Génesis 37:24 - Li Santil hu

²⁴ Queꞌxchap laj José ut queꞌxcut chi saꞌ li chaki jul.

Q'eqchi Bible

²⁴ ke'xchap ut ke'xkut sa' li kumb', li maak'a' ha' chisa'.

Génesis 37:24 ပူးပေါင်းရင်းမြစ်များ

Jeremías 38:6

Joꞌcan nak queꞌxchap laj Jeremías ut riqꞌuin cꞌa̱m queꞌxcubsi saꞌ xjulel lix haꞌ laj Malquías li ralal laj Hamelec. Li jul aꞌan cuan saꞌ li neba̱l re li tzꞌalam. Ma̱cꞌaꞌ haꞌ chi saꞌ. Junes sulul xsaꞌ. Ut laj Jeremías quisubun saꞌ li sulul.

Zacarías 9:11

Joꞌcaꞌin quixye li Ka̱cuaꞌ: —La̱ex aj Jerusalén, xeqꞌue xcuanquil li contrato riqꞌuin xquiqꞌuel li xul li xemayeja. Joꞌcaꞌin nak la̱in texincol chiru li raylal. Chanchan nak texcuisi saꞌ jun li chamal jul li ma̱cꞌaꞌ haꞌ chi saꞌ.

Lamentaciones 4:20

Queꞌxchap li karey, li sicꞌbil ru xban li Ka̱cuaꞌ, li cꞌojcꞌo cuiꞌ kachꞌo̱l. Saꞌ kachꞌo̱l la̱o nak cua̱nk li rey aꞌan, eb li jalan tenamit incꞌaꞌ toeꞌxchꞌiꞌchꞌiꞌi.

Salmos 88:8

Xina̱qꞌue chi tzꞌekta̱na̱c xbaneb li cuami̱g. Incꞌaꞌ chic nequeꞌraj rilbal cuu ut xicꞌ chic niquineꞌril. Chanchan cuanquin chi pre̱xil ut incꞌaꞌ naru nin-el.

Salmos 88:6

Chanchan nak xina̱qꞌue saꞌ jun chamal jul kꞌojyi̱n xsaꞌ.

Salmos 40:2

Aꞌan qui-isin cue saꞌ li raylal cuanquin cuiꞌ. Chanchan nak yo̱quin chi subu̱nc saꞌ lix sa̱b haꞌ ut osocꞌ cue. Ut li Ka̱cuaꞌ qui-isin cue. Nak quinixcol chanchan nak quinixqꞌue saꞌ jun li sako̱nac re nak ma̱cꞌaꞌ tincꞌul.

Salmos 35:7

La̱in ma̱cꞌaꞌ inma̱c, abanan queꞌxyi̱b jun li raꞌal re inchapbal. Usta ma̱cꞌaꞌ inma̱c queꞌxbec jun li jul re nak tintꞌanekꞌ chi saꞌ.

Génesis 37:23

Nak laj José quicuulac riqꞌuineb li ras, ticto queꞌrisi lix cha̱bil akꞌ li cuan chirix.

Génesis 37:25

Chirix chic aꞌan, queꞌchunla ut queꞌoc chi cuaꞌac. Nak yo̱queb chi cuaꞌac queꞌril nak yo̱queb chi cha̱lc jun chꞌu̱t eb li cui̱nk aj ismaelita. Yo̱queb chak chi cha̱lc Galaad. Ut chirixeb lix camello yo̱queb chak chixcꞌambal oxib pa̱y ru li sununquil ban re teꞌxcꞌayi aran Egipto. Aꞌin lix cꞌabaꞌeb li oxib pa̱y ru chi sununquil ban: aromas, bálsamo ut mirra.

Génesis 42:21

Ut queꞌxye chi ribileb rib: —Relic chi ya̱l nak xoma̱cob riqꞌuin li cꞌaꞌru kaba̱nu chak junxil re laj José, li ki̱tzꞌin. La̱o quikil nak quirahoꞌ saꞌ xchꞌo̱l riqꞌuin li kaba̱nu re. La̱o incꞌaꞌ quikil xtokꞌoba̱l ru nak quixtzꞌa̱ma chiku nak takatokꞌoba ru. Xban aꞌan nak xchal li raylal aꞌin saꞌ kabe̱n, chanqueb chi ribileb rib.