reheb li cuib oxibeb li carner li nacacꞌacꞌale saꞌ li chaki chꞌochꞌ? Ninnau nak la̱at kꞌetkꞌetat ut incꞌaꞌ us nacacꞌoxla. ¿Ma caꞌaj cuiꞌ rilbal li pletic xatchal? chan.

Génesis 37:5

Saꞌ jun li kꞌojyi̱n laj José quimatqꞌuec. Ut quixserakꞌi reheb li ras li cꞌaꞌru quiril saꞌ lix matcꞌ. Nak queꞌrabi li cꞌaꞌru quixye laj José, kꞌaxal cuiꞌchic xicꞌ queꞌril.

Génesis 4:5

Abanan incꞌaꞌ quisahoꞌ xchꞌo̱l riqꞌuin laj Caín ut incꞌaꞌ quixcꞌul lix mayej. Cꞌajoꞌ nak quijoskꞌoꞌ laj Caín ut quipoꞌ li ru.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

Salmos 38:19

Nabaleb li xicꞌ nequeꞌiloc cue ut cauheb rib. Xicꞌ niquineꞌril usta ma̱cꞌaꞌ inma̱c chiruheb.

Génesis 49:23

Eb li xicꞌ nequeꞌiloc a̱cue, tateꞌxcuti riqꞌuin lix tzimaj. Kꞌesnal cheꞌ tateꞌxcut cuiꞌ. Ut cꞌajoꞌ li raylal ta̱cꞌul saꞌ rukꞌ eb li xicꞌ nequeꞌiloc a̱cue.

Génesis 37:11

Eb li ras cꞌajoꞌ nak nequeꞌxcakali riqꞌuin li cꞌaꞌak re ru aꞌin. Ut lix yucuaꞌ qui-oc chi cꞌoxlac chirix li quixmatqꞌue.

1 Juan 3:10

Riqꞌuin aꞌin naꞌno̱queb ru li ralal xcꞌajol li Dios ut naꞌno̱queb ajcuiꞌ ruheb li ralal xcꞌajol laj tza: li ani incꞌaꞌ naxba̱nu li ti̱quilal, ut li ani incꞌaꞌ naxra li ras ri̱tzꞌin, aꞌan ma̱cuaꞌeb ralal xcꞌajol li Dios.

Jeremías 12:6

Eb la̱ cuas ut eb la̱ cui̱tzꞌin yo̱queb chabalakꞌinquil. La̱ cuechꞌalal xeꞌxjunaji ribeb riqꞌuineb li yo̱queb chixcꞌu̱banquil ru chanru nak teꞌxba̱nu raylal a̱cue. Ma̱cꞌojob a̱chꞌo̱l riqꞌuineb, usta cha̱bil nequeꞌa̱tinac a̱cuiqꞌuin.

San Marcos 3:25

Ut cui cuan ta jun cabalak xicꞌ teꞌril rib chi ribileb rib saꞌ rochocheb, li jun cabal aꞌan teꞌxsach xcuanquil lix jun cablal.