Génesis 37:26 - Li Santil hu

²⁶ Laj Judá quixye reheb li ras ut li ri̱tzꞌin: —¿Cꞌaꞌru aj e nak takacamsi li ki̱tzꞌin saꞌ mukmu?

Q'eqchi Bible

²⁶ Toja' naq laj Judá kixye reheb' li riitz'in: “K'a' aj e naq tqakamsi li qiitz'in ut moqon tqamuq li xkik'el?

Génesis 37:26 ပူးပေါင်းရင်းမြစ်များ

Génesis 37:20

Cha̱lk cuan. Ho̱n nakacamsi. Ut takacut saꞌ junak jul. Ut takaye nak ma̱re junak joskꞌ aj xul xcamsin re. Ut takil cꞌaꞌru ta̱cana̱k cuiꞌ lix matcꞌ, chanqueb chi ribileb rib.

Génesis 4:10

Li Dios quixye ajcuiꞌ re: —¿Cꞌaꞌru xaba̱nu? Lix quiqꞌuel la̱ cui̱tzꞌin xahoy chiru chꞌochꞌ yo̱ chi kꞌoko̱nc chicuu.

Romanos 6:21

¿Cꞌaꞌru le̱ kꞌajca̱munquil xecꞌul nak xeba̱nu chak li ma̱usilal? Ma̱cꞌaꞌ. Caꞌaj cuiꞌ xecꞌut chak e̱xuta̱n. Li cꞌaꞌru naxqꞌue li ma̱c, aꞌan li ca̱mc.

San Mateo 16:26

¿Cꞌaꞌru tixra li cui̱nk cui ta̱re̱chani chixjunil xbiomal li ruchichꞌochꞌ ut tixsach li junelic yuꞌam xban li biomal? ¿Ma cuan ta biꞌ cꞌaꞌru tixtoj cuiꞌ li yuꞌam chi junelic?

Ezequiel 24:7

Nabal li camsi̱nc qui-uxman saꞌ li tenamit ut lix quiqꞌueleb li queꞌcamsi̱c quihoyeꞌ saꞌ xbe̱n li pec. Incꞌaꞌ quihoyeꞌ saꞌ chꞌochꞌ re nak incꞌaꞌ ta̱sachk saꞌ li poks.

Jeremías 41:8

Abanan laje̱b li cui̱nk xcomoneb li ca̱cꞌa̱l chi cui̱nk, queꞌxye re laj Ismael: —Moa̱camsi la̱o. Cuan li trigo, li cebada, li aceite ut li xyaꞌal cab mukmu kaban saꞌ cꞌaleba̱l, chanqueb. Ut xban aꞌan nak laj Ismael incꞌaꞌ quixcamsiheb.

Salmos 30:9

Ut xinye, ¿cꞌaꞌru aj e nak tinca̱mk? ¿Cꞌaꞌru aj e nak tinmukekꞌ? ¿Ma teꞌxqꞌue ta biꞌ a̱lokꞌal lix poksil li camenak? ¿Ma teꞌxchꞌolob ta biꞌ la̱ cuusilal?

Li xHu LAJ JOB 16:18

Incꞌaꞌ taxak ta̱cana̱k yal chi joꞌcan li raylal li yo̱quin chixcꞌulbal. Incꞌaꞌ taxak ta̱cana̱k chi mukmu li ma̱usilal li yo̱queb chixba̱nunquil cue. Tinkꞌoko cuib chiru li Dios re nak aꞌan ta̱rakok a̱tin saꞌ inbe̱n.

2 Samuel 1:16

Ut laj David quixye re li cui̱nk aj Amalec: —Xma̱c nak xaye nak xacamsi li rey li sicꞌbil ru xban li Dios, joꞌcan nak xatcamsi̱c la̱at, chan.

Deuteronomio 17:8

Cui cuan li nimla chꞌaꞌajquil li incꞌaꞌ naru te̱rak a̱tin saꞌ xbe̱n, usta camsi̱nc, usta pletic malaj ut cuechꞌi̱nc, te̱cꞌameb li cristian saꞌ li naꞌajej li quixsicꞌ ru li Ka̱cuaꞌ le̱ Dios.

Génesis 25:32

Laj Esaú quixye re laj Jacob: —Cui tinca̱mk xban intzꞌocajic, cꞌaꞌ ta cuiꞌ ru ta̱oc cuiꞌ cue li ma̱tan aꞌan, chan.

Génesis 40:15

La̱in yal quineꞌrelkꞌa chak junxil saꞌ xtenamiteb laj hebreo. Ma̱cuaꞌ incꞌulub cua̱nc arin saꞌ tzꞌalam xban nak ma̱cꞌaꞌ inma̱c, chan laj José.

Génesis 42:21

Ut queꞌxye chi ribileb rib: —Relic chi ya̱l nak xoma̱cob riqꞌuin li cꞌaꞌru kaba̱nu chak junxil re laj José, li ki̱tzꞌin. La̱o quikil nak quirahoꞌ saꞌ xchꞌo̱l riqꞌuin li kaba̱nu re. La̱o incꞌaꞌ quikil xtokꞌoba̱l ru nak quixtzꞌa̱ma chiku nak takatokꞌoba ru. Xban aꞌan nak xchal li raylal aꞌin saꞌ kabe̱n, chanqueb chi ribileb rib.

Génesis 50:20

Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.

Jeremías 36:25

Laj Elnatán, laj Delaía ut laj Gemarías queꞌxtzꞌa̱ma chiru li rey nak incꞌaꞌ tixcꞌat li hu. Abanan li rey incꞌaꞌ quirabi li cꞌaꞌru queꞌxye.

Génesis 4:9

Li Dios quixye re laj Caín: —¿Bar cuan la̱ cui̱tzꞌin?— Laj Caín quixye: —Incꞌaꞌ ninnau. ¿Ma la̱in ta biꞌ aj ilol re li cui̱tzꞌin? chan.