Génesis 37:32 - Li Santil hu

³² Ut li rakꞌ laj José li chꞌulaquinbil saꞌ li quicꞌ, queꞌxcꞌam riqꞌuin lix yucuaꞌ. Ut queꞌxye re: —Il li xkatau chak, at kayucuaꞌ. Joꞌ li aꞌin anchal lix cha̱bil akꞌ la̱ cualal, chanqueb re.

Q'eqchi Bible

³² Chirix a'an ke'xtaqla li jut-aq' ninq ruq', koxe'xk'ut chiru li xyuwa'eb' ut ke'xye: “Xqataw chaq a'in: il, ma a'an tawi' li xjut-aq' laawalal malaj ut ink'a'”.

Génesis 37:32 ပူးပေါင်းရင်းမြစ်များ

San Lucas 15:30

Abanan anakcuan xcꞌulun la̱ cualal aꞌin li quisachoc re la̱ jun cablal riqꞌuineb li ixk li nequeꞌxcꞌayi rib ut la̱at xatakla xcamsinquil chokꞌ re li chꞌina cuacax li chꞌolaninbil chi us, chan li asbej.

Génesis 37:3

Laj Israel cꞌajoꞌ naxra laj José chiruheb li jun chꞌol chic li ralal xban nak aꞌan li ralal li quicuan nak ac ti̱x chic. Laj Israel quixsi jun li rakꞌ laj José xcomon li cha̱bil ut chꞌinaꞌus xyi̱banquil. Najt rok ut nim rukꞌ.

Génesis 37:20

Cha̱lk cuan. Ho̱n nakacamsi. Ut takacut saꞌ junak jul. Ut takaye nak ma̱re junak joskꞌ aj xul xcamsin re. Ut takil cꞌaꞌru ta̱cana̱k cuiꞌ lix matcꞌ, chanqueb chi ribileb rib.

Génesis 37:31

Ut eb li asbej queꞌxcamsi jun li chꞌina chiba̱t ut saꞌ lix quiqꞌuel li chiba̱t li queꞌxcamsi queꞌxchꞌulaqui lix cha̱bil akꞌ laj José.

Génesis 37:33

Laj Jacob ticto quixnau ru li rakꞌ aꞌan, ut quixye reheb: —Ay, aꞌin tzꞌakal rakꞌ li cualal nacuil. Ma̱re junak joskꞌ aj xul xtiꞌoc re ut x-osoꞌ chi junaj cua, chan laj Jacob.

Génesis 38:25

Nak eb li cui̱nk yo̱queb chirisinquil lix Tamar saꞌ rochoch, quixtakla xkꞌaxtesinquil li cꞌaꞌru re laj Judá. Ut quixtakla ajcuiꞌ xyebal re, —La̱in yaj aj ixkin anakcuan xban laj e̱chal re li cꞌaꞌak re ru aꞌin. Ba̱nu usilal, il chi us ani na laj e̱chal re li matkꞌab aꞌin, joꞌ ajcuiꞌ lix cꞌa̱mal ut li xukꞌ, chan reheb.