Génesis 37:34 - Li Santil hu

³⁴ Laj Jacob quixkꞌichi li rakꞌ li cuan chirix xban xrahil saꞌ xchꞌo̱l chirix lix camic li ralal. Ut quixqꞌue li kꞌesnal ru tꞌicr chirix chanchan coxtal retalil nak ra saꞌ xchꞌo̱l. Najt quicuan li rakꞌ aꞌan chirix ut incꞌaꞌ quinumeꞌ xrahil saꞌ xchꞌo̱l.

Q'eqchi Bible

³⁴ Toja' naq laj Jakob kixq'ich li raq', kixtiqib' rib' rik'in q'es ruhil t'ikr, ut chiru naab'al kutan kikanaak sa' rahil ch'oolejil xb'aan li ralal.

Génesis 37:34 ပူးပေါင်းရင်းမြစ်များ

Génesis 37:29

Nak quisukꞌi laj Rubén chirilbal saꞌ li jul, quiril nak ma̱ ani chic laj José. Cꞌajoꞌ nak qui-oc xcꞌaꞌux ut quixkꞌichi li rakꞌ xban xrahil xchꞌo̱l.

2 Samuel 3:31

Laj David quixye reheb laj Joab ut eb li cuanqueb rochben nak tento nak teꞌxpej li rakꞌ ut teꞌxqꞌue li rakꞌ li kꞌes ru chirixeb ut chirahokꞌ xchꞌo̱leb xban xcamic laj Abner. Nak yo̱queb chi xic re teꞌxmuk li camenak, li rey David yo̱ chi xic chirix li camenak.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

Hechos 14:14

Nak queꞌxqꞌue retal li cꞌaꞌru yo̱queb li tenamit, laj Pablo ut laj Bernabé queꞌxpej li rakꞌeb retalil nak incꞌaꞌ quicuulac chiruheb li cꞌaꞌru yo̱queb chixba̱nunquil li tenamit. Ut queꞌco̱eb saꞌ a̱nil saꞌ xya̱nkeb li tenamit ut queꞌxye chi cau xya̱b xcuxeb:

San Mateo 26:65

Nak quirabi aꞌan, li xyucuaꞌileb laj tij quixpej li rakꞌ xban xjoskꞌil ut quixye: —Aꞌan xjuntakꞌe̱ta rib riqꞌuin li Dios. ¿Cꞌaꞌ chic ru aj e nak toj teꞌxye ke cꞌaꞌru lix ma̱c? Ac xerabi nak xjuntakꞌe̱ta rib riqꞌuin li Dios.

San Mateo 11:21

—Raylal cha̱lel saꞌ e̱be̱n, ex aj Corazín. Raylal cha̱lel saꞌ e̱be̱n ex aj Betsaida. Cui ta qui-uxman aran Tiro li milagro aꞌin li xinba̱nu che̱ru ut cui ta qui-uxman aran Sidón, ac najter raj queꞌxqꞌue li cha saꞌ xjolomeb ut ac queꞌxqꞌue raj li kꞌes ru tꞌicr chirixeb chokꞌ retalil nak raheb saꞌ xchꞌo̱l ut queꞌyotꞌeꞌ raj xchꞌo̱leb ut queꞌxjal raj xcꞌaꞌuxeb.

Joel 2:13

Cheyotꞌ e̱chꞌo̱l chiru li Dios ut me̱pej chic le̱ rakꞌ. Jalomak ban e̱cꞌaꞌux ut patzꞌomak e̱cuybal chiru li Ka̱cuaꞌ le̱ Dios xban nak aꞌan na-uxta̱nan u ut nequexra. Aꞌan incꞌaꞌ najoskꞌoꞌ saꞌ junpa̱t. Kꞌaxal nim ban xcuyum ut narahoꞌ saꞌ xchꞌo̱l nak naxqꞌue li tojbal ma̱c saꞌ e̱be̱n.

Jeremías 36:24

Eb li cuanqueb xcuanquil, ut li rey incꞌaꞌ queꞌoc xxiu chi moco queꞌrahoꞌ xchꞌo̱l riqꞌuin li a̱tin queꞌrabi.

Isaías 36:22

Ut laj Eliaquim li ralal laj Hilcías, li na-iloc re li palacio, ut laj Sebna laj tzꞌi̱b, joꞌ ajcuiꞌ laj Joa li ralal laj Asaf li najolomin reheb li nequeꞌxococ re li hu, queꞌxpej li rakꞌeb ut queꞌco̱eb riqꞌuin laj Ezequías ut queꞌxye re chixjunil li quixye laj Rabsaces.

Isaías 32:11

Chi-oc caꞌchꞌinak e̱xiu, ex ixk, li ma̱cꞌaꞌ nequecꞌoxla. Ut sicsotkex. Isihomak li cha̱bil tꞌicr che̱rix ut qꞌuehomak li kꞌes ru tꞌicr che̱rix retalil nak ra e̱chꞌo̱l.

Salmos 69:11

Nak xcuocsi li kꞌes ru tꞌicr retalil xrahil inchꞌo̱l, cꞌajoꞌ nak xeꞌa̱tinac chicuix.

Li xHu LAJ JOB 2:12

Cuanqueb chak chi najt nak queꞌril laj Job ut incꞌaꞌ queꞌxnau nak aꞌan. Nak queꞌxqꞌue retal nak aꞌan, queꞌoc chixjapbal re chi ya̱bac. Chi xju̱nkaleb queꞌxpej li rakꞌeb ut queꞌxcut li poks saꞌ ikꞌ ut queꞌxqꞌue ajcuiꞌ saꞌ xjolomeb xban xrahil xchꞌo̱leb.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

Nehemías 9:1

Queꞌxchꞌutub ribeb chixjunileb saꞌ li ca̱hib xcaꞌcꞌa̱l xbe li po aꞌan ut queꞌxba̱nu lix ayu̱n. Queꞌxqꞌue li kꞌesnal tꞌicr chirixeb ut queꞌxqꞌue li poks saꞌ xjolomeb retalil nak ra saꞌ xchꞌo̱leb xban lix ma̱queb.

1 Crónicas 21:16

Laj David qui-iloc takecꞌ ut quiril lix ángel li Ka̱cuaꞌ xakxo saꞌ xyi li choxa ut li ruchichꞌochꞌ. Ac cauresinbil lix chꞌi̱chꞌ saꞌ rukꞌ re xsachbal ru li tenamit Jerusalén. Laj David ut eb li nequeꞌcꞌamoc be saꞌ xya̱nkeb laj Israel queꞌxhupub ribeb saꞌ chꞌochꞌ. Ut cuan li kꞌes ru tꞌicr chirixeb.

2 Reyes 19:1

Nak quirabi li cꞌaꞌru queꞌxye, li rey Ezequías quixpej li rakꞌ ut quixqꞌue li kꞌes ru tꞌicr chirix retalil lix rahil xchꞌo̱l ut co̱ saꞌ lix templo li Ka̱cuaꞌ.

1 Reyes 21:27

Nak laj Acab quirabi li quixye li Dios, quixpej li rakꞌ. Ut quixqꞌue chirix li kꞌes ru tꞌicr ut quixba̱nu lix ayu̱n. Quicuar chirix li kꞌes ru tꞌicr ut kꞌaxal ra saꞌ xchꞌo̱l.

1 Reyes 20:31

Eb li nequeꞌtenkꞌan re li rey queꞌxye: —Kabiom resil nak eb lix reyeb laj Israel nequeꞌuxta̱nan u. Kabacꞌak li cꞌa̱m saꞌ li kacux ut kaqꞌuehak kꞌes ru tꞌicr chikix ut toxic riqꞌuin laj Acab. Ma̱re tixcuy kama̱c ut incꞌaꞌ toxcamsi, chanqueb.

2 Samuel 1:11

Laj David, joꞌ eb ajcuiꞌ chixjunileb li cui̱nk li cuanqueb rochben, queꞌxpej li rakꞌeb xban xrahil xchꞌo̱leb.

Josué 7:6

Laj Josué ut eb li nequeꞌcꞌamoc be saꞌ xya̱nkeb laj Israel queꞌxkꞌich li rakꞌeb ut queꞌxcut rib saꞌ chꞌochꞌ chiru li Lokꞌlaj Ca̱x xban xrahil xchꞌo̱leb ut queꞌxqꞌue poks saꞌ xjolomeb ut queꞌcana aran toj qui-ecuu.

Génesis 42:38

Ut laj Jacob quixye re: —Ma̱ jaruj ta̱ru̱k ta̱xic li cualal che̱rix. Cꞌoxla, camenak li cualal jun ut caꞌaj chic laj Benjamín nacuan cuiqꞌuin. Ma̱re cꞌaꞌru tixcꞌul saꞌ be nak yo̱kex chi xic. Cui ma̱ anihak chic laj Benjamín cuiqꞌuin, la̱in naru nincam xban xrahil saꞌ inchꞌo̱l xban nak la̱in ti̱xin chic. La̱ex cuan e̱ma̱c cui nincam xban xrahil inchꞌo̱l, chan laj Jacob.

Génesis 44:13

Ut eb li ras laj Benjamín queꞌxkꞌichi li rakꞌeb chirixeb xban xrahileb saꞌ xchꞌo̱l. Quilajeꞌxbacꞌ lix coxtal saꞌ junpa̱t. Quilajeꞌxtaksi cuiꞌchic chirixeb lix bu̱r. Ut queꞌsukꞌi cuiꞌchic saꞌ li tenamit li cuan cuiꞌ laj José.

2 Reyes 2:12

Laj Eliseo quiril li quicꞌulman ut quixjap re chi cau ut quixye: —At inyucuaꞌ, at inyucuaꞌ, at Elías, la̱at chanchanat li kayucuaꞌ, la̱o aj Israel, chan. Ut incꞌaꞌ chic quiril ru laj Elías. Xban xrahil xchꞌo̱l laj Eliseo quixchap li rakꞌ li cuan chirix ut quixpej. Cuib jachal qui-el.

2 Reyes 22:11

Nak li rey Josías quirabi li chakꞌrab li tzꞌi̱banbil saꞌ li hu aꞌan, quixpej li rakꞌ.

1 Crónicas 7:22

Laj Efraín quiya̱bac nabal li cutan xban xrahil xchꞌo̱l nak queꞌcamsi̱c laj Ezer ut laj Elad. Eb li rechꞌalal queꞌcuulac riqꞌuin chixcꞌojobanquil xchꞌo̱l.

Li xHu LAJ JOB 16:15

Xban xrahil inchꞌo̱l xinqꞌue kꞌes ru tꞌicr chicuix ut xinqꞌue poks saꞌ injolom.

Jeremías 48:37

Chixjunileb queꞌxbes li rismal xjolomeb ut queꞌrisi lix macheb. Chixjunileb queꞌxset li rukꞌeb ut queꞌrocsi li tꞌicr li kꞌes ru retalil li rahil chꞌo̱lej li cuanqueb cuiꞌ.

Jueces 11:35

Cꞌajoꞌ nak quirahoꞌ xchꞌo̱l laj Jefté nak quiril lix rabin. Quixpej li rakꞌ xban xrahil xchꞌo̱l ut quixye: —At inrabin, cꞌajoꞌ xrahil inchꞌo̱l nachal a̱ban. ¿Cꞌaꞌut nak la̱at li xbe̱n li xat-el chak chincꞌulbal? Ac xinyechiꞌi re li Dios nak tinmayejak chiru ut incꞌaꞌ naru tinkꞌet li cua̱tin, chan.