Génesis 37:27 - Li Santil hu

²⁷ Kacꞌayihak reheb laj ismaelita. Kꞌaxal us nak ti̱c takacꞌayi ut incꞌaꞌ takacamsi xban nak aꞌan ki̱tzꞌin ut kaquiqꞌuel kib chi kibil kib, chan laj Judá. Ut eb li ras ut eb li ri̱tzꞌin queꞌxcꞌul xchꞌo̱l li quixye.

Q'eqchi Bible

²⁷ Kimqex, qak'ayihaq reheb' laj Ismael, ab'anan miqataqsi li quq' sa' xb'een, xb'aan naq a'an qiitz'in ut qatib'el qakik'el qib'”, chan. Eb' li riitz'in ke'xk'ulub'an xch'ool.

Génesis 37:27 ပူးပေါင်းရင်းမြစ်များ

San Mateo 16:26

¿Cꞌaꞌru tixra li cui̱nk cui ta̱re̱chani chixjunil xbiomal li ruchichꞌochꞌ ut tixsach li junelic yuꞌam xban li biomal? ¿Ma cuan ta biꞌ cꞌaꞌru tixtoj cuiꞌ li yuꞌam chi junelic?

Génesis 42:21

Ut queꞌxye chi ribileb rib: —Relic chi ya̱l nak xoma̱cob riqꞌuin li cꞌaꞌru kaba̱nu chak junxil re laj José, li ki̱tzꞌin. La̱o quikil nak quirahoꞌ saꞌ xchꞌo̱l riqꞌuin li kaba̱nu re. La̱o incꞌaꞌ quikil xtokꞌoba̱l ru nak quixtzꞌa̱ma chiku nak takatokꞌoba ru. Xban aꞌan nak xchal li raylal aꞌin saꞌ kabe̱n, chanqueb chi ribileb rib.

1 Samuel 18:17

Saꞌ jun li cutan laj Saúl quixye re laj David: —La̱in tinqꞌue lix Merab, li xbe̱n inrabin, chokꞌ a̱cuixakil. Caꞌaj cuiꞌ li nacuaj la̱in nak cauhak a̱chꞌo̱l chi pletic saꞌ xcꞌabaꞌ li Ka̱cuaꞌ, chan. Laj Saúl quixye saꞌ xchꞌo̱l: —Ma̱cuaꞌ la̱in tincamsi̱nk re laj David. Aꞌaneb ban laj filisteo teꞌcamsi̱nk re, chan saꞌ xchꞌo̱l.

Apocalipsis 18:13

Ma̱ ani chic ta̱lokꞌok re li canela, li sununquil ban, li incienso, li mirra ut li olíbano. Ma̱ ani chic ta̱lokꞌok re li vino, li aceite, li trigo ut li cha̱bil cꞌaj. Ut ma̱ ani chic ta̱lokꞌok re li cuacax, li carner ut li cacua̱y, chi moco teꞌxlokꞌ li carruajes, chi moco teꞌxlokꞌ chic li rech cristianil chokꞌ mo̱seb.

1 Timoteo 1:10

Li chakꞌrab reheb laj coꞌbe̱t laj yumbe̱t ut reheb li nequeꞌma̱cob riqꞌuin rech cui̱nkilal rech ixkilal. Reheb ajcuiꞌ li nequeꞌelkꞌac cristian. Reheb ajcuiꞌ li nequeꞌticꞌtiꞌic ut li nequeꞌxpatzꞌ xcꞌabaꞌ li Dios riqꞌuin yoꞌobanbil a̱tin. Li chakꞌrab reheb chixjunileb li nequeꞌxba̱nu li cꞌaꞌak chic re ru chi ma̱usilal li napoꞌoc ru li katijbal li tzꞌakal ya̱l.

San Mateo 26:15

Ut quixye reheb: —¿Joꞌ nimal te̱qꞌue cue cui tinkꞌaxtesi li Jesús e̱re? chan reheb. Ut eb aꞌan queꞌxcꞌu̱b nak teꞌxqꞌue laje̱b xcaꞌcꞌa̱l chi tumin plata re.

Nehemías 5:8

Ut quinye reheb: —Xkisiheb rubel xcuanquil li jalan tenamit li kech tenamitil. Xkaba̱nu li joꞌ qꞌuial coru xba̱nunquil. Ut la̱ex chic yo̱quex chi rahobtesi̱nc reheb li kech tenamitil. Ut anakcuan, ¿ma toj takisiheb cuiꞌchic rubel e̱cuanquil la̱ex? chanquin reheb. Ut ma̱ jun reheb quichakꞌoc xban nak incꞌaꞌ chic queꞌxtau cꞌaꞌru queꞌxye.

2 Samuel 12:9

¿Cꞌaꞌut nak xatzꞌekta̱na li chakꞌrab li xinqꞌue a̱cue? ¿Cꞌaꞌut nak xaba̱nu li ma̱usilal aꞌin? Xatakla laj Urías laj heteo chi camsi̱c. ¿Cꞌaꞌut nak xaqꞌue chi camsi̱c xbaneb laj Amón ut xacꞌam chokꞌ a̱cue li rixakil?

Éxodo 21:21

Abanan cui toj yoꞌyo̱k jun malaj cuib cutan chic li mo̱s, li patrón incꞌaꞌ ta̱qꞌuehekꞌ chixtojbal lix ma̱c xban nak xmo̱s ajcuiꞌ li quixsacꞌ.

Éxodo 21:16

Joꞌcan ajcuiꞌ li ani ta̱relkꞌa junak ras ri̱tzꞌin, usta ac xcꞌayi jalan aj e, malaj ut toj cua̱nk riqꞌuin, aꞌan tento ajcuiꞌ ta̱camsi̱k.

Génesis 37:22

Incꞌaꞌ takisi xquiqꞌuel. Me̱ba̱nu raylal re. Cutumak saꞌ li jul li cuan arin saꞌ li chaki chꞌochꞌ, chan laj Rubén. Aꞌan cuan saꞌ xchꞌo̱l nak naru tixcol mokon ut tixcꞌam cuiꞌchic riqꞌuin lix yucuaꞌ.

Génesis 29:14

Ut laj Labán quixye re laj Jacob: —Relic chi ya̱l nak tzꞌakal kacomon kib ut kaquiqꞌuel kib, chan. Ut laj Jacob quicana saꞌ rochoch laj Labán.

Génesis 50:20

Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.

Nehemías 5:5

—La̱o kacomon kib riqꞌuineb li biom. Ut li kalal kacꞌajol juntakꞌe̱teb ajcuiꞌ riqꞌuineb li ralal xcꞌajol eb aꞌan. Moco jalaneb ta chic aꞌan chiku la̱o. Abanan la̱o tento nak takacꞌayiheb li kalal kacꞌajol chokꞌ xmo̱seb aꞌan. Cuanqueb karabin ac xkacꞌayiheb chokꞌ xmo̱seb aꞌan ut incꞌaꞌ chic naru nakisiheb riqꞌuineb xban nak ma̱cꞌaꞌ chic cuan ke. Li kachꞌochꞌ ut li kacui̱mk jalan chic aj e, chanqueb.