Génesis 37:2 - Li Santil hu

² Ut joꞌcaꞌin nak queꞌcuan chak li ralal xcꞌajol laj Jacob. Laj José cuan cuuklaju chihab re, ut aꞌan natenkꞌan reheb li ras chi iloc reheb li queto̱mk. Eb li ras li nequeꞌochbenin re laj José, aꞌan eb li ralal laj Jacob riqꞌuineb lix Bilha ut lix Zilpa. Nak laj José quiril nak incꞌaꞌ us nequeꞌxba̱nu li ras, najitoc chiru lix yucuaꞌ.

Q'eqchi Bible

² Jo'ka'in naq ke'wank chaq li ralal xk'ajol laj Jakob. Wuqlaju chihab' wank re laj José ut naxk'aak'aleheb' li karneer rochb'eeneb' li ras, a'aneb' li ralal laj Jakob rik'in lix Bilhá ut xSilpá. Ab'an li saaj al naxye re li xyuwa' li ink'a' us li nayeemank chirixeb' li ras.

Génesis 37:2 ပူးပေါင်းရင်းမြစ်များ

1 Corintios 11:18

Li xbe̱n tinye e̱re, aꞌan aꞌin: xcuabi resil nak incꞌaꞌ junaj le̱ chꞌo̱l ut junes xcuechꞌinquil e̱rib nequeba̱nu nak nequechꞌutub e̱rib chi lokꞌoni̱nc re xjulticanquil lix camic li Jesucristo. Ut la̱in nincꞌoxla nak ma̱re ya̱l ajcuiꞌ li cꞌaꞌru xcuabi.

Génesis 35:22

Nak ac cuanqueb chic saꞌ li naꞌajej aꞌan, laj Rubén quixchꞌic rib riqꞌuin lix Bilha li quicuan riqꞌuin lix yucuaꞌ joꞌ rixakil. Cꞌajoꞌ nak quijoskꞌoꞌ laj Israel nak quirabi cꞌaꞌru quixba̱nu li ralal. Cablaju eb li ralal laj Jacob queꞌcuan, li nayeman ajcuiꞌ aj Israel re.

1 Corintios 5:1

Yalak bar x-abiman resil nak cuan li joꞌ ma̱joꞌil naꞌleb saꞌ e̱ya̱nk xban nak jun li cui̱nk quixmakꞌ rixakil lix yucuaꞌ. Cꞌajoꞌ xyibal ru li yo̱queb chixba̱nunquil saꞌ e̱ya̱nk. Eb li ma̱cuaꞌeb aj pa̱banel incꞌaꞌ nequeꞌxba̱nu chi joꞌcan. ¿Ma tojaꞌ ta chic la̱ex texba̱nu̱nk re chi joꞌcan?

1 Corintios 1:11

Ninye e̱re chi joꞌcaꞌin xban nak lix comoneb lix Cloé xeꞌyehoc resil cue nak cuan cuechꞌi̱nc ib saꞌ e̱ya̱nk.

San Juan 7:7

Eb li cuanqueb saꞌ ruchichꞌochꞌ xicꞌ niquineꞌril xban nak la̱in ninye reheb nak incꞌaꞌ us li yo̱queb chixba̱nunquil. Abanan la̱ex incꞌaꞌ xicꞌ nequex-ileꞌ xbaneb.

Génesis 30:9

Chirix chic aꞌin, lix Lea quixqꞌue retal nak ma̱jiꞌ chic nacuan junak lix cꞌulaꞌal. Lix Lea quixkꞌaxtesi lix mo̱s, xZilpa xcꞌabaꞌ, saꞌ rukꞌ laj Jacob re nak ta̱cua̱nk riqꞌuin.

Génesis 30:4

Lix Raquel quixqꞌue lix mo̱s re laj Jacob re ta̱cua̱nk riqꞌuin.

Génesis 10:1

Aꞌaneb aꞌin lix cꞌabaꞌeb li oxib chi ralal laj Noé: laj Sem, laj Cam ut laj Jafet. Aꞌaneb li queꞌcuan ralal xcꞌajol nak ac xnumeꞌ li butꞌi haꞌ.

Génesis 6:9

Laj Noé aꞌan jun cui̱nk ti̱c xchꞌo̱l. Tzꞌakal re ru lix yuꞌam nak cuan saꞌ xya̱nkeb li ras ri̱tzꞌin ut ti̱c lix yuꞌam chiru li Dios. Aꞌan aꞌin retalil li ralal xcꞌajol laj Noé.

Génesis 5:1

Aꞌan aꞌin li hu li tzꞌi̱banbil cuiꞌ li retalileb li ralal xcꞌajol laj Adán. Nak li Dios quixyoꞌobtesi li cui̱nk, quixyi̱b joꞌ riloba̱l aꞌan.

Génesis 2:4

Joꞌcaꞌin nak quiyi̱ba̱c chak li choxa ut li ruchichꞌochꞌ xban li Dios. Saꞌ li cutan nak li Ka̱cuaꞌ Dios quixyi̱b li choxa ut li ruchichꞌochꞌ,

Génesis 41:46

Nak quirakeꞌ chi a̱tinac laj faraón, laj José qui-el chixsutinquil li tenamit Egipto re nak tixnau ru chixjunileb li tenamit. Laje̱b xcaꞌcꞌa̱l chihab (30) cuan re laj José nak qui-oc chi cꞌanjelac chiru laj faraón.

Génesis 42:8

Laj José quixnau ruheb li ras, abanan eb aꞌan incꞌaꞌ queꞌxqꞌue retal nak aꞌan laj José.

Génesis 45:6

Ac xnumeꞌ cuib chihab li cueꞌej ut toj o̱b chihab chic ta̱cua̱nk. Ut incꞌaꞌ ta̱uxma̱nk li a̱uc, ut ma̱cꞌaꞌak ajcuiꞌ li acui̱mk.

Génesis 46:34

la̱ex texchakꞌok ut te̱ye re, “Chalen chak saꞌ kacaꞌchꞌinal, la̱o aj ilol queto̱mk. Aꞌan ajcuiꞌ li cꞌanjel li queꞌxba̱nu chak eb li kaxeꞌto̱nil yucuaꞌ.” Joꞌcaꞌin te̱ye re laj faraón re nak aꞌan tixye e̱re nak texcana̱k saꞌ li naꞌajej Gosén. Kꞌaxal us raj texcana̱k arin Gosén xban nak eb laj Egipto xicꞌ nequeꞌrileb li nequeꞌqꞌuiresin queto̱mk, chan laj José reheb li ras.