Génesis 37:35 - Li Santil hu

³⁵ Ut chixjunileb li ralal xcꞌajol queꞌoc chixcꞌojobanquil xchꞌo̱l lix yucuaꞌeb. Abanan laj Jacob incꞌaꞌ quixcꞌojob xchꞌo̱l ut quixye: —La̱in incꞌaꞌ ta̱cꞌojla̱k inchꞌo̱l chalen nak tinca̱mk ut tintau li cualal li ac camenak, chan. Ut li yucuaꞌbej junelic naya̱bac chirix laj José.

Q'eqchi Bible

³⁵ Chixjunileb' li ralal ut eb' li xrab'in ke'wulak chi xk'ojob'ankil xch'ool, a'ut a'an ink'a' kiraj k'ojob'aak xch'ool ut naxyehatq: “Tinwanq chi ra sa' inch'ool toj reetal tinxik rik'in li walal sa' xna'ajeb' li kamenaq”. K'ajo' naq kiyaab'ak laj Jakob chirix li ralal.

Génesis 37:35 ပူးပေါင်းရင်းမြစ်များ

Li xHu LAJ JOB 2:11

Cuanqueb oxib rami̱g laj Job: laj Elifaz, Temán xtenamit; ut laj Bildad, Súa xtenamit; ut laj Zofar, Naamat xtenamit. Eb li oxib chi cui̱nk aꞌin queꞌrabi resil nak laj Job yo̱ chixcꞌulbal raylal. Joꞌcan nak queꞌxcꞌu̱b rib chi xic chirilbal re nak teꞌxcꞌojob xchꞌo̱l ut teꞌxtenkꞌa.

2 Samuel 12:17

Ut eb li nequeꞌcꞌanjelac chiru saꞌ li rochoch li rey David queꞌcuulac riqꞌuin ut queꞌxye re nak ta̱cuacli̱k. Abanan laj David incꞌaꞌ quicuacli, chi moco quicuaꞌac rochbeneb.

Génesis 42:38

Ut laj Jacob quixye re: —Ma̱ jaruj ta̱ru̱k ta̱xic li cualal che̱rix. Cꞌoxla, camenak li cualal jun ut caꞌaj chic laj Benjamín nacuan cuiqꞌuin. Ma̱re cꞌaꞌru tixcꞌul saꞌ be nak yo̱kex chi xic. Cui ma̱ anihak chic laj Benjamín cuiqꞌuin, la̱in naru nincam xban xrahil saꞌ inchꞌo̱l xban nak la̱in ti̱xin chic. La̱ex cuan e̱ma̱c cui nincam xban xrahil inchꞌo̱l, chan laj Jacob.

Jeremías 31:15

Aꞌan aꞌin li quixye li Ka̱cuaꞌ: —Qui-abi̱c li ya̱bac saꞌ li tenamit Ramá xban li nimla rahil chꞌo̱lej, ut li yotꞌba chꞌo̱lej li queꞌxcꞌul. Aꞌaneb li ralal xcꞌajol lix Raquel li yo̱queb chi ya̱bac chirixeb lix cocꞌal. Ut incꞌaꞌ chic nacꞌojla xchꞌo̱leb xban nak ac camenakeb chic li ralal xcꞌajoleb.

Salmos 77:2

Nak cuanquin saꞌ raylal quintijoc chiru li Dios. Quinnumsi li kꞌojyi̱n chi tijoc ut incꞌaꞌ ajcuiꞌ nacꞌojla inchꞌo̱l.

Génesis 45:28

Ut laj Jacob quixye: —Tzꞌakal riqꞌuin aꞌin. La̱in ninpa̱b nak relic chi ya̱l toj yoꞌyo li cualal laj José. La̱in tinxic aran ut tincuil ru nak toj yoꞌyo̱quin la̱in, chan laj Jacob.

Génesis 42:31

La̱o xkaye re: “La̱o saꞌ xya̱lal nococuan. La̱o incꞌaꞌ cꞌaynako chi qꞌuehoc etal.”

Génesis 31:43

Laj Labán quichakꞌoc ut quixye re: —Eb li ixk aꞌin, aꞌaneb lin rabin ut eb li cocꞌal aꞌin, aꞌaneb li cui. Joꞌ eb ajcuiꞌ li queto̱mk aꞌin cueheb ajcuiꞌ. Chixjunil li joꞌ qꞌuial yo̱cat chirilbal, aꞌan cueheb la̱in. Ut anakcuan cꞌaꞌ ta chic ru ta̱ru̱k tinba̱nu riqꞌuineb lin rabin joꞌ ajcuiꞌ riqꞌuineb lix cocꞌal xban nak ac xeꞌchal cha̱cuix.

Génesis 25:8

Nak ac ti̱x chic chi us laj Abraham quicam ut co̱ chixtaubaleb lix xeꞌto̱nil yucuaꞌ li ac camenakeb.

Génesis 35:29

Nak ac ti̱x chic chi us, laj Isaac quicam ut coxtauheb lix xeꞌto̱nil yucuaꞌ. Laj Esaú ut laj Jacob queꞌxmuk lix yucuaꞌeb nak quicam.

2 Samuel 12:23

Anakcuan ma̱cꞌaꞌ chic aj e nak tin-ayunik xban nak ac xcam li cualal. La̱in moco naru ta chic tincuaclesi cuiꞌchic chi yoꞌyo. Aꞌan incꞌaꞌ chic naru ta̱cha̱lk cuiqꞌuin. Abanan saꞌ jun cutan la̱in toxintau li cualal, chan laj David.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Génesis 48:11

Laj Jacob quixye re laj José: —La̱in cuan saꞌ inchꞌo̱l nak incꞌaꞌ chic tincuil a̱cuu. Abanan li Ka̱cuaꞌ Dios xba̱nu usilal cue. Xcuil a̱cuu la̱at ut xcuil ajcuiꞌ ruheb la̱ cualal, chan laj Jacob.

2 Samuel 19:1

Queꞌxye resil re laj Joab nak li rey David yo̱ chi ya̱bac ut ra saꞌ xchꞌo̱l chirix lix camic laj Absalón.

1 Crónicas 7:22

Laj Efraín quiya̱bac nabal li cutan xban xrahil xchꞌo̱l nak queꞌcamsi̱c laj Ezer ut laj Elad. Eb li rechꞌalal queꞌcuulac riqꞌuin chixcꞌojobanquil xchꞌo̱l.

Salmos 77:3

Nak nanak saꞌ inchꞌo̱l li usilal li quixba̱nu cue li Dios, ninya̱bac. Ut nak nincꞌoxla li raylal li cuanquin cuiꞌ, nacuecꞌa nak incꞌaꞌ chic nincuy.